Klok på bok
Fakta frå Finland
For alle lesarane som interesserer seg sterkt for Finland, vert dagen i dag ein fest. Me vil nemleg presentere nokre fakta frå landet med dei tusen sjøane. Forresten var det 188.000 innsjøar i Finland sist me talde.
Suomi er mykje meir enn sauna og sisu. Kan hende visste du ikkje at dei har ein fast fiaskodag den 13. oktober kvart år? Då feirar finnane alt som har mislykkast sidan førre fiaskodagen. Eit døme på noko mange har mislykkast med, er konebering. Om du og partnaren din vil vere deltakarar i verdsmeisterskapen neste år, går tevlinga føre seg om sommaren i Sonkajärvi.
Noko som er fint med Finland, er alle flaggdagane som har fått namn etter store finske kunstnarar. 10. oktober er Aleksis Kivi-dagen, den finske litteraturens dag. Aleksis Kivi (1834–1872) vert rekna som Finlands nasjonalskald av folk som reknar på slikt.
Om det står 8. desember på kalenderen din i dag, kan du med godt samvit feire Jean Sibelius-dagen, som sjølvsagt er den finske musikkens dag.
Løysingsforfattaren denne gongen har òg fått ein finsk flaggdag namngjeven etter seg. Den 6. juli markerer finlendingane Eino Leino-dagen, som er «diktens och sommarens dag». Sølvi Stokkeland skriv: «Etter en god måned som abonnent har nå Klok på bok, sammen med Hint for hint og quizen, blitt en viktig del av helgekosen sammen med mannen. Forrige uke klarte vi (jeg) oppgaven, så da måtte vi jo prøve ordentlig denne gangen også. Opp med flere faner på mobilen – kvinnelige nobelprisvinnere i én, forskjellige Wikipedia-sider med bokutgivelser fra 1910 i en annen. Vi startet med Sverige, klikket oss inn på forfattere og så når de døde. Ingen treff. Videre til Finland, og der gikk det ikke så lang tid før det plutselig var full klaff borte i mitt hjørne av sofaen. Norsk utgave fra 1993 var faktisk også ledig på biblioteket, så da så vi lyst på framtida. Noen dager senere hadde Den unge kvinnen av Eino Leino (1878–1926) kommet seg til min lokale filial, og jeg kunne blafre gjennom på jakt etter store forbokstaver. Nok en gang fram med mobilen, som kunne fortelle meg at riktig dramatiker er George Bernard Shaw. Jeg lærte for øvrig også at Bernard Shaw var et CNN-anker som døde i fjor.»
John Dag Hutchison skriv: «Artig bok av ein for meg ukjend forfattar.»
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
