Unødvendig sein vedtaksprosess
Det går med enorme mengder våpen og militært utstyr i Ukraina-krigen, og mange er drepne på begge sider. Men skal Ukraina kunna stå imot Russland, må dei, om vi likar det eller ei, kvar dag og kvar veke få nye leveransar av våpen frå Nato-landa.
Difor var det viktig at regjeringa i januar i år kunngjorde at Noreg skulle kjøpa store mengder artilleriammunisjon frå våpenprodusenten Nammo på Raufoss, og der delar av denne ammunisjonen skulle gå til Ukraina.
No kan Aftenposten fortelja at fire månader etter kunngjeringa frå regjeringa, er det framleis ikkje gjort konkrete avtalar om produksjon av desse våpena. Til Aftenposten svarar Forsvarsdepartementet at saka ligg til handsaming i Stortinget, og at dei er i ein «pågående prosess som det ikke er naturlig å kommentere nærmere».
Først 6. juni skal saka opp i Stortinget knytt til ein proposisjon om investeringar i Forsvaret. Då har vedtaksprosessen åleine teke fem månader. Det er lang tid for dei som står i krigen dag etter dag.
Vanlege investeringar i Forsvaret må sjølvsagt handterast etter faste prosedyrar. Men vedtaket om våpensending til Ukraina burde ein fått unna på kortare tid. Særleg sidan det er eit klart fleirtal for meir våpen til Ukraina i Stortinget. Vi har bunde oss til masta og må hjelpa Ukraina militært så godt vi kan.
Regjering og Storting var prisverdig raske med å vedta våpenstøtte til Ukraina då krigen braut ut i 24. februar i fjor. No må styresmaktene halda oppe merksemda og tempoet så lenge krigen varer.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det går med enorme mengder våpen og militært utstyr i Ukraina-krigen, og mange er drepne på begge sider. Men skal Ukraina kunna stå imot Russland, må dei, om vi likar det eller ei, kvar dag og kvar veke få nye leveransar av våpen frå Nato-landa.
Difor var det viktig at regjeringa i januar i år kunngjorde at Noreg skulle kjøpa store mengder artilleriammunisjon frå våpenprodusenten Nammo på Raufoss, og der delar av denne ammunisjonen skulle gå til Ukraina.
No kan Aftenposten fortelja at fire månader etter kunngjeringa frå regjeringa, er det framleis ikkje gjort konkrete avtalar om produksjon av desse våpena. Til Aftenposten svarar Forsvarsdepartementet at saka ligg til handsaming i Stortinget, og at dei er i ein «pågående prosess som det ikke er naturlig å kommentere nærmere».
Først 6. juni skal saka opp i Stortinget knytt til ein proposisjon om investeringar i Forsvaret. Då har vedtaksprosessen åleine teke fem månader. Det er lang tid for dei som står i krigen dag etter dag.
Vanlege investeringar i Forsvaret må sjølvsagt handterast etter faste prosedyrar. Men vedtaket om våpensending til Ukraina burde ein fått unna på kortare tid. Særleg sidan det er eit klart fleirtal for meir våpen til Ukraina i Stortinget. Vi har bunde oss til masta og må hjelpa Ukraina militært så godt vi kan.
Regjering og Storting var prisverdig raske med å vedta våpenstøtte til Ukraina då krigen braut ut i 24. februar i fjor. No må styresmaktene halda oppe merksemda og tempoet så lenge krigen varer.
Svein Gjerdåker
Fleire artiklar
Ei palestinsk kvinne passerer ruinane av bustadblokker i Hamad i Khan Younis sør på Gaza 13. mars 2024.
Foto: Ahmed Zakot / Reuters / NTB
Alt dette var ikkje nødvendig
Krigen i Gaza er ikkje eit brot, men snarare ei logisk fullbyrding av politikken som er ført dei siste femti åra i Israel.
Ferdigmathylla på butikken er ofte ganske stor. Men er det dei små som handterer ho best?
Foto: Terje Pedersen / NTB
Ferdigmiddag
Det kan sjå ut som smådriftsfordelar bør få dominere norsk ferdigmatproduksjon.
Presidentkandidat Donald Trump gjer honnør når dei spelar av opptaket der dømde etter 6. januar-åtaket på Kongressen syng nasjonalsongen i kor.
Foto: Jeff Dean / AP / NTB
Val på kanten av stupet?
– Om eg ikkje vinn presidentvalet i haust, betyr det slutten på det amerikanske demokratiet, sa Trump på eit valmøte i Ohio sist helg.
29 kvinner i Kremenets-regionen har fått førarkort for traktor dei seinaste vekene.
Foto: Efrem Lukatsky / AP / NTB
Traktorar og forrædarar
I staden for ei fredeleg våronn må Ukraina forsvare seg mot den russiske våroffensiven.
Eugénie arbeider som kokk for den vidgjetne restauranteigaren Dodin i 20 år. Den felles kjærleiken dei har til mat, skapar unike retter som tiltrekkjer seg menneske frå heile verda.
Foto: Carole Bethuel