Dagens oppgåve

Til deg som stadig masar om at du kan gjere ein betre jobb enn omsetjaren som tekstar den amerikanske TV-serien du ser på:

«Remember, if you’re ever attacked by a mob of clowns, always go for the jugular.»

Replikken er henta frå ørtande episode i ørtande sesong av serien Chicago Fire. Hugs: Skjermformat, taletempo og sceneskift gjer at du må komprimere: Du har maks 60 teikn (med mellomrom) til rådvelde. Forslag til løysing nedst på sida.

Dagens rarsak

«Fire ungararar, to bulgararar og to myanmararar, alle tittelforsvararar, kan vinne tidenes karatemeisterskapspremie i Harare laurdag: To av dei kan bli månefararar. Det er ei gruppe qatararar som finansierer det halvbarbariske hareballet, og dei er ikkje akkurat småspararar, desse arabarane. Dei har arrangert meisterskapar der vinnarar har enda opp som nordpolsfararar, sørpolsfararar og grønlandsfararar. I år kan vi altså få to nye romfararar. Qatararane, som hevdar dei er moderne korsfararar, har lenge vore storprodusentar av telefonsvararar, skjermspararar og andre datararitetar nerdar likar. Harararane går no mann av huse for å få sett dei åtte karane gå karatekampar.»

Svar på
teksteoppgåve

«The jugular» = halspulsåra. Men «jugular» blir uttalt som «juggler» (= sjonglør, luren-dreiar eller falskspelar). Konklusjon og løysingsforslag: «Viss ein gjeng klovnar går til åtak, gå for halsklovning.»

Ja då, det er klart du uansett har ei løysing som er betre enn den profesjonelle fjernsynstekstaren si.

I alle fall fortener du ein kjempefin premie: