JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Takk for at du vil dele artikkelen

Den du deler artikkelen med, kan lese og eventuelt lytte til heile artikkelen.
Det gjer vi for at fleire skal oppdage DAG OG TID.

Namnet ditt vert synleg for alle du deler artikkelen med.

BokMeldingar

Store kjensler på småbruket

Sophia Saengers roman er eit intenst, fengslande drama om sjeleliv og solbærsyltetøy.

Kvar veke les vi inn utvalde artiklar, som abonnentane våre kan lytte til.
Lytt til artikkelen
Sophia Saenger er fødd og oppvaksen i Oslo. Ho debuterte med ein roman i 2022.

Sophia Saenger er fødd og oppvaksen i Oslo. Ho debuterte med ein roman i 2022.

Foto: Anna-Julia Granberg / Blunderbuss

Sophia Saenger er fødd og oppvaksen i Oslo. Ho debuterte med ein roman i 2022.

Sophia Saenger er fødd og oppvaksen i Oslo. Ho debuterte med ein roman i 2022.

Foto: Anna-Julia Granberg / Blunderbuss

3105
20230505
3105
20230505

Roman

Sophia Saenger:

Kjære bror, lille søster

Cappelen Damm

Kristoffer og veslesøstera Lucie er vaksne opp i fosterheim. Dei er ikkje biologisk i slekt, men sterkt knytte til kvarandre. Fosterforeldra er religiøse og aktive i Den katolske kyrkja, dette er ei av fleire interesser fosterbarna ikkje deler. Så snart dei kan, flyttar dei vekk frå barndomsheimen og ser seg ikkje tilbake.

Forteljing om tobeinte

I romanens notid er dei på eit småbruk i Värmland, saman med venene Fredrik og Peder, og Amanda, kjærasten til Kristoffer. Der skal dei vere nokre sommarveker. Eigaren Liva er nyleg blitt enke og treng hjelp på garden. Men ho orkar ikkje bu i hovudhuset lenger; det overlèt ho til ungdommane.

Dei lagar mat, badar, fiskar, drikk vin om kveldane, i tillegg til å styre hønsehaldet, bærplukkinga og grønsakhagen. Om ein kikka inn gjennom eit vindauge ein vilkårleg augneblink, kunne det nok sjå lystig og liketil ut. Men for nokre av dei går det føre seg eit intenst drama på innsida, som i sin tur pregar resten.

Noko har skjedd i fortida. Noko har skjedd på ei raud hytte. Noko har skjedd i kjenslelivet til nokon. Nokre trefte kvarandre i Bergen. Andre hang i Oslo. Enkelte ting oppstår nett no. Sår gror, eller lar seg ikkje lukke. Og kva gjer venting med eit menneske?

Etter kvart som historia utspeler seg, og forfattaren dukkar stadig lenger inn i sjelelivet til personane, står det klart for oss kor uhyre komplekse vi kan vere, vi tobeinte med stor hjerne på denne planeten. Ikkje at vi ikkje ante noko om det, men det er godt med litteratur som tar seg tid til å gå inn og sjå på det. Det angår oss. Slik hønsehald og tilverking av solbærsyltetøy gjer. Vi fyller livet vårt med trivielt og eksistensielt, hummar og kanari.

Pageturner

Kjære bror, lille søster er Sophia Saengers andre roman, men her er lite litterære barnesjukdomar eller ungdomssynder å finne. Språket er korthogd og finslipt: «De satt i hagen bak huset. Det var sommer. Skjortene tørket i løpet av en halvtime på snoren. På stranden lå døde krabber. Det smakte salt av fingertuppene.» Det er som om ho spenner opp eit lerret og målar språket på. Andre setningar er oppfinnsame og effektive: «Døren til Fredriks leilighet gikk opp og dro med seg latteren til Peder.»

Oppbygginga av historia, det vil seie korleis fortid og framtid avløyser og glir inn i kvarandre, er utført med stor teft for balansen mellom spenning og avsløring. Personane har kvar si rolle i gjengen, kvar sine personlegdomstrekk, dei handlar ut frå ulike motiv. Det er fengslande å følge både gruppedynamikken og dei individuelle tolkingane deira av kva som skjer.

I tillegg til å vere ei gripande og opprørande bok er ho òg ein pageturner. Einaste innvendinga eg måtte ha, er knytt til dilemmaet som oppstod då eg ville både dvele ved språklerretet på kvar side og bla så fort som mogleg til neste. Men den klaga får eg sende til min eigen hjerne.

Ingvild Bræin

Ingvild Bræin er forfattar, nordist og fast bokmeldar i Dag og Tid.

Digital tilgang til DAG OG TID – heilt utan binding

Prøv ein månad for kr 49.
Deretter kr 199 per månad. Stopp når du vil.

Roman

Sophia Saenger:

Kjære bror, lille søster

Cappelen Damm

Kristoffer og veslesøstera Lucie er vaksne opp i fosterheim. Dei er ikkje biologisk i slekt, men sterkt knytte til kvarandre. Fosterforeldra er religiøse og aktive i Den katolske kyrkja, dette er ei av fleire interesser fosterbarna ikkje deler. Så snart dei kan, flyttar dei vekk frå barndomsheimen og ser seg ikkje tilbake.

Forteljing om tobeinte

I romanens notid er dei på eit småbruk i Värmland, saman med venene Fredrik og Peder, og Amanda, kjærasten til Kristoffer. Der skal dei vere nokre sommarveker. Eigaren Liva er nyleg blitt enke og treng hjelp på garden. Men ho orkar ikkje bu i hovudhuset lenger; det overlèt ho til ungdommane.

