Når meinings-målingane tar over
Det er lett å tru at ting var betre før, men valkampen i år må ha vore ein av dei minst opplysande valkampane på lang tid. For mykje har dreia seg om meiningsmålingar og ulike konfliktskapande Listhaug-utspel.
Meiningsmålingar passar godt til å laga naudsynt dramaturgi og spaning på nettsidene gjennom dagen og veka. Meiningsmålingane er enkle å nytta til korte og spissa overskrifter. TV2 hadde denne veka fylgjande overskrift: «Høyre kraftig tilbake». Den «kraftige» tilbakegangen var på 1,6 prosent, noko som er godt innanfor feilmarginen på 1,1 til 2 prosent.
Meiningsmålingar er sjølvsagt interessante for å sjå trendar og store endringar i oppslutninga til partia. Problemet vert når meiningsmålingar kjem for ofte, når media siterer kvarandre i omtaler av meiningsmålingar, og når målingane vert drøfta som om dei var det endelege valresultatet. Dette er uheldig.
Når meiningsmålingane får for stor merksemd, kjem dei overordna og prinsipielle sidene av politikken i bakgrunnen. I staden får ein debattar om valstrategiar og eigenskapane til partileiarane. Dessutan må dei mange meiningsmålingane – og vinklinga og spissinga media gjer av det som ofte er små endringar – truleg òg påverka oppslutnaden til dei same partia. Dette er problematisk i seg sjølv.
Eit opplyst og godt politisk ordskifte med vekt på saker og skilnader partia imellom er viktig for å sikra ei brei politisk rekruttering. Diverre har partia gått tilbake som medlemsorganisasjonar dei siste tiåra. I 1980 var 16 prosent av folket medlemer i eit politisk parti. I 2015 var talet sju prosent. I 1980 var sju prosent av folket aktive i eit politisk parti. I dag er talet så lågt som to prosent.
Desse tala må takast alvorleg. Det breie, folkelege engasjementet har vore ein styrke ved det norske demokratiet.
Godt val!
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det er lett å tru at ting var betre før, men valkampen i år må ha vore ein av dei minst opplysande valkampane på lang tid. For mykje har dreia seg om meiningsmålingar og ulike konfliktskapande Listhaug-utspel.
Meiningsmålingar passar godt til å laga naudsynt dramaturgi og spaning på nettsidene gjennom dagen og veka. Meiningsmålingane er enkle å nytta til korte og spissa overskrifter. TV2 hadde denne veka fylgjande overskrift: «Høyre kraftig tilbake». Den «kraftige» tilbakegangen var på 1,6 prosent, noko som er godt innanfor feilmarginen på 1,1 til 2 prosent.
Meiningsmålingar er sjølvsagt interessante for å sjå trendar og store endringar i oppslutninga til partia. Problemet vert når meiningsmålingar kjem for ofte, når media siterer kvarandre i omtaler av meiningsmålingar, og når målingane vert drøfta som om dei var det endelege valresultatet. Dette er uheldig.
Når meiningsmålingane får for stor merksemd, kjem dei overordna og prinsipielle sidene av politikken i bakgrunnen. I staden får ein debattar om valstrategiar og eigenskapane til partileiarane. Dessutan må dei mange meiningsmålingane – og vinklinga og spissinga media gjer av det som ofte er små endringar – truleg òg påverka oppslutnaden til dei same partia. Dette er problematisk i seg sjølv.
Eit opplyst og godt politisk ordskifte med vekt på saker og skilnader partia imellom er viktig for å sikra ei brei politisk rekruttering. Diverre har partia gått tilbake som medlemsorganisasjonar dei siste tiåra. I 1980 var 16 prosent av folket medlemer i eit politisk parti. I 2015 var talet sju prosent. I 1980 var sju prosent av folket aktive i eit politisk parti. I dag er talet så lågt som to prosent.
Desse tala må takast alvorleg. Det breie, folkelege engasjementet har vore ein styrke ved det norske demokratiet.
Godt val!
Svein Gjerdåker
Fleire artiklar
Jeffrey Wright spelar rolla som forfattaren Thelonious «Monk» Ellison.
Foto: Prime Video
Moro for middelklassen
Den er ikkje tung på labben, American Fiction, som gjer det veldig lett å le.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.