Foto: Stortingsarkivet / NTB
Kristian Halse (1926–2018) var ein kulturberar på Helgeland. Han var politikar, lokalhistorikar, diktar og lærar. Han høyrer til arven etter det gamle Venstre, som målfolk og lærarar flokka seg ikring. Halse var stortingsrepresentant for Venstre i perioden 1969–73. Han var frå Stangvik på Nordmøre. Der kom han frå ein familie med mange kreative sjeler. Ein av onklane hans var Leif Halse, kjend som tekstforfattaren til Vangsgutane.
Men det er lite om Nordmøre i dikta til Halse. Det er Vefsn og Mosjøen som går att i dikt etter dikt. Den fyrste samlinga han gav ut, Levande tid. Prologar og dikt (2001), inneheld høvesdikt han skreiv igjennom åra. Det er dikt til skulejubileum, festspel og liketil dikt til den nye kinoen i byen.
«Til flagget og 17. mai» er skrive til 17. mai-feiringa ved Nesna lærarskule i 1950. Eg gjev ein smakebit: «Trugen bar kvar mann og kvinne/ eigen kross i eige land,/ inntil våren atter løyste/ livet ur or teleband». «Våren» viser til frigjeringa, men det er sikkert ein og annan ved Nesna universitetet som les noko anna inn i den strofa i dag.
I 2009 kom ei diktsamling med ein heilt annan karakter, Min løynde blom. Her er det tale om indre, kontemplative dikt i klassiske versskjema, som i diktet attmed. Vi kjenner alle til Odyssevs på den ti år lange sjøreisa si, fortald i Odysseen.
I dette diktet tiltalar Halse anten Odyssevs sjølv eller eit ungt menneske som har livslyst og er nyfiken på livet: «Du siglar i sol, og kjærleikens glede/ fyller ditt segl mot dei ufødde land:» Diktaren portretterer seg sjølv som det omvendte – ein gamal mann, som «sit i hus» og er «på vaneveg». Men i skymingstimen stig òg ein utforskartrong opp hjå han òg, då truleg i draumane og lengslene hans. Han stig då fram som ei uroleg sjel som aldri har funne svar på gåtene i livet – han er ein «evig Odyssevs forutan land». Det er eit godt portrett av eit eldre menneske. Ein forsonar seg med livet, men det inneber ikkje at store lengsler forsvinn.
Ronny Spaans
Odyssevs utan land
Du siglar i sol på Egearhavet,
siglar din ungdom frå øy til øy.
Eg er i det grå, ein alders slave
på vaneveg og ser vona døy.
Du siglar i sol, og kjærleikens glede
fyller ditt segl mot dei ufødde land.
Eg sit i mitt hus og let stilla frede
alt det du er for ein gamal mann.
Med lid det mot natt, så veit eg det hender
at eg går i båten og mødesamt ror
inn i ditt hav og leitar langs strender
der du og ditt solsegl i livsglede fór,
leitar i dagar og lyser i netter,
ror og ror der din solbåt rann,
fanga i ferda i tidene etter;
ein evig Odyssevs forutan land.
Kristian Halse
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kristian Halse (1926–2018) var ein kulturberar på Helgeland. Han var politikar, lokalhistorikar, diktar og lærar. Han høyrer til arven etter det gamle Venstre, som målfolk og lærarar flokka seg ikring. Halse var stortingsrepresentant for Venstre i perioden 1969–73. Han var frå Stangvik på Nordmøre. Der kom han frå ein familie med mange kreative sjeler. Ein av onklane hans var Leif Halse, kjend som tekstforfattaren til Vangsgutane.
Men det er lite om Nordmøre i dikta til Halse. Det er Vefsn og Mosjøen som går att i dikt etter dikt. Den fyrste samlinga han gav ut, Levande tid. Prologar og dikt (2001), inneheld høvesdikt han skreiv igjennom åra. Det er dikt til skulejubileum, festspel og liketil dikt til den nye kinoen i byen.
«Til flagget og 17. mai» er skrive til 17. mai-feiringa ved Nesna lærarskule i 1950. Eg gjev ein smakebit: «Trugen bar kvar mann og kvinne/ eigen kross i eige land,/ inntil våren atter løyste/ livet ur or teleband». «Våren» viser til frigjeringa, men det er sikkert ein og annan ved Nesna universitetet som les noko anna inn i den strofa i dag.
I 2009 kom ei diktsamling med ein heilt annan karakter, Min løynde blom. Her er det tale om indre, kontemplative dikt i klassiske versskjema, som i diktet attmed. Vi kjenner alle til Odyssevs på den ti år lange sjøreisa si, fortald i Odysseen.
I dette diktet tiltalar Halse anten Odyssevs sjølv eller eit ungt menneske som har livslyst og er nyfiken på livet: «Du siglar i sol, og kjærleikens glede/ fyller ditt segl mot dei ufødde land:» Diktaren portretterer seg sjølv som det omvendte – ein gamal mann, som «sit i hus» og er «på vaneveg». Men i skymingstimen stig òg ein utforskartrong opp hjå han òg, då truleg i draumane og lengslene hans. Han stig då fram som ei uroleg sjel som aldri har funne svar på gåtene i livet – han er ein «evig Odyssevs forutan land». Det er eit godt portrett av eit eldre menneske. Ein forsonar seg med livet, men det inneber ikkje at store lengsler forsvinn.
Ronny Spaans
Odyssevs utan land
Du siglar i sol på Egearhavet,
siglar din ungdom frå øy til øy.
Eg er i det grå, ein alders slave
på vaneveg og ser vona døy.
Du siglar i sol, og kjærleikens glede
fyller ditt segl mot dei ufødde land.
Eg sit i mitt hus og let stilla frede
alt det du er for ein gamal mann.
Med lid det mot natt, så veit eg det hender
at eg går i båten og mødesamt ror
inn i ditt hav og leitar langs strender
der du og ditt solsegl i livsglede fór,
leitar i dagar og lyser i netter,
ror og ror der din solbåt rann,
fanga i ferda i tidene etter;
ein evig Odyssevs forutan land.
Kristian Halse
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?