Regi på roteromm et
Now it’s dark er eit ganske vellukka forsøk på å kombinera altfor mykje.
Silje Salomonsen spelar hovudrolla som Lene som vandrar ut i stavangernatta i ein ny film frå Arild Østin Ommundsen.
Drama
Regi: Arild Østin
Ommundsen
Now it’s dark
Med: Silje Salomonsen, Pia Tjelta, Kristoffer Joner, Vegar Hoel
I løpet av ei natt lyt Lene (Salomonsen) løysa mysteriet om dagen dottera forsvann sporlaust. I si vandring gjennom Stavanger møter ho ulike personar som vekkjer minner og assosiasjonar, og som på ulike vis påverkar utfallet.
Blanda styrke
Det er eit dristig prosjekt regissør Arild Østin Ommundsen har hatt føre seg med Now it’s dark. Han var borti krimelementet i førre film, Eventyrland (2013), men har for det meste hatt ganske streite narrativ der gruppedynamikken har drege filmane i stor grad, som i Monstertorsdag (2004) og mest kjent av alt Mongoland (2001). No ligg det ein botn av psykologisk uro og mentale krumsprang. Ommundsen skal iallfall ha for å vera trufast mot samarbeidspartnarane sine – eg trur alle som var med i Mongoland, er innom i løpet av natta Lene spring rundt med den mørke parykken og dei rotete tankane sine. Rotet forplantar seg inn i filmen, men trådnøstinga er samtidig styrken, og eg heng så vidt med. Trur eg.
Påverka
Dei mange skodespelarane som skal presenterast, kvar med si scene, gjev Now it’s dark eit utstillingsvindaugepreg. Denne rada med individuelle møte, der Lene og nærare tjue ulike skodespelarar skal snakka saman, berre dei to, gjer det heile fragmentert og lausrive. Den einaste me kjem inn på, er Lene, og det er no for så vidt heilt innanfor, men å skulla skapa ein relasjon til mengda med berande bikarakterar går ikkje. Eg får ikkje heilt tak på dei, og når det heile er dusja i rikelege dosar surrealisme, blir det naturleg nok ikkje heilt begripeleg. At det er gjort med overmål, tvilar eg ikkje på, men resultatet verkar meir som nasegrus David Lynch-beundring enn originalt regigrep. Så prøver Ommundsen heller ikkje å skjula denne påverkinga, tittelen refererer til eit sitat frå Blue Velvet (1986). Dristig, som sagt, men ikkje av den grunn innanfor.
Halvmørkt
Den verkelege stjerna i Now it’s dark er Stavanger. Byen står fram som spennande, grumsete, glitrande og mystisk – langt frå det eg vanlegvis assosierer han med: ein riktig småborgarleg by stinn i oljepengar. Nyanseringa er forfriskande. Og som eg nok har nemnt før, er det noko med rogalandsdialekta som gjer seg utruleg godt på film. Så blir også manuset formidla av gode skodespelarar, fleire av dei har gjennom årrekkjer no heva nivået over det meir teatralske som framleis går att i overraskande mange norske filmar. Eg har meir å utsetja på spelerommet enn på sjølve spelarane. Dei omtala duoscenane pressar karakterane inn i boksar og maktar ikkje å heva handlinga, snarare omvendt. Nokre av dei er også så i overkant sære at det bidreg kanskje ufrivillig til sneven av surrealisme, som aldri heilt glir over i bisart, berre i ei slags gråsone. Ommundsen har ikkje laga ein dårleg film, han har berre gått i «for mykje av det gode»-fella.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Arild Østin
Ommundsen
Now it’s dark
Med: Silje Salomonsen, Pia Tjelta, Kristoffer Joner, Vegar Hoel
I løpet av ei natt lyt Lene (Salomonsen) løysa mysteriet om dagen dottera forsvann sporlaust. I si vandring gjennom Stavanger møter ho ulike personar som vekkjer minner og assosiasjonar, og som på ulike vis påverkar utfallet.
Blanda styrke
Det er eit dristig prosjekt regissør Arild Østin Ommundsen har hatt føre seg med Now it’s dark. Han var borti krimelementet i førre film, Eventyrland (2013), men har for det meste hatt ganske streite narrativ der gruppedynamikken har drege filmane i stor grad, som i Monstertorsdag (2004) og mest kjent av alt Mongoland (2001). No ligg det ein botn av psykologisk uro og mentale krumsprang. Ommundsen skal iallfall ha for å vera trufast mot samarbeidspartnarane sine – eg trur alle som var med i Mongoland, er innom i løpet av natta Lene spring rundt med den mørke parykken og dei rotete tankane sine. Rotet forplantar seg inn i filmen, men trådnøstinga er samtidig styrken, og eg heng så vidt med. Trur eg.
Påverka
Dei mange skodespelarane som skal presenterast, kvar med si scene, gjev Now it’s dark eit utstillingsvindaugepreg. Denne rada med individuelle møte, der Lene og nærare tjue ulike skodespelarar skal snakka saman, berre dei to, gjer det heile fragmentert og lausrive. Den einaste me kjem inn på, er Lene, og det er no for så vidt heilt innanfor, men å skulla skapa ein relasjon til mengda med berande bikarakterar går ikkje. Eg får ikkje heilt tak på dei, og når det heile er dusja i rikelege dosar surrealisme, blir det naturleg nok ikkje heilt begripeleg. At det er gjort med overmål, tvilar eg ikkje på, men resultatet verkar meir som nasegrus David Lynch-beundring enn originalt regigrep. Så prøver Ommundsen heller ikkje å skjula denne påverkinga, tittelen refererer til eit sitat frå Blue Velvet (1986). Dristig, som sagt, men ikkje av den grunn innanfor.
Halvmørkt
Den verkelege stjerna i Now it’s dark er Stavanger. Byen står fram som spennande, grumsete, glitrande og mystisk – langt frå det eg vanlegvis assosierer han med: ein riktig småborgarleg by stinn i oljepengar. Nyanseringa er forfriskande. Og som eg nok har nemnt før, er det noko med rogalandsdialekta som gjer seg utruleg godt på film. Så blir også manuset formidla av gode skodespelarar, fleire av dei har gjennom årrekkjer no heva nivået over det meir teatralske som framleis går att i overraskande mange norske filmar. Eg har meir å utsetja på spelerommet enn på sjølve spelarane. Dei omtala duoscenane pressar karakterane inn i boksar og maktar ikkje å heva handlinga, snarare omvendt. Nokre av dei er også så i overkant sære at det bidreg kanskje ufrivillig til sneven av surrealisme, som aldri heilt glir over i bisart, berre i ei slags gråsone. Ommundsen har ikkje laga ein dårleg film, han har berre gått i «for mykje av det gode»-fella.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Den verkelege stjerna i Now it’s dark
er Stavanger.
Fleire artiklar
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.