I flokk og fylgje
Me er flokkdyr, men flokkinstinktet er ikkje like sterkt hjå alle. Nokre fylgjer flokken støtt, andre kan finna på å tala flokkleiaren midt imot. Det er ikkje gjeve at dei då vert utstøytte av flokken. Samstundes veit me at flokkmentaliteten kan få oss til handsama folk verre enn me elles hadde gjort.
I målet vårt har me ein heil flokk med ord som viser til ei samling folk eller andre levande skapningar som held seg i lag, til dømes gjeng, hop, hurv, skare og skokk. Ja, og flokk, som òg vert nytta i tydinga ‘huslyd, familie’ («ikkje kunna brødfø flokken sin»). Ein kan vera ein flokk utan å vera mange: «To er par, men tre er flokk», vert det sagt. Orda biflokk og fiskeflokk er mindre vanlege enn bisverm og fiskestim, men dei er fine lell.
I ordbøkene står det gjerne at flokk (norr. flokkr) heng i hop med verba fly (‘rømma’) og flyga, og at grunntydinga truleg var ‘flygande sverm’. Eit anna framlegg er at flokk kjem av same rota som fly og flyga, men at det er tydinga ‘røra seg (snøgt), fara av stad’ som har lege til grunn, og at grunntydinga til flokk var ‘farande hop’.
Me kan fint nytta flokk om saker som ikkje er levande. I nynorsk er flokk avløysar til ord som gruppe og kategori («ulike flokkar av eventyr»). Flokk er òg nemning for eit norrønt skaldekvede utan stev, som er mindre gjævt enn det som vert kalla dråpe. Det er uvisst om flokk er i ætt med det lågtyske lånordet flokk (‘dott, fnugg’, jf. plantenamnet fjellflokk). Sistnemnde kan vera lånt frå latin floccus (‘fnugg, ulldott’), eit ord med uvisst opphav.
Me kan flokka oss saman eller flokkast ikring nokon. Seiemåten «flokka til» (‘strøyma til’) skal vera påverka av engelsk flock. Me kan fara flokkevis, i flokketal eller i flokk og fylgje, og det er fint når folk lyfter i flokk. Anten me høyrer til ein barneflokk, opprørsflokk eller veneflokk, gjeld det å byggja opp flokkimmunitet.
I Nynorskordboka, Bokmålsordboka og Det Norske Akademis ordbok er gut(t)eflokk oppslagsord, men ikkje jenteflokk. Er det rein slump, eller kjem det av at jenter ikkje har hatt same høvet som gutane til å reika ute i store flokkar? Eit anna spørsmål er om jenteflokkar i større grad enn guteflokkar vert oppfatta som ei samling individ som lett lèt seg leia, med andre ord: ein saueflokk.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Me er flokkdyr, men flokkinstinktet er ikkje like sterkt hjå alle. Nokre fylgjer flokken støtt, andre kan finna på å tala flokkleiaren midt imot. Det er ikkje gjeve at dei då vert utstøytte av flokken. Samstundes veit me at flokkmentaliteten kan få oss til handsama folk verre enn me elles hadde gjort.
I målet vårt har me ein heil flokk med ord som viser til ei samling folk eller andre levande skapningar som held seg i lag, til dømes gjeng, hop, hurv, skare og skokk. Ja, og flokk, som òg vert nytta i tydinga ‘huslyd, familie’ («ikkje kunna brødfø flokken sin»). Ein kan vera ein flokk utan å vera mange: «To er par, men tre er flokk», vert det sagt. Orda biflokk og fiskeflokk er mindre vanlege enn bisverm og fiskestim, men dei er fine lell.
I ordbøkene står det gjerne at flokk (norr. flokkr) heng i hop med verba fly (‘rømma’) og flyga, og at grunntydinga truleg var ‘flygande sverm’. Eit anna framlegg er at flokk kjem av same rota som fly og flyga, men at det er tydinga ‘røra seg (snøgt), fara av stad’ som har lege til grunn, og at grunntydinga til flokk var ‘farande hop’.
Me kan fint nytta flokk om saker som ikkje er levande. I nynorsk er flokk avløysar til ord som gruppe og kategori («ulike flokkar av eventyr»). Flokk er òg nemning for eit norrønt skaldekvede utan stev, som er mindre gjævt enn det som vert kalla dråpe. Det er uvisst om flokk er i ætt med det lågtyske lånordet flokk (‘dott, fnugg’, jf. plantenamnet fjellflokk). Sistnemnde kan vera lånt frå latin floccus (‘fnugg, ulldott’), eit ord med uvisst opphav.
Me kan flokka oss saman eller flokkast ikring nokon. Seiemåten «flokka til» (‘strøyma til’) skal vera påverka av engelsk flock. Me kan fara flokkevis, i flokketal eller i flokk og fylgje, og det er fint når folk lyfter i flokk. Anten me høyrer til ein barneflokk, opprørsflokk eller veneflokk, gjeld det å byggja opp flokkimmunitet.
I Nynorskordboka, Bokmålsordboka og Det Norske Akademis ordbok er gut(t)eflokk oppslagsord, men ikkje jenteflokk. Er det rein slump, eller kjem det av at jenter ikkje har hatt same høvet som gutane til å reika ute i store flokkar? Eit anna spørsmål er om jenteflokkar i større grad enn guteflokkar vert oppfatta som ei samling individ som lett lèt seg leia, med andre ord: ein saueflokk.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Fleire artiklar
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.