Kaurismäki i slag
Finlands fremste filmskapar har laga ein fortreffeleg romantisk komedie i kjend og kjær stil.
Turtelduene Ansa, spelt av Alma Pröysti, og Holappa, spelt av Jussi Vatanen.
Foto: Malla Hukkanen / Sputnik / Arthaus
Drama / Komedie
Regi: Aki Kaurismäki
Høstgule blader (Orig.tit.: Kuolleet lehdet)
Med: Alma Pöysti, Jussi Vatanen, Martti Suosalo
Kinofilm med premiere 25. desember
Holappa (Vatanen) drikk tett. Han har lommelerka på lur også når han er i sving i industrijobben. Ansa (Pöysti) er samvitsfull og raus, men får sparken då ho blir teken i å ta med seg ein blings som er utgått på dato, frå jobben sin på daglegvarebutikken. Ho har uansett ikkje skikkeleg kontrakt. Båe er einsame. Tungsinnet hjå Holappa hindrar oss ikkje i å heie hardt på at dei to skal finne kvarandre.
Varm kulde
Aki Kaurismäki er i slag. Omgjevnadene og figurane er så typiske for regissøren at han nesten verkar parodiere seg sjølv. Dei to turtelduene er spelte av Alma Pöysti og Jussi Vatanen. Dei vantar fartstid med den store regissøren, men passar perfekt. Andleta er stoiske og alvorlege. Dialogen er lakonisk.
Menneska er stiliserte, slik barane, gatene og kleda også er det. Bileta ber varme. Ingenting tyder på at dette er eit heseblesande, høgteknologisk land, men eg får auge på ein enkel Nokia-telefon. Kalenderen på veggen er rett nok frå 2024, men verda til Kaurismäki har ikkje endra seg stort dei siste tiåra.
Trass i den lågmælte stilen ser ein strenge meldingar frå finnen. Fattigdom, alkoholisme og rettsløyse i arbeidslivet pregar eit kaldt Finland styrt av kynisme og griskleik. Sinnet brenn på lågbluss. Ingen skrik eller demonstrerer. Det er kraft i stilla.
Fjong klang
Det er karaoke på puben då dei to hovudfigurane først kikar på kvarandre. Musikken er eit berande element.
Olavi Virta er ein gjengangar. Han var kjend som kongen av finsk tango, men fleskar òg til med ein finsk versjon av «Mambo Italiano».
Verdas største tangostjerne Carlos Gardel må med. Ei sviske frå Helena Siltala er herleg. Mellom eldre slagarar er ei konsertscene med synthpopsystrene i Maustetytöt høgdepunktet.
I lag med musikknerden kjem filmelskaren Kaurismäki fram i plakatar av franske klassikarar og ein kinotur for å sjå den nye zombiekomedien til Jim Jarmusch. Publikum samanliknar The Dead Don’t Die med fransk nybølge utan ei mine. Det er vittig.
Situasjonar og kommentarar med komisk snert kjem tett. Eg ler og smiler. Humoren byggjer på små fakter og er mørk. Stemninga er ei nyting. Kjærleiken strøymer i meg, for figurane, for den lune, absurde humoren og for den gode og modige filmen.
Trass i tristesse er Høstgule blader ein beint fram godmodig film. Det er ei glede å sjå film av ein særeigen, sann filmkunstnar som Kaurismäki på kino. Filmen har hatt festival- og spesialvisningar i haust, men kjem på kino landet over til jul. Gled dykk.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama / Komedie
Regi: Aki Kaurismäki
Høstgule blader (Orig.tit.: Kuolleet lehdet)
Med: Alma Pöysti, Jussi Vatanen, Martti Suosalo
Kinofilm med premiere 25. desember
Holappa (Vatanen) drikk tett. Han har lommelerka på lur også når han er i sving i industrijobben. Ansa (Pöysti) er samvitsfull og raus, men får sparken då ho blir teken i å ta med seg ein blings som er utgått på dato, frå jobben sin på daglegvarebutikken. Ho har uansett ikkje skikkeleg kontrakt. Båe er einsame. Tungsinnet hjå Holappa hindrar oss ikkje i å heie hardt på at dei to skal finne kvarandre.
Varm kulde
Aki Kaurismäki er i slag. Omgjevnadene og figurane er så typiske for regissøren at han nesten verkar parodiere seg sjølv. Dei to turtelduene er spelte av Alma Pöysti og Jussi Vatanen. Dei vantar fartstid med den store regissøren, men passar perfekt. Andleta er stoiske og alvorlege. Dialogen er lakonisk.
Menneska er stiliserte, slik barane, gatene og kleda også er det. Bileta ber varme. Ingenting tyder på at dette er eit heseblesande, høgteknologisk land, men eg får auge på ein enkel Nokia-telefon. Kalenderen på veggen er rett nok frå 2024, men verda til Kaurismäki har ikkje endra seg stort dei siste tiåra.
Trass i den lågmælte stilen ser ein strenge meldingar frå finnen. Fattigdom, alkoholisme og rettsløyse i arbeidslivet pregar eit kaldt Finland styrt av kynisme og griskleik. Sinnet brenn på lågbluss. Ingen skrik eller demonstrerer. Det er kraft i stilla.
Fjong klang
Det er karaoke på puben då dei to hovudfigurane først kikar på kvarandre. Musikken er eit berande element.
Olavi Virta er ein gjengangar. Han var kjend som kongen av finsk tango, men fleskar òg til med ein finsk versjon av «Mambo Italiano».
Verdas største tangostjerne Carlos Gardel må med. Ei sviske frå Helena Siltala er herleg. Mellom eldre slagarar er ei konsertscene med synthpopsystrene i Maustetytöt høgdepunktet.
I lag med musikknerden kjem filmelskaren Kaurismäki fram i plakatar av franske klassikarar og ein kinotur for å sjå den nye zombiekomedien til Jim Jarmusch. Publikum samanliknar The Dead Don’t Die med fransk nybølge utan ei mine. Det er vittig.
Situasjonar og kommentarar med komisk snert kjem tett. Eg ler og smiler. Humoren byggjer på små fakter og er mørk. Stemninga er ei nyting. Kjærleiken strøymer i meg, for figurane, for den lune, absurde humoren og for den gode og modige filmen.
Trass i tristesse er Høstgule blader ein beint fram godmodig film. Det er ei glede å sjå film av ein særeigen, sann filmkunstnar som Kaurismäki på kino. Filmen har hatt festival- og spesialvisningar i haust, men kjem på kino landet over til jul. Gled dykk.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.