Kontrastane i livet
Romanen 1979 handlar om den lange, men likevel forbløffande korte vegen frå storslåtte festar til å blande mark i suppa for å få protein.
Den tyske forfattaren Christian Kracht skriv om store kontrastar i livet.
Foto: Frauke Finsterwalder
Roman
Christian Kracht:
1979
Pelikanen
Året er 1979, og vi er i opptakta til den islamske revolusjonen i Iran. Hovudpersonen er interiørarkitekt og i Teheran med ekskjærasten Christopher som er alvorleg sjuk, sannsynlegvis av aids. Stemninga mellom dei er som hos eit gammalt ektepar: Både når dei snakkar og når dei teier, kan det ligge små skuldingar der. Samstundes kjenner dei stor omsorg for kvarandre.
Austleg og vestleg
Dei hamnar på ein hemningslaus villafest i Teheran der det slett ikkje er te som vert drukke, noko som elles er det vanlege. Festen, og Christopher, kjem ut av kontroll, på ekstatisk sjølvdestruktivt, dekadent vis. Blod og vin fløymer. I verda utanfor står militærpolitiet i gatekryss og kontrollerer køyretøy, og snart høyrer dei stadig meir av skot, stridsvogner og maskingeværsalver. Hovudpersonen må skugge banen, og får eit råd om å dra til eit fjell i Tibet for å få openberringa han treng i livet. Etter ei stund i selskap med ein gjeng pilegrimar, blir han arrestert av kinesiske soldatar, tatt med til ein kinesisk arbeidsleir og lever der under særs stusselege, for ikkje å seie livstrugande forhold. Vegen har vore lang frå elleville, overdådige festar til pur elende.
Den tyske forfattaren Christian Kracht har med 1979 skrive ei forteljing om dei store kontrastane i livet, også mellom verdiane til den austlege og vestlege verda. Ein kan ikkje utan vidare bevege seg «fritt» mellom desse. Ein kan heller ikkje naudsynleg «gripe inn» i noko. I denne romanen blir hovudpersonen snarare tvinga til å både leve og lide under tanke- og styresett, ideologiar og maktutøving som andre har.
Svart humor
Kracht skriv energisk og usentimentalt. Romanen er som eit utsnitt av ein verdssituasjon i ei bestemt historisk tid, utan nokon eigentleg start eller slutt. Det er som om forfattaren begynner å filme på eit tidspunkt, og gjev seg når batteriet er tomt. Det blir opp til lesaren å finne overføringsverdiane som ligg i teksten – noko det finst mange høve til, då kolliderande verdisyn og levesett er noko som er jamt pågåande, enten ein snakkar om politiske, religiøse eller personlege verdisyn.
Humorist er Kracht ikkje, men eit par gongar kjem ein svart humor fram. Som her, når hovudpersonen er tatt til fange av kinesarane og ikkje har fått mat på lenge: «stående kilt inn mellom de andre fangene på lasteplanet, følte jeg på ribbena og hofteknokene mine som endelig, endelig stakk langt ut fra kroppen, slik jeg alltid hadde ønsket meg det».
Sverre Dahl har stått for ei omsetjing som flyt godt, sjølv om ein av og til kan kjenne at det heng noko litt for tysk igjen til at det skal klinge godt på norsk: «På et trebord midt på den sentrale gårdsplassen lå dag og natt, lagt pent på rekke og rad, flere instrumenter som vi aldri fikk berøre, bare se på.» På ei anna side har eg prøvd å snu på denne setninga frå mange kantar, og oppramsande og informasjonstung blir ho uansett.
Ingvild Bræin
Ingvild Bræin er litteraturvitar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Christian Kracht:
1979
Pelikanen
Året er 1979, og vi er i opptakta til den islamske revolusjonen i Iran. Hovudpersonen er interiørarkitekt og i Teheran med ekskjærasten Christopher som er alvorleg sjuk, sannsynlegvis av aids. Stemninga mellom dei er som hos eit gammalt ektepar: Både når dei snakkar og når dei teier, kan det ligge små skuldingar der. Samstundes kjenner dei stor omsorg for kvarandre.
Austleg og vestleg
Dei hamnar på ein hemningslaus villafest i Teheran der det slett ikkje er te som vert drukke, noko som elles er det vanlege. Festen, og Christopher, kjem ut av kontroll, på ekstatisk sjølvdestruktivt, dekadent vis. Blod og vin fløymer. I verda utanfor står militærpolitiet i gatekryss og kontrollerer køyretøy, og snart høyrer dei stadig meir av skot, stridsvogner og maskingeværsalver. Hovudpersonen må skugge banen, og får eit råd om å dra til eit fjell i Tibet for å få openberringa han treng i livet. Etter ei stund i selskap med ein gjeng pilegrimar, blir han arrestert av kinesiske soldatar, tatt med til ein kinesisk arbeidsleir og lever der under særs stusselege, for ikkje å seie livstrugande forhold. Vegen har vore lang frå elleville, overdådige festar til pur elende.
Den tyske forfattaren Christian Kracht har med 1979 skrive ei forteljing om dei store kontrastane i livet, også mellom verdiane til den austlege og vestlege verda. Ein kan ikkje utan vidare bevege seg «fritt» mellom desse. Ein kan heller ikkje naudsynleg «gripe inn» i noko. I denne romanen blir hovudpersonen snarare tvinga til å både leve og lide under tanke- og styresett, ideologiar og maktutøving som andre har.
Svart humor
Kracht skriv energisk og usentimentalt. Romanen er som eit utsnitt av ein verdssituasjon i ei bestemt historisk tid, utan nokon eigentleg start eller slutt. Det er som om forfattaren begynner å filme på eit tidspunkt, og gjev seg når batteriet er tomt. Det blir opp til lesaren å finne overføringsverdiane som ligg i teksten – noko det finst mange høve til, då kolliderande verdisyn og levesett er noko som er jamt pågåande, enten ein snakkar om politiske, religiøse eller personlege verdisyn.
Humorist er Kracht ikkje, men eit par gongar kjem ein svart humor fram. Som her, når hovudpersonen er tatt til fange av kinesarane og ikkje har fått mat på lenge: «stående kilt inn mellom de andre fangene på lasteplanet, følte jeg på ribbena og hofteknokene mine som endelig, endelig stakk langt ut fra kroppen, slik jeg alltid hadde ønsket meg det».
Sverre Dahl har stått for ei omsetjing som flyt godt, sjølv om ein av og til kan kjenne at det heng noko litt for tysk igjen til at det skal klinge godt på norsk: «På et trebord midt på den sentrale gårdsplassen lå dag og natt, lagt pent på rekke og rad, flere instrumenter som vi aldri fikk berøre, bare se på.» På ei anna side har eg prøvd å snu på denne setninga frå mange kantar, og oppramsande og informasjonstung blir ho uansett.
Ingvild Bræin
Ingvild Bræin er litteraturvitar og fast bokmeldar i Dag og Tid.
Kracht skriv energisk og usentimentalt.
Fleire artiklar
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.
Nicolas Leirtrø, Øyvind Leite og Amund Storløkken Åse utgjer trioen med namnet I Like to Sleep.
Foto: Sigrid Erdal
Spanande klangunivers
I Like to Sleep har laga ei mangfaldig plate.
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?