Sovemedisin
Pen, stilriktig og kjedeleg versjon av Christie-klassikaren.
Kenneth Branagh spelar Agatha Christies meisterdetektiv Hercule Poirot.
Foto: Nicola Dove / Twentieth Century Fox
Drama
Regi: Kenneth Branagh
Mord på Orientekspressen (Orig.tittel: Murder on the Orient Express)
Med: Kenneth Branagh, Michelle Pfeiffer, Johnny Depp
Meisterdetektiv Hercule Poirot (Branagh) går om bord i toget i Istanbul saman med ei rekkje prominente passasjerar, inkludert den forbrytaraktige Ratchett (Depp), som alt fyrste natta vert teken av dage. Men av kven? Det verkar nesten ikkje naudsynt å koma med noka oppsummering, då boka har vorte lesen, høyrt og sett av ufatteleg mange sidan krimromanen Mord på Orientekspressen kom ut i 1934. Men godaste Agatha Christies ofte finurlege plott har framleis evna til å fenga både lesar, lyttar og sjåar. Det skal nesten godt gjerast å ikkje lukkast i å laga noko bra ut av det. Særleg når det britiske teaterets eiga filmstjerne, Kenneth Branagh, er på saka. Så feil kan ein ta.
Gamalskapande
Dei siste tjue åra har me vorte vane med å sjå David Suchet i rolla som den belgiske detektiven med den vesle, snertne barten. Ein ting skal Branagh ha: Han har teke tilbake barten, slik Christie skildra han i bøkene sine, stor og fyldig. Utover dette er Poirot som me kjenner han, kanskje med ekstra blå auge.
Branagh har alt opptredd i ein annan 70 mm-suksess i år, som kaptein i Nolans slåande Dunkirk. For denne biletkvaliteten har han sjølv gått for ekte film framfor digital, noko som kan merkast. Det er elegant til fingertuppane. Tenk om han hadde brukt like mange ressursar på manus og klipp? Sjølv utan for mykje dilldall, maktar Mord på Orientekspressen å vera langdryg. Den nye standardlengda på spelefilmar (rundt to timar) hjelper heller ikkje på, sjølvsagt.
Zzz
Mangelen på originalitet er kanskje det mest iaugefallande med filmen. Greitt at ein brukar store delar av budsjettet på store stjerner, men for min del blir det vakre art deco-perler for svin. Utanom Poirot, som er sedvanleg overdrive skildra, får ingen av dei vanlegvis karismatiske skodespelarane rom til å utvikla karakterane sine vidare, anna enn som utklippsdokker med fine klede.
Heile greia verkar som ei svær, blankskurt mjølkeku som luntar nedover photoshoppa enger – kanskje det framleis går an å skvisa nokre kroner ut av den gamle klassikaren. Stopp Orientekspressen, eg kjedar meg og vil av.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Kenneth Branagh
Mord på Orientekspressen (Orig.tittel: Murder on the Orient Express)
Med: Kenneth Branagh, Michelle Pfeiffer, Johnny Depp
Meisterdetektiv Hercule Poirot (Branagh) går om bord i toget i Istanbul saman med ei rekkje prominente passasjerar, inkludert den forbrytaraktige Ratchett (Depp), som alt fyrste natta vert teken av dage. Men av kven? Det verkar nesten ikkje naudsynt å koma med noka oppsummering, då boka har vorte lesen, høyrt og sett av ufatteleg mange sidan krimromanen Mord på Orientekspressen kom ut i 1934. Men godaste Agatha Christies ofte finurlege plott har framleis evna til å fenga både lesar, lyttar og sjåar. Det skal nesten godt gjerast å ikkje lukkast i å laga noko bra ut av det. Særleg når det britiske teaterets eiga filmstjerne, Kenneth Branagh, er på saka. Så feil kan ein ta.
Gamalskapande
Dei siste tjue åra har me vorte vane med å sjå David Suchet i rolla som den belgiske detektiven med den vesle, snertne barten. Ein ting skal Branagh ha: Han har teke tilbake barten, slik Christie skildra han i bøkene sine, stor og fyldig. Utover dette er Poirot som me kjenner han, kanskje med ekstra blå auge.
Branagh har alt opptredd i ein annan 70 mm-suksess i år, som kaptein i Nolans slåande Dunkirk. For denne biletkvaliteten har han sjølv gått for ekte film framfor digital, noko som kan merkast. Det er elegant til fingertuppane. Tenk om han hadde brukt like mange ressursar på manus og klipp? Sjølv utan for mykje dilldall, maktar Mord på Orientekspressen å vera langdryg. Den nye standardlengda på spelefilmar (rundt to timar) hjelper heller ikkje på, sjølvsagt.
Zzz
Mangelen på originalitet er kanskje det mest iaugefallande med filmen. Greitt at ein brukar store delar av budsjettet på store stjerner, men for min del blir det vakre art deco-perler for svin. Utanom Poirot, som er sedvanleg overdrive skildra, får ingen av dei vanlegvis karismatiske skodespelarane rom til å utvikla karakterane sine vidare, anna enn som utklippsdokker med fine klede.
Heile greia verkar som ei svær, blankskurt mjølkeku som luntar nedover photoshoppa enger – kanskje det framleis går an å skvisa nokre kroner ut av den gamle klassikaren. Stopp Orientekspressen, eg kjedar meg og vil av.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Mangelen på originalitet er kanskje det mest iaugefallande med filmen.
Fleire artiklar
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.
Papiravisa