Forelding av
statsborgarskap
Mahad Abib Mahamud mista den norske statsborgarskapen sin i fjor. Norske styresmakter meinte han laug om identiteten sin både då han kom hit i 2000 og då han fekk statsborgarskapen i 2008. Denne veka tapte han den mykje omtala ankesaka. Mahamud har anka på nytt.
Vi skal ikkje her ta stilling til om Mahamud laug eller ikkje, om han er frå Somalia eller Djibouti, var 14 år då han kom hit eller mellom 18 og 20, slik retten legg til grunn. Men la oss ta utgangspunkt i at tingretten har rett i at Mahamud laug: Skal Noreg då utvisa han frå landet?
Spørsmålet er komplisert. Sjølvsagt kan vi ikkje skapa presedens for at folk kan lura og lyga til seg til statsborgarskap. Og det skal vera likskap for lova. Og kva då med andre som er i same situasjon? Og det utskjelt argumentet «innvandringsregulerande omsyn», må vi nettopp ta omsyn til – av di Noreg er så velståande at mange vil koma hit og søkja asyl, sjølv om dei ikkje har grunnlag for det. Det vil i så tilfelle undergrava asylinstituttet – noko instituttet langt på veg alt er.
Men andre prinsipp må òg gjelda. Mahamud har vore her sidan 2000. Det er lenge for ein som kom hit ung. Dersom han har loge, så har innvandringsstyresmaktene difor så å seia brukt opp tida dei har til å avsløra han. Dei har ikkje gjort det dei skulle i tide, sjølv med ein ny sjanse i 2008. Dei har såleis unnlate å fylgja godt nok opp regelverket dei sjølve har laga, og såleis tapt tvikampen, og ei eller anna foreldingslov må slå inn.
Om anken vert avvist, eller vedtaket blir ståande etter neste rettsinstans bør difor den norske staten sjå om det er rom i regelverket for gje han opphald på ein eller annan måte. Ikkje nødvendigvis av di Mahamud ikkje kan klara seg i Djibouti, eller ein annan stad. Han verkar som ein ressurssterk mann. Men av di vi som stat, gjer oss for små ved å utvisa han. Og saka har lært oss at vi bør få inn i lovverket ein foreldingsfrist òg for statsborgarskapssaker.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Mahad Abib Mahamud mista den norske statsborgarskapen sin i fjor. Norske styresmakter meinte han laug om identiteten sin både då han kom hit i 2000 og då han fekk statsborgarskapen i 2008. Denne veka tapte han den mykje omtala ankesaka. Mahamud har anka på nytt.
Vi skal ikkje her ta stilling til om Mahamud laug eller ikkje, om han er frå Somalia eller Djibouti, var 14 år då han kom hit eller mellom 18 og 20, slik retten legg til grunn. Men la oss ta utgangspunkt i at tingretten har rett i at Mahamud laug: Skal Noreg då utvisa han frå landet?
Spørsmålet er komplisert. Sjølvsagt kan vi ikkje skapa presedens for at folk kan lura og lyga til seg til statsborgarskap. Og det skal vera likskap for lova. Og kva då med andre som er i same situasjon? Og det utskjelt argumentet «innvandringsregulerande omsyn», må vi nettopp ta omsyn til – av di Noreg er så velståande at mange vil koma hit og søkja asyl, sjølv om dei ikkje har grunnlag for det. Det vil i så tilfelle undergrava asylinstituttet – noko instituttet langt på veg alt er.
Men andre prinsipp må òg gjelda. Mahamud har vore her sidan 2000. Det er lenge for ein som kom hit ung. Dersom han har loge, så har innvandringsstyresmaktene difor så å seia brukt opp tida dei har til å avsløra han. Dei har ikkje gjort det dei skulle i tide, sjølv med ein ny sjanse i 2008. Dei har såleis unnlate å fylgja godt nok opp regelverket dei sjølve har laga, og såleis tapt tvikampen, og ei eller anna foreldingslov må slå inn.
Om anken vert avvist, eller vedtaket blir ståande etter neste rettsinstans bør difor den norske staten sjå om det er rom i regelverket for gje han opphald på ein eller annan måte. Ikkje nødvendigvis av di Mahamud ikkje kan klara seg i Djibouti, eller ein annan stad. Han verkar som ein ressurssterk mann. Men av di vi som stat, gjer oss for små ved å utvisa han. Og saka har lært oss at vi bør få inn i lovverket ein foreldingsfrist òg for statsborgarskapssaker.
Svein Gjerdåker
Fleire artiklar
Jeffrey Wright spelar rolla som forfattaren Thelonious «Monk» Ellison.
Foto: Prime Video
Moro for middelklassen
Den er ikkje tung på labben, American Fiction, som gjer det veldig lett å le.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.