Tankar frå ein sofa
Stig Aasviks nyaste bok gir meg lyst til å be han skrive andre typar romanar. Det er meint som ein kompliment.
Den ferskaste romanen til Stig Aasvik går føre seg inne i hovudet til Stig Aasvik.
Foto: Tanya Hanzalova Wibye
Roman
Stig Aasvik:
Ordføreren i Oslo
Cappelen Damm
Ordføreren i Oslo, Stig Aasviks femte bok, er som ei ventepølse som er nesten litt for mettande. Men aller mest får ho meg til å lengte etter ein hovudrett, nemleg ein annan roman.
Det er berre eitt år sidan Stig Aasvik gav ut forløparen Lofotveggen. Bøkene er sjølvbiografiske og skrivne i ein lang arbeidsledig periode. I første bok fekk romanfiguren Stig jobbsøkarkurs via Nav, no er han i gang med andre del av tiltaket, der han får timar hos ein rettleiar. Men det er frå sofaen sin på Hasle han fortel heile romanen.
God spegling av tankar
Teksten er skriven utan avsnitt eller linjeskift, nye tema oppstår utan overgangar. Det er som om mykje fordampar etter kvart som eg les, ikkje fordi språket er tungt eller innhaldet kjedeleg, men fordi Aasvik er ein meister i å spegle kor flyktige tankar er og korleis dei hoppar saumlaust mellom det trivielle og eksistensielle.
For å sette i gang tankestraumane bakar han gjerne inn klassiske oppramsande skriveøvingar som «jeg elsker ...», «jeg liker ...» og ikkje minst «jeg husker ...», som vi kjenner frå Joe Brainards Jeg husker som nyleg blei omsett til norsk av Nils-Øivind Haagensen. Stig er innom svært mykje, som fotball, foreldre, film, filosofi, musikk, kaffibarar, trening, fly og reiser. Men det er to gjentakande emne eg meiner skil seg ut i det at dei skapar effektive kontrastar til hovudpersonen. Det første – jobbsøkarrettleiinga han får frå den overpositive Mona – står for det konstruktive. Det andre emnet er fryktelege avrettingar i Iran som han les om, og som viser at han eigentleg ikkje har det så ille.
Skrivevegring
Det blir litt mykje av det gode, ein må vere uthaldande for å lese romanar utan pustepausar. Men når Stig viser at han veit korleis vi kan oppfatte han, tilgir vi han i all forvirringa: «Jeg skulle ønske jeg var et reflektert og konsistent vesen – en som kunne skrive noe annet, noe mer enn dette vimsete og halvferdige tankearbeidet.» Det blir som å høyre ein ven klage i det uendelege for så å unnskylde seg for klaginga si.
Boka kan minne om Ole Giævers film frå 2017, Fra balkongen, som òg er sjølvbiografiske kvardagsskildringar frå ei blokk i det sentrumsnære Oslo. Oppskrifta er slik: Privilegert småbarnsfar i 40-åra fortel lenge og vel om at han har det heilt vanleg. Vi blir jo glade i desse mennene, men kanskje er det kjekt for alle om neste verk handlar om litt meir enn det dei ser frå balkongen og sofaen sin.
Eg les Ordføreren i Oslo mykje som ei bok om skrivevegring. Stig referer stadig til bøker han skriv på, men så er det altså denne «ventepølsa» som blir gitt ut. Favoritten min blant bøkene han arbeider med, er ein roman som skal handle om folk som held til i og rundt Tøyenparken. Eg håper Tøyenparken, og for så vidt dei andre prosjekta han fortel om, blir skrivne ut, for Stig Aasvik er ein god forfattar med mykje fint på hjartet.
Katrine Judit Urke
Katrine Judit Urke er bibliotekar.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Stig Aasvik:
Ordføreren i Oslo
Cappelen Damm
Ordføreren i Oslo, Stig Aasviks femte bok, er som ei ventepølse som er nesten litt for mettande. Men aller mest får ho meg til å lengte etter ein hovudrett, nemleg ein annan roman.
Det er berre eitt år sidan Stig Aasvik gav ut forløparen Lofotveggen. Bøkene er sjølvbiografiske og skrivne i ein lang arbeidsledig periode. I første bok fekk romanfiguren Stig jobbsøkarkurs via Nav, no er han i gang med andre del av tiltaket, der han får timar hos ein rettleiar. Men det er frå sofaen sin på Hasle han fortel heile romanen.
God spegling av tankar
Teksten er skriven utan avsnitt eller linjeskift, nye tema oppstår utan overgangar. Det er som om mykje fordampar etter kvart som eg les, ikkje fordi språket er tungt eller innhaldet kjedeleg, men fordi Aasvik er ein meister i å spegle kor flyktige tankar er og korleis dei hoppar saumlaust mellom det trivielle og eksistensielle.
For å sette i gang tankestraumane bakar han gjerne inn klassiske oppramsande skriveøvingar som «jeg elsker ...», «jeg liker ...» og ikkje minst «jeg husker ...», som vi kjenner frå Joe Brainards Jeg husker som nyleg blei omsett til norsk av Nils-Øivind Haagensen. Stig er innom svært mykje, som fotball, foreldre, film, filosofi, musikk, kaffibarar, trening, fly og reiser. Men det er to gjentakande emne eg meiner skil seg ut i det at dei skapar effektive kontrastar til hovudpersonen. Det første – jobbsøkarrettleiinga han får frå den overpositive Mona – står for det konstruktive. Det andre emnet er fryktelege avrettingar i Iran som han les om, og som viser at han eigentleg ikkje har det så ille.
Skrivevegring
Det blir litt mykje av det gode, ein må vere uthaldande for å lese romanar utan pustepausar. Men når Stig viser at han veit korleis vi kan oppfatte han, tilgir vi han i all forvirringa: «Jeg skulle ønske jeg var et reflektert og konsistent vesen – en som kunne skrive noe annet, noe mer enn dette vimsete og halvferdige tankearbeidet.» Det blir som å høyre ein ven klage i det uendelege for så å unnskylde seg for klaginga si.
Boka kan minne om Ole Giævers film frå 2017, Fra balkongen, som òg er sjølvbiografiske kvardagsskildringar frå ei blokk i det sentrumsnære Oslo. Oppskrifta er slik: Privilegert småbarnsfar i 40-åra fortel lenge og vel om at han har det heilt vanleg. Vi blir jo glade i desse mennene, men kanskje er det kjekt for alle om neste verk handlar om litt meir enn det dei ser frå balkongen og sofaen sin.
Eg les Ordføreren i Oslo mykje som ei bok om skrivevegring. Stig referer stadig til bøker han skriv på, men så er det altså denne «ventepølsa» som blir gitt ut. Favoritten min blant bøkene han arbeider med, er ein roman som skal handle om folk som held til i og rundt Tøyenparken. Eg håper Tøyenparken, og for så vidt dei andre prosjekta han fortel om, blir skrivne ut, for Stig Aasvik er ein god forfattar med mykje fint på hjartet.
Katrine Judit Urke
Katrine Judit Urke er bibliotekar.
Eg les Ordføreren i Oslo mykje som ei bok om skrivevegring.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?