Modige Shabana Rehman
Journalisten og fredsaktivisten Carl von Ossietzky vart urettvist dømd i tysk rett for spionasje og landssvik og sat fleire år i tysk konsentrasjonsleir i mellomkrigstida, før han døydde av sjukdom i 1938.
I 1936 fekk han Nobels fredspris, ei av dei modigaste og mest heroiske tildelingane til Nobelkomiteen nokosinne. Ikkje uventa møtte tildelinga kritikk, også i Noreg, der blant andre Aftenposten, Morgenbladet og Nationen var mot tildelinga.
Den norske avdelinga av skribent- og ytringsfridomsorganisasjonen Pen International har valt å kalla ytringsfridomsprisen deira opp etter Ossietzky. Det er ambisiøst av Norske Pen, for det set store krav til prisvinnaren. Ein må ha synt ekstra sivilt mot ut over det vanlege. Innsatsen må ha kosta noko.
Difor er det gledeleg at Shabana Rehman har fått årets pris. Ho har vore ei uredd kvinne i årevis – trass alle truslane ho har fått, og all trakasseringa ho har opplevd. Det toppa seg i 2005 då det nattetid vart avfyrt fleire skot mot restauranten til familien Rehman i Oslo sentrum. Ingen vart teken for ugjerninga, heldigvis vart heller ingen skadd.
Shabana Rehman har særleg kritisert patriarkalske muslimske æreskulturar, som har hindra mange oppveksande norske jenter med innvandrarbakgrunn i å vere frie til å gjera som dei vil, og kunna delta som sjølvstendige samfunnsborgarar. Denne motstanden mot religiøs og kulturell intoleranse har vore ei kjernesak for Shabana Rehman. Og ho har gjort det på mangfaldig vis, ikkje minst gjennom humor og ironi.
Shabana Rehman var tidleg ute med sin kritikk og har vore til inspirasjon for mange. Det er særs krevjande å stå i ein situasjon som ho har vore i, år etter år, og mange ville av forståelege grunnar trekt seg tilbake. Shabana Rehman har valt å stå i det. Det står det stor respekt av.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Journalisten og fredsaktivisten Carl von Ossietzky vart urettvist dømd i tysk rett for spionasje og landssvik og sat fleire år i tysk konsentrasjonsleir i mellomkrigstida, før han døydde av sjukdom i 1938.
I 1936 fekk han Nobels fredspris, ei av dei modigaste og mest heroiske tildelingane til Nobelkomiteen nokosinne. Ikkje uventa møtte tildelinga kritikk, også i Noreg, der blant andre Aftenposten, Morgenbladet og Nationen var mot tildelinga.
Den norske avdelinga av skribent- og ytringsfridomsorganisasjonen Pen International har valt å kalla ytringsfridomsprisen deira opp etter Ossietzky. Det er ambisiøst av Norske Pen, for det set store krav til prisvinnaren. Ein må ha synt ekstra sivilt mot ut over det vanlege. Innsatsen må ha kosta noko.
Difor er det gledeleg at Shabana Rehman har fått årets pris. Ho har vore ei uredd kvinne i årevis – trass alle truslane ho har fått, og all trakasseringa ho har opplevd. Det toppa seg i 2005 då det nattetid vart avfyrt fleire skot mot restauranten til familien Rehman i Oslo sentrum. Ingen vart teken for ugjerninga, heldigvis vart heller ingen skadd.
Shabana Rehman har særleg kritisert patriarkalske muslimske æreskulturar, som har hindra mange oppveksande norske jenter med innvandrarbakgrunn i å vere frie til å gjera som dei vil, og kunna delta som sjølvstendige samfunnsborgarar. Denne motstanden mot religiøs og kulturell intoleranse har vore ei kjernesak for Shabana Rehman. Og ho har gjort det på mangfaldig vis, ikkje minst gjennom humor og ironi.
Shabana Rehman var tidleg ute med sin kritikk og har vore til inspirasjon for mange. Det er særs krevjande å stå i ein situasjon som ho har vore i, år etter år, og mange ville av forståelege grunnar trekt seg tilbake. Shabana Rehman har valt å stå i det. Det står det stor respekt av.
Svein Gjerdåker
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.