På usbekisk vis
Gullgutane vart hylla av statsministeren og andre frammøtte då dei landa kl. 03.00 lokal tid i hovudstaden Tasjkent på veg heim frå sjakk-OL. Presidenten i Usbekistan gav dei ein halv million kroner kvar pluss ein ny bil. Ei gjennomsnittleg årsløn i landet er 13.000 kroner.
Foto:
Den sovjetiske arkeologen Jurij Burjakov gjorde ei sensasjonell oppdaging i 1977. Han fann sju sjakkliknande brikker i elfenbein utanfor Samarkand, silkevegen gjennom Usbekistan. Brikkene er dei eldste i verda av sitt slag, daterte til år 762 før Kristus.
På denne tida, ikkje før Kristus, men i 1977, dukka det fyrste store usbekiske sjakktalentet opp i ein landsby utanfor Tasjkent. Sjakk på høgt nivå kom til Sentral-Asia med den sovjetiske intelligentsiaen. Georgij Agzamov (1954–1986) voks opp med mor og far som lækjarar, eit vyrdt, men ikkje eit høgt lønt yrke i Sovjetunionen. Guten hadde ikkje tilgang på mykje sjakkteori, men utvikla på eiga hand ei allsidig sjakkforståing. Han var god til å kjempa og slita ut motstandaren, slik Magnus Carlsen er i dag.
Då Agzamov døydde 31 år gamal i 1986, i ei meiningslaus turistulukke etter ei sjakkturnering på Krym-halvøya, var han på topp 20-lista i verda. Så kom oppløysinga av unionen i 1991. Eg var sjølv med på det norske laget i sjakk-OL i Manila i 1992, der «gamle Sovjet» stilte med 15 lag. Nye Russland vann, sjølvsagt, men den store sensasjonen var «ukjende» Usbekistan, som tok sølvet. Vi andre klødde oss i hovudet: «Hadde dei fleire spelarar enn Agzamov?»
Landet med 34 millionar innbyggjarar er unikt i Asia av di det er det einaste landet utan havtilgang og utan naboland med havtilgang. Også politisk er det eit lukka land.
Så kom ein ny sensasjon i 2004: Usbekaren Rustam Kasimdzjanov (f. 1979) vart Fide-verdsmeister. (Kasparov og Kramnik var utanfor Fide på den tida.) Kasimdzjanov, ein av dei fremste teoretikarane i verda, vart etter kvart profilert som trenar for Anand, Karjakin og Caruana.
Men Usbekistan sluttar aldri å overraska. Nodirbek Abdusattorov (17) slo Carlsen og vart snøggsjakkverdsmeister i romjula 2021. Han vert òg samanlikna med Carlsen og Agzamov: den same universelle spelestilen og kampviljen. Men Abdusattorov er ikkje åleine. Saman med Jakubbojev (20), Sindarov (16), Vakhidov (27) og Vokhidov (20) vann dei OL-gull i Chennai i august. Ei slik bragd skulle ikkje vera mogleg for fem usbekarar med ein snittalder på 20 år.
Atle Grønn
Atle Grønn er internasjonal meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Den sovjetiske arkeologen Jurij Burjakov gjorde ei sensasjonell oppdaging i 1977. Han fann sju sjakkliknande brikker i elfenbein utanfor Samarkand, silkevegen gjennom Usbekistan. Brikkene er dei eldste i verda av sitt slag, daterte til år 762 før Kristus.
På denne tida, ikkje før Kristus, men i 1977, dukka det fyrste store usbekiske sjakktalentet opp i ein landsby utanfor Tasjkent. Sjakk på høgt nivå kom til Sentral-Asia med den sovjetiske intelligentsiaen. Georgij Agzamov (1954–1986) voks opp med mor og far som lækjarar, eit vyrdt, men ikkje eit høgt lønt yrke i Sovjetunionen. Guten hadde ikkje tilgang på mykje sjakkteori, men utvikla på eiga hand ei allsidig sjakkforståing. Han var god til å kjempa og slita ut motstandaren, slik Magnus Carlsen er i dag.
Då Agzamov døydde 31 år gamal i 1986, i ei meiningslaus turistulukke etter ei sjakkturnering på Krym-halvøya, var han på topp 20-lista i verda. Så kom oppløysinga av unionen i 1991. Eg var sjølv med på det norske laget i sjakk-OL i Manila i 1992, der «gamle Sovjet» stilte med 15 lag. Nye Russland vann, sjølvsagt, men den store sensasjonen var «ukjende» Usbekistan, som tok sølvet. Vi andre klødde oss i hovudet: «Hadde dei fleire spelarar enn Agzamov?»
Landet med 34 millionar innbyggjarar er unikt i Asia av di det er det einaste landet utan havtilgang og utan naboland med havtilgang. Også politisk er det eit lukka land.
Så kom ein ny sensasjon i 2004: Usbekaren Rustam Kasimdzjanov (f. 1979) vart Fide-verdsmeister. (Kasparov og Kramnik var utanfor Fide på den tida.) Kasimdzjanov, ein av dei fremste teoretikarane i verda, vart etter kvart profilert som trenar for Anand, Karjakin og Caruana.
Men Usbekistan sluttar aldri å overraska. Nodirbek Abdusattorov (17) slo Carlsen og vart snøggsjakkverdsmeister i romjula 2021. Han vert òg samanlikna med Carlsen og Agzamov: den same universelle spelestilen og kampviljen. Men Abdusattorov er ikkje åleine. Saman med Jakubbojev (20), Sindarov (16), Vakhidov (27) og Vokhidov (20) vann dei OL-gull i Chennai i august. Ei slik bragd skulle ikkje vera mogleg for fem usbekarar med ein snittalder på 20 år.
Atle Grønn
Atle Grønn er internasjonal meister i sjakk.
Fleire artiklar
Christian Treutmann-orgelet frå 1737 i stiftskyrkja St. Georg i Grauhof.
Foto via Wikimedia Commons
Monumental pedal
Masaaki Suzukis frasering gjev rom for smertelege dissonansar.
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.