Støre og
Giske-saka
Jonas Gahr Støre har fått mykje kritikk i media for handteringa av Giske-saka. Han skal ha abdisert, er passiv, verkar redd og har ikkje handla raskt nok.
Det er urettmessige skuldingar. For Støre synest å ha handla fornuftig og prinsipielt i denne saka og har ikkje late seg driva fram av media til forhasta konklusjonar. På same tid har han stått fram med omsyn og omtanke for dei kvinnene som har varsla.
Alt dette er gjort samstundes som enkelte aviser har hatt tilgang til ein endelaus straum av lekkasjar frå interne møte og rapportar i Arbeidarpartiet. Media må sjølvsagt takka ja til desse lekkasjane, men burde synt større forståing i dei mange kommentarane som vert skrivne, for at slike lekkasjar gjer det svært krevjande å handtera ei sak når omverda får nærast direkte innsyn i interne diskusjonar.
#MeToo-kampanjen vil bli ståande som eit viktig tidsskilje. Merksemda kampanjen har fått, har gjort det lettare for unge kvinner som har opplevd seksuell trakassering, å rapportera inn historiene sine. Vonleg vil #MeToo føra til at det vert færre slike historier i framtida.
Men kampanjen reiser òg viktige prinsipielle utfordringar og kan få uheldige følgjer. Han må ikkje verta ein gapestokk der einskildindivid ikkje får høve til å forsvara seg og koma med sin versjon av saka – og kanskje verta urettmessig uthengde. I ein rettsstat er dette sjølvsagt, og media har her eit særleg ansvar.
Dette har Støre skjøna. Så må han og partiet leva med at saka tek tid og tek merksemda bort frå det konkrete politiske arbeidet.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jonas Gahr Støre har fått mykje kritikk i media for handteringa av Giske-saka. Han skal ha abdisert, er passiv, verkar redd og har ikkje handla raskt nok.
Det er urettmessige skuldingar. For Støre synest å ha handla fornuftig og prinsipielt i denne saka og har ikkje late seg driva fram av media til forhasta konklusjonar. På same tid har han stått fram med omsyn og omtanke for dei kvinnene som har varsla.
Alt dette er gjort samstundes som enkelte aviser har hatt tilgang til ein endelaus straum av lekkasjar frå interne møte og rapportar i Arbeidarpartiet. Media må sjølvsagt takka ja til desse lekkasjane, men burde synt større forståing i dei mange kommentarane som vert skrivne, for at slike lekkasjar gjer det svært krevjande å handtera ei sak når omverda får nærast direkte innsyn i interne diskusjonar.
#MeToo-kampanjen vil bli ståande som eit viktig tidsskilje. Merksemda kampanjen har fått, har gjort det lettare for unge kvinner som har opplevd seksuell trakassering, å rapportera inn historiene sine. Vonleg vil #MeToo føra til at det vert færre slike historier i framtida.
Men kampanjen reiser òg viktige prinsipielle utfordringar og kan få uheldige følgjer. Han må ikkje verta ein gapestokk der einskildindivid ikkje får høve til å forsvara seg og koma med sin versjon av saka – og kanskje verta urettmessig uthengde. I ein rettsstat er dette sjølvsagt, og media har her eit særleg ansvar.
Dette har Støre skjøna. Så må han og partiet leva med at saka tek tid og tek merksemda bort frå det konkrete politiske arbeidet.
Svein Gjerdåker
Fleire artiklar
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.