Israels tragiske feilgrep
Tryggingsminister Itamar Ben-Gvir under eit møte på militærbasen Kirya i Tel Aviv i desember.
Foto: Abir Sultan / Pool / Reuters / NTB
Israels krig på Gaza har som venta vorte katastrofal for sivilbefolkninga på det vesle landområdet ut mot Middelhavet. Bykrigar gate for gate vert alltid brutale, men bombinga har vore så massiv at ho må ha overgått mange av dei verste spådommane som kom.
Enno kan krigen vara i fleire månader. Og sjølvsagt vert faren for utviding av krigen til andre delar av regionen større for kvar dag som går. I praksis er heller ikkje krigen over med fredsavtalen som til slutt må tvinga seg fram på eit eller anna tidspunkt. For denne krigen vil føra til ny terror og nye krigar.
Israelsk politikk har i mange år gått i heilt feil retning. Resultatet er at landet i dag sit med ei regjering med fleire ekstreme medlemer. To av dei er tryggingsminister Itamar Ben-Gvir og finansminister Batzalel Smotrich.
Siste utspelet deira kom i Knesset denne veka. Der tok dei til orde for «ein friviljug migrasjon av innbyggjarar frå Gazastripa til andre land» og ei gjenoppretting av israelske busetjingar på Gaza. Dei to ministrane burde sjølvsagt fått sparken med det same, men det kan ein ikkje forventa når statsministeren er Benjamin Netanyahu.
Det er trist at vi tre månader etter den grufulle massakren til Hamas 7. oktober og det traumet som ugjerningane påførte israelarane, skal sitja og fordømma Israels svar på massakren. Dei skulle ha reagert på terroren på ein heilt annan måte. Den israelske invasjonen vil gå inn i historia som eit tragisk feilgrep med uana langsiktige konsekvensar.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Israels krig på Gaza har som venta vorte katastrofal for sivilbefolkninga på det vesle landområdet ut mot Middelhavet. Bykrigar gate for gate vert alltid brutale, men bombinga har vore så massiv at ho må ha overgått mange av dei verste spådommane som kom.
Enno kan krigen vara i fleire månader. Og sjølvsagt vert faren for utviding av krigen til andre delar av regionen større for kvar dag som går. I praksis er heller ikkje krigen over med fredsavtalen som til slutt må tvinga seg fram på eit eller anna tidspunkt. For denne krigen vil føra til ny terror og nye krigar.
Israelsk politikk har i mange år gått i heilt feil retning. Resultatet er at landet i dag sit med ei regjering med fleire ekstreme medlemer. To av dei er tryggingsminister Itamar Ben-Gvir og finansminister Batzalel Smotrich.
Siste utspelet deira kom i Knesset denne veka. Der tok dei til orde for «ein friviljug migrasjon av innbyggjarar frå Gazastripa til andre land» og ei gjenoppretting av israelske busetjingar på Gaza. Dei to ministrane burde sjølvsagt fått sparken med det same, men det kan ein ikkje forventa når statsministeren er Benjamin Netanyahu.
Det er trist at vi tre månader etter den grufulle massakren til Hamas 7. oktober og det traumet som ugjerningane påførte israelarane, skal sitja og fordømma Israels svar på massakren. Dei skulle ha reagert på terroren på ein heilt annan måte. Den israelske invasjonen vil gå inn i historia som eit tragisk feilgrep med uana langsiktige konsekvensar.
Svein Gjerdåker
Fleire artiklar
Christian Treutmann-orgelet frå 1737 i stiftskyrkja St. Georg i Grauhof.
Foto via Wikimedia Commons
Monumental pedal
Masaaki Suzukis frasering gjev rom for smertelege dissonansar.
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.