Beste parti på år og dag
Frå nykelpartiet mellom Caruana og Vachier-Lagrave. Den 14. og siste runden i kandidatturneringa vert spela tysdag 27. april.
Foto: Lennart Ootes / FIDE
Det var partiet som hadde alt: sport, kunst, vitskap. Det var partiet som minte oss på kvifor vi framleis spelar dette 1500 år gamle indiske brettspelet. Det var partiet vi har venta på i nesten 400 dagar og netter.
Åtte spelarar kjempar om å verta den neste utfordraren til Magnus Carlsen. Halvveges etter sju rundar, den 25. mars i fjor, gjekk det ikkje lenger å halda fram. Presset på verdsjakkforbundet FIDE og arrangørane i Jekaterinburg vart for stort i ei kaotisk tid med ein ukjend pandemi. Måndag denne veka, altså 19. april 2021, var spelarane endeleg attende for å fullføra turneringa. Alle skal møta kvarandre éin gong til.
I over eitt år var Maxime Vachier-Lagrave (30) og Jan Nepomnjasjtsjij (30) i leiinga eit heilt poeng føre favoritten Fabiano Caruana (28), VM-utfordraren frå 2018. I 8. runde skulle amerikanaren ha kvit mot franskmannen.
Aldri har nokon førebudd seg så lenge til eitt parti. Alle i sjakkverda veit at Vachier-Lagrave spelar den skarpe Najdorf-varianten i siciliansk med svart. Alle i sjakkverda veit at Caruana er best i verda til å finna nye idear i opninga. I over eitt år har Caruana nytta kunstig intelligens (AI) for å gå til åtak på Najdorf-varianten. Eg minner om at dei gamle dataprogramma reknar 200 millionar trekk i sekundet. Kor langt trur du kunstig intelligens kjem på eitt år?
Magnus Carlsen sat i studio til Chess24 og kommenterte direkte. Etter 16 trekk hadde Caruana ofra tre bønder utan å tenkja. Etter 19 trekk ofra Caruana ein laupar utan å tenkja. Det var eit fyrverkeri på brettet – vitskap og kunst i eitt. Etter 26 trekk hadde Caruana framleis ikkje byrja tenkja, alt var programmert som sjakktrekk i tusental i hjernen til amerikanaren.
Men Vachier-Lagrave verja seg godt og ofra materiellet attende. Så kom den langsame, tekniske sluttspelfasen med eitt tårn og éin bonde for Caruana mot éin springar og éin bonde for Vachier-Lagrave. Den eine timen gjekk etter den andre. Carlsen freista skjøna detaljane i stillinga og elska kvart sekund. Etter nesten sju timar var det slutt. Caruana vann det viktigaste partiet på år og dag.
Atle Grønn
Atle Grønn er internasjonal
meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det var partiet som hadde alt: sport, kunst, vitskap. Det var partiet som minte oss på kvifor vi framleis spelar dette 1500 år gamle indiske brettspelet. Det var partiet vi har venta på i nesten 400 dagar og netter.
Åtte spelarar kjempar om å verta den neste utfordraren til Magnus Carlsen. Halvveges etter sju rundar, den 25. mars i fjor, gjekk det ikkje lenger å halda fram. Presset på verdsjakkforbundet FIDE og arrangørane i Jekaterinburg vart for stort i ei kaotisk tid med ein ukjend pandemi. Måndag denne veka, altså 19. april 2021, var spelarane endeleg attende for å fullføra turneringa. Alle skal møta kvarandre éin gong til.
I over eitt år var Maxime Vachier-Lagrave (30) og Jan Nepomnjasjtsjij (30) i leiinga eit heilt poeng føre favoritten Fabiano Caruana (28), VM-utfordraren frå 2018. I 8. runde skulle amerikanaren ha kvit mot franskmannen.
Aldri har nokon førebudd seg så lenge til eitt parti. Alle i sjakkverda veit at Vachier-Lagrave spelar den skarpe Najdorf-varianten i siciliansk med svart. Alle i sjakkverda veit at Caruana er best i verda til å finna nye idear i opninga. I over eitt år har Caruana nytta kunstig intelligens (AI) for å gå til åtak på Najdorf-varianten. Eg minner om at dei gamle dataprogramma reknar 200 millionar trekk i sekundet. Kor langt trur du kunstig intelligens kjem på eitt år?
Magnus Carlsen sat i studio til Chess24 og kommenterte direkte. Etter 16 trekk hadde Caruana ofra tre bønder utan å tenkja. Etter 19 trekk ofra Caruana ein laupar utan å tenkja. Det var eit fyrverkeri på brettet – vitskap og kunst i eitt. Etter 26 trekk hadde Caruana framleis ikkje byrja tenkja, alt var programmert som sjakktrekk i tusental i hjernen til amerikanaren.
Men Vachier-Lagrave verja seg godt og ofra materiellet attende. Så kom den langsame, tekniske sluttspelfasen med eitt tårn og éin bonde for Caruana mot éin springar og éin bonde for Vachier-Lagrave. Den eine timen gjekk etter den andre. Carlsen freista skjøna detaljane i stillinga og elska kvart sekund. Etter nesten sju timar var det slutt. Caruana vann det viktigaste partiet på år og dag.
Atle Grønn
Atle Grønn er internasjonal
meister i sjakk.
Fleire artiklar
Foto via Wikimedia Commons
«Hulda Garborg er ein av dei store, gløymde forfattarskapane i Noreg.»
Fuktmålaren syner at veggen er knuskturr. Er det truverdig?
Foto: Per Thorvaldsen
«Frykta er ein god læremeister. Eg sit no og les Byggforsk-artiklar om fukt for harde livet.»
Wako er Kjetil Mulelid, Simon Olderskog Albertsen, Bárdur Reinert Poulsen og Martin Myhre Olsen.
Foto: Eirik Havnes
Sprudlande samspel
Wako serverer ei heilakustisk jazzplate.
Sitrusmarinert kamskjel med estragon, lime og olivenolje.
Alle foto: Dagfinn Nordbø
«Måltidet skreid fram under både lågmælte og høglydte sukk og stønn.»
Stillinga i VM-kampen mellom Ding Liren og Gukesh var 4–4 etter 8 av 14 parti.
Foto: Eng Chin An / FIDE
Papiravisa