Dei lagar mat, badar, fiskar, drikk vin om kveldane, i tillegg til å styre hønsehaldet, bærplukkinga og grønsakhagen. Om ein kikka inn gjennom eit vindauge ein vilkårleg augneblink, kunne det nok sjå lystig og liketil ut. Men for nokre av dei går det føre seg eit intenst drama på innsida, som i sin tur pregar resten.

Noko har skjedd i fortida. Noko har skjedd på ei raud hytte. Noko har skjedd i kjenslelivet til nokon. Nokre trefte kvarandre i Bergen. Andre hang i Oslo. Enkelte ting oppstår nett no. Sår gror, eller lar seg ikkje lukke. Og kva gjer venting med eit menneske?

Etter kvart som historia utspeler seg, og forfattaren dukkar stadig lenger inn i sjelelivet til personane, står det klart for oss kor uhyre komplekse vi kan vere, vi tobeinte med stor hjerne på denne planeten. Ikkje at vi ikkje ante noko om det, men det er godt med litteratur som tar seg tid til å gå inn og sjå på det. Det angår oss. Slik hønsehald og tilverking av solbærsyltetøy gjer. Vi fyller livet vårt med trivielt og eksistensielt, hummar og kanari.

Pageturner

Kjære bror, lille søster er Sophia Saengers andre roman, men her er lite litterære barnesjukdomar eller ungdomssynder å finne. Språket er korthogd og finslipt: «De satt i hagen bak huset. Det var sommer. Skjortene tørket i løpet av en halvtime på snoren. På stranden lå døde krabber. Det smakte salt av fingertuppene.» Det er som om ho spenner opp eit lerret og målar språket på. Andre setningar er oppfinnsame og effektive: «Døren til Fredriks leilighet gikk opp og dro med seg latteren til Peder.»

Oppbygginga av historia, det vil seie korleis fortid og framtid avløyser og glir inn i kvarandre, er utført med stor teft for balansen mellom spenning og avsløring. Personane har kvar si rolle i gjengen, kvar sine personlegdomstrekk, dei handlar ut frå ulike motiv. Det er fengslande å følge både gruppedynamikken og dei individuelle tolkingane deira av kva som skjer.

I tillegg til å vere ei gripande og opprørande bok er ho òg ein pageturner. Einaste innvendinga eg måtte ha, er knytt til dilemmaet som oppstod då eg ville både dvele ved språklerretet på kvar side og bla så fort som mogleg til neste. Men den klaga får eg sende til min eigen hjerne.

Ingvild Bræin

Ingvild Bræin er forfattar, nordist og fast bokmeldar i Dag og Tid.

Fleire artiklar

Paul Giamatti i rolla som Paul Hunham og Dominic Sessa som Angus Tully i den nyaste filmen til Alexander Payne.

Paul Giamatti i rolla som Paul Hunham og Dominic Sessa som Angus Tully i den nyaste filmen til Alexander Payne.

Foto: Seacia Pavao / Focus Features LLC

FilmMeldingar

Armert film

JEREVAN: Filmfestivalen i den armenske hovudstaden Jerevan er like kontrastfull som byen.

Håkon Tveit
Paul Giamatti i rolla som Paul Hunham og Dominic Sessa som Angus Tully i den nyaste filmen til Alexander Payne.

Paul Giamatti i rolla som Paul Hunham og Dominic Sessa som Angus Tully i den nyaste filmen til Alexander Payne.

Foto: Seacia Pavao / Focus Features LLC

FilmMeldingar

Armert film

JEREVAN: Filmfestivalen i den armenske hovudstaden Jerevan er like kontrastfull som byen.

Håkon Tveit
Slik er byen Roma teikna i Nürnberg-krønika.

Slik er byen Roma teikna i Nürnberg-krønika.

Foto: Terje Tøgard / Orfeus

BokMeldingar
Gjert Vestrheim

Ein milepåle i europeisk bokhistorie

Hartmann Schedels verdshistorie, som vart trykt i Nürnberg i 1493, er mor til alle salongbordbøker.

Jubileumsfeiring for Kristenretten på Moster i år.

Jubileumsfeiring for Kristenretten på Moster i år.

Foto: Silje Katrine Robinson / NTB

Ordskifte
Eivor Andersen Oftestad

Fordommar på leseglasa

Det finst sjølvsagt nestekjærleik både i andre kulturar enn den kristne og hos folk som «ikkje trur» at mennesket er skapt i Guds bilete.

Gunnar Stubseid.

Gunnar Stubseid.

Foto: Stubseid.no

MinneordSamfunn
Hallvard T. Bjørgum

Gunnar Stubseid

(1948­–2024)

I den fyrste talen Keir Starmer heldt framfor Downing Street nr. 10, var han visjonær og energisk som få.

I den fyrste talen Keir Starmer heldt framfor Downing Street nr. 10, var han visjonær og energisk som få.

Foto: Toby Melville / Reuters / NTB

Samfunn

Røyster tel, valsystemet avgjer

Ikkje mange fleire britar røysta Labour i Storbritannia i år enn i 2019. Men røystene fordelte seg annleis. Det gav eit maktskifte.

Bernt Hagtvet
I den fyrste talen Keir Starmer heldt framfor Downing Street nr. 10, var han visjonær og energisk som få.

I den fyrste talen Keir Starmer heldt framfor Downing Street nr. 10, var han visjonær og energisk som få.

Foto: Toby Melville / Reuters / NTB

Samfunn

Røyster tel, valsystemet avgjer

Ikkje mange fleire britar røysta Labour i Storbritannia i år enn i 2019. Men røystene fordelte seg annleis. Det gav eit maktskifte.

Bernt Hagtvet

les DAG OG TID.
Vil du òg prøve?

Her kan du prøve vekeavisa DAG OG TID gratis i tre veker.
Prøveperioden stoppar av seg sjølv.

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis