Vakkert og vaklande
Eg får ikkje heilt fot på Joachim Triers fascinerande paranormale drama.
Eili Harboe har skapt ein truverdig heimføding som er open for nye inntrykk og idear i Joachim Triers nye film.
THRILLER/DRAMA/FANTASI
REGI: JOACHIM TRIER
Thelma
Med: Eili Harboe, Kaya Wilkins, Henrik Rafaelson
Kamera svevar stødig over Blindern med studentar yrande på asfalten, og fangar til slutt inn ei ung jente med sekk på ryggen. Biletet har noko tidlaust over seg, sjølv om både klede, sveis og tilbehøyr alt stadfestar at me er plasserte i notida. Thelma (Harboe) sitt fyrste møte med dei store auditoria, førelesingar og medelevar er gjenkjenneleg. Her er om å gjera og finna seg til rette, særleg sosialt. Utan særleg mykje relevant erfaring får Thelma likevel innpass. Og heile karakteren hennar er rett likandes. Harboe har skapt ein truverdig heimføding som er open for nye inntrykk og idear som står i skvis mellom sitt gamle, prektige eg og denne nye, unge dama som brått kjenner på lyster ho har fått innprenta er syndige.
ECCE HOMO
Men fy og fy, homofili og personleg kristendom, det må gå gale. Og det gjer det. Studentlivet lokkar unge Thelma ut på den breie vegen etter å ha gått den smale sti med foreldra tett inntil seg heile oppveksten. Den kristne bakgrunnen kræsjar med nye impulsar i storbyen, og særleg kjenslene Anja (Wilkins) vekkjer i henne. Desse kjenslene resulterer i epileptisk-liknande anfall som viser seg å ha ei langt mørkare forklaring, ei som ligg tilbake i barndommen og som stadig forfølgjer henne. Er Thelma besett av demonar? Eller kor kjem vondskapen eigentleg frå?
DETALJISTEN
Filmen vekslar mellom å vera veldig jordnær og realistisk og fullstendig svevande og overnaturleg. Den sitrande musikken (av fast Trier-komponist Ola Fløttum) skapar ei krypande stemning som til tider får meg til å tenka på Twin Peaks-serien frå nittitalet. Og på same måte som eg likte Twin Peaks sitt paranormale univers, finn du ein del av det same i Thelma. Og så er filmen så vakker å sjå på. Akkurat som med mange av regissør Triers filmar, særleg dei siste påkosta, som Louder than bombs (2015) og Oslo, 31. august (2011), er han nydeleg filma og etterproduserte med elegant klipping og gjennomtenkte rekvisittar. I det heile har Trier eit auga for detaljar som er til å ta av seg hatten for. Ellen Dorrit Petersen i rolla som mor til Thelma gjer til og med eit dels vellukka forsøk på å snakka rogalandsdialekt som dottera si.
Usikker
Kjem Thelma til å vinna ein Oscar, no som han er Noreg sitt bidrag? Eg trur ikkje det. Ikkje at kvalitet er noko kriterium for den oppskrytte, men superviktige prisen, men eg synest Thelma manglar eit eller anna. Han verkar uforløyst. Det er klart at når utomjordiske ting skjer, lyt ein kjøpa konseptet, elles fungerer det ikkje. Men eg får liksom aldri heilt styr på om det eigentleg er eit psykologisk drama eller om det faktisk er Gud som opererer gjennom Thelma. Dette innuendoet kunne vore styrken til filmen, men for meg blir det berre uklart. Kan summen av mange gode ting trumfa eitt grunnleggande irritasjonsmoment? I dette tilfellet svarar eg nølande ja.
BRIT AKSNES
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
THRILLER/DRAMA/FANTASI
REGI: JOACHIM TRIER
Thelma
Med: Eili Harboe, Kaya Wilkins, Henrik Rafaelson
Kamera svevar stødig over Blindern med studentar yrande på asfalten, og fangar til slutt inn ei ung jente med sekk på ryggen. Biletet har noko tidlaust over seg, sjølv om både klede, sveis og tilbehøyr alt stadfestar at me er plasserte i notida. Thelma (Harboe) sitt fyrste møte med dei store auditoria, førelesingar og medelevar er gjenkjenneleg. Her er om å gjera og finna seg til rette, særleg sosialt. Utan særleg mykje relevant erfaring får Thelma likevel innpass. Og heile karakteren hennar er rett likandes. Harboe har skapt ein truverdig heimføding som er open for nye inntrykk og idear som står i skvis mellom sitt gamle, prektige eg og denne nye, unge dama som brått kjenner på lyster ho har fått innprenta er syndige.
ECCE HOMO
Men fy og fy, homofili og personleg kristendom, det må gå gale. Og det gjer det. Studentlivet lokkar unge Thelma ut på den breie vegen etter å ha gått den smale sti med foreldra tett inntil seg heile oppveksten. Den kristne bakgrunnen kræsjar med nye impulsar i storbyen, og særleg kjenslene Anja (Wilkins) vekkjer i henne. Desse kjenslene resulterer i epileptisk-liknande anfall som viser seg å ha ei langt mørkare forklaring, ei som ligg tilbake i barndommen og som stadig forfølgjer henne. Er Thelma besett av demonar? Eller kor kjem vondskapen eigentleg frå?
DETALJISTEN
Filmen vekslar mellom å vera veldig jordnær og realistisk og fullstendig svevande og overnaturleg. Den sitrande musikken (av fast Trier-komponist Ola Fløttum) skapar ei krypande stemning som til tider får meg til å tenka på Twin Peaks-serien frå nittitalet. Og på same måte som eg likte Twin Peaks sitt paranormale univers, finn du ein del av det same i Thelma. Og så er filmen så vakker å sjå på. Akkurat som med mange av regissør Triers filmar, særleg dei siste påkosta, som Louder than bombs (2015) og Oslo, 31. august (2011), er han nydeleg filma og etterproduserte med elegant klipping og gjennomtenkte rekvisittar. I det heile har Trier eit auga for detaljar som er til å ta av seg hatten for. Ellen Dorrit Petersen i rolla som mor til Thelma gjer til og med eit dels vellukka forsøk på å snakka rogalandsdialekt som dottera si.
Usikker
Kjem Thelma til å vinna ein Oscar, no som han er Noreg sitt bidrag? Eg trur ikkje det. Ikkje at kvalitet er noko kriterium for den oppskrytte, men superviktige prisen, men eg synest Thelma manglar eit eller anna. Han verkar uforløyst. Det er klart at når utomjordiske ting skjer, lyt ein kjøpa konseptet, elles fungerer det ikkje. Men eg får liksom aldri heilt styr på om det eigentleg er eit psykologisk drama eller om det faktisk er Gud som opererer gjennom Thelma. Dette innuendoet kunne vore styrken til filmen, men for meg blir det berre uklart. Kan summen av mange gode ting trumfa eitt grunnleggande irritasjonsmoment? I dette tilfellet svarar eg nølande ja.
BRIT AKSNES
Brit Aksnes er frilans kulturarbeidar og fast filmmeldar i Dag og Tid.
Fleire artiklar
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Sofi Oksanen er av dei forfattarane som har fått flest prisar i Norden. Bøkene hennar er omsette til 46 språk. Biletet er frå bokmessa i Wien i 2022.
Foto: Nicola Montfort / Wikimedia Commons
Vald mot kvinner som våpen
Sofi Oksanen ønskte å skrive ei bok som er tilgjengeleg for vanlege lesarar, som kan lesast utan kart og utan at ein treng følgje krigsnyhenda dag for dag. At essayet Putins krig mot kvinner skulle bli så skremmande, såg ho ikkje heilt for seg.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.