Snuoperasjonen
Kven av dei tre regjeringspartnarane vil tena mest på den nye regjeringa? Venstre risikerer mest og har lagt heile lagnaden sin i det nye regjeringssamarbeidet med Frp og Høgre. No er ikkje Venstre lenger eit vanleg sentrumsparti, men meir som eit høgreparti å rekna. Det er greitt nok. Men det er ufint at dei sa noko anna til veljarane sist sommar.
At Venstre går frå å vera eit tydeleg Frp-kritisk parti i september til å samarbeida tett med Frp i regjering i januar, er ein av dei største snuoperasjonane i norsk politikk. Særleg sidan skiftet skjedde kort tid etter at dei hadde gått til val på noko heilt anna. Det kjem dei til å mista både medlemer og veljarar på. Spørsmålet er kor mange nye som kjem til.
Kva Frp har å tena på at Venstre vert med i regjeringa, er vanskeleg å skjøna. Som medlem i den førre regjeringa hadde Høgre alt teke inn Frp i det gode selskapet og normalisert partiet. Men når Venstre kjem inn, reduserer det makta til Framstegspartiet. Posisjon til partiet vil verta ytterlegare svekt om KrF òg kjem med.
Høgre er vinnaren så langt. Partiet kan no stå fram som den store brubyggjaren i norsk politikk som kan samla kreftene til felles innsats. Difor er det viktig for Høgre at òg KrF kjem med i regjeringa. Då har dei skapt ein maktbase som kan utfordra Arbeidarpartiet i mange år framover. Det hastar for Arbeidarpartiet å koma opp med eit reelt alternativ.
Vi er såleis vitne til store lineskifte i norsk politikk. Danninga av den nye regjeringa viser òg at innvandringspolitikken ikkje polariserer norsk politikk så mykje som debatten har gjeve inntrykk av dei siste åra. Når det mest innvandringskritiske partiet kan samarbeida tett med eit av dei mest liberale partia i innvandringspolitikken, forsterkar det inntrykket av at dei fleste partia ikkje er så usamde i sak, berre i retorikk.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kven av dei tre regjeringspartnarane vil tena mest på den nye regjeringa? Venstre risikerer mest og har lagt heile lagnaden sin i det nye regjeringssamarbeidet med Frp og Høgre. No er ikkje Venstre lenger eit vanleg sentrumsparti, men meir som eit høgreparti å rekna. Det er greitt nok. Men det er ufint at dei sa noko anna til veljarane sist sommar.
At Venstre går frå å vera eit tydeleg Frp-kritisk parti i september til å samarbeida tett med Frp i regjering i januar, er ein av dei største snuoperasjonane i norsk politikk. Særleg sidan skiftet skjedde kort tid etter at dei hadde gått til val på noko heilt anna. Det kjem dei til å mista både medlemer og veljarar på. Spørsmålet er kor mange nye som kjem til.
Kva Frp har å tena på at Venstre vert med i regjeringa, er vanskeleg å skjøna. Som medlem i den førre regjeringa hadde Høgre alt teke inn Frp i det gode selskapet og normalisert partiet. Men når Venstre kjem inn, reduserer det makta til Framstegspartiet. Posisjon til partiet vil verta ytterlegare svekt om KrF òg kjem med.
Høgre er vinnaren så langt. Partiet kan no stå fram som den store brubyggjaren i norsk politikk som kan samla kreftene til felles innsats. Difor er det viktig for Høgre at òg KrF kjem med i regjeringa. Då har dei skapt ein maktbase som kan utfordra Arbeidarpartiet i mange år framover. Det hastar for Arbeidarpartiet å koma opp med eit reelt alternativ.
Vi er såleis vitne til store lineskifte i norsk politikk. Danninga av den nye regjeringa viser òg at innvandringspolitikken ikkje polariserer norsk politikk så mykje som debatten har gjeve inntrykk av dei siste åra. Når det mest innvandringskritiske partiet kan samarbeida tett med eit av dei mest liberale partia i innvandringspolitikken, forsterkar det inntrykket av at dei fleste partia ikkje er så usamde i sak, berre i retorikk.
Svein Gjerdåker
Fleire artiklar
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.