Uklokt av Venstre
Venstre opnar for å gå i regjering med Frp og Høgre. Det er litt av ein snuoperasjon for partiet som heller ville ha Jens enn Jensen for få år sidan, og som seinast under valkampen i sommar var svært så tydeleg i kritikken av Frp.
No syner partiet altså vilje til å gå i allianse med Framstegspartiet. Det kan ikkje vera for å berga landet. Det er jo ikkje slik at vi manglar ei regjering og at Venstre difor må ofra seg for å sikra styringa av landet. Skiftet synest mest motivert for å berga partiet.
Vedtaket har ført til spenningar internt i Venstre. Den begeistra klappinga for Trine Skei Grande då ho kom inn til pressekonferansen for å annonsera det store lagnadsskiftet mot høgre i norsk politikk, fortalde ikkje heila sanninga om kva medlemene landet rundt meiner.
Venstre, trass storleiken, ser på seg sjølv som eit statsberande parti. Det skal dei ha. Og dette gjev partiet kraft og vilje. Men no spelar dei høgt, og dei risikerer at den gamle halvdelen av partiet – distriktsvenstre – forvitrar. Vona må vera at dei klarer å få høgreveljarane som røysta taktisk ved sist val for å få Venstre over sperregrensa, til å verta verande.
Men spørsmålet er om fornyinga vil verta like stor som avskalinga. Eit parti klarer seg ikkje utan eit godt landsdekkjande partiapparat med aktive tillitsvalde. Mykje av svaret får vi ved kommunevalet 2019. Kor mange av dei gamle tillitsvalde vil halda fram i kommunestyra om partiet er i allianse med Frp?
Valet om å gå i forhandlingar om regjeringsdeltaking synest uklokt. Ein skal ha respekt for politiske skilje og ideologisk tilnærming. Les ein partiprogramma til Venstre og Frp, er skiljet mellom dei to partia for stort til at dei saman kan bidra til å staka ut ein kraftfull og einskapleg kurs for landet vårt framover.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Venstre opnar for å gå i regjering med Frp og Høgre. Det er litt av ein snuoperasjon for partiet som heller ville ha Jens enn Jensen for få år sidan, og som seinast under valkampen i sommar var svært så tydeleg i kritikken av Frp.
No syner partiet altså vilje til å gå i allianse med Framstegspartiet. Det kan ikkje vera for å berga landet. Det er jo ikkje slik at vi manglar ei regjering og at Venstre difor må ofra seg for å sikra styringa av landet. Skiftet synest mest motivert for å berga partiet.
Vedtaket har ført til spenningar internt i Venstre. Den begeistra klappinga for Trine Skei Grande då ho kom inn til pressekonferansen for å annonsera det store lagnadsskiftet mot høgre i norsk politikk, fortalde ikkje heila sanninga om kva medlemene landet rundt meiner.
Venstre, trass storleiken, ser på seg sjølv som eit statsberande parti. Det skal dei ha. Og dette gjev partiet kraft og vilje. Men no spelar dei høgt, og dei risikerer at den gamle halvdelen av partiet – distriktsvenstre – forvitrar. Vona må vera at dei klarer å få høgreveljarane som røysta taktisk ved sist val for å få Venstre over sperregrensa, til å verta verande.
Men spørsmålet er om fornyinga vil verta like stor som avskalinga. Eit parti klarer seg ikkje utan eit godt landsdekkjande partiapparat med aktive tillitsvalde. Mykje av svaret får vi ved kommunevalet 2019. Kor mange av dei gamle tillitsvalde vil halda fram i kommunestyra om partiet er i allianse med Frp?
Valet om å gå i forhandlingar om regjeringsdeltaking synest uklokt. Ein skal ha respekt for politiske skilje og ideologisk tilnærming. Les ein partiprogramma til Venstre og Frp, er skiljet mellom dei to partia for stort til at dei saman kan bidra til å staka ut ein kraftfull og einskapleg kurs for landet vårt framover.
Svein Gjerdåker
Fleire artiklar
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.