Flipper
For å få Flipper i gull må du ha symt til saman 7500 meter i løpet av eitt år.
Sport før og no
Sport før og no
Fyrst litt om Flipper-merket, som du kunne vere så heldig å gjere deg tent til i symjetimen før i tida. Merket er enno til sals, men sist eg såg det utdelt, var på 1990-talet. Ulempa med graderinga var at alle ikkje klarte krava og måtte nøye seg med Sjøløve eller endå verre, den meir klumsete Selungen.
Delfinsparket som revolusjonerte konkurransesymjinga på starten av 1970-talet, var ikkje ein del av krava i Flipper-merket. For å forstå sparket kan du likevel sjå føre deg Flipper. Måten delfinen bølgjer seg fram, slik går det føre seg. Som menneske startar ein med å presse brystet ned, så hofta og føtene. Rørslene skjer etter start og vending, og gjev eit enormt driv.
Jesse Vassallo, krålaren som konkurrerte for USA, var ein av dei som sette det heile i gang. Etter start gjorde han eit par ekstra delfinspark, eigentleg for å unngå bølger frå motstandarane og for å stabilisere kroppen. Det gav han fordelar, ikkje så mykje i starten, men i 1988 tok det av.
Symjarar kunne bølgje seg fram under vatn i over 20 meter og knuse dei tradisjonelle symjarane. Dei var så lenge under at folk var redde det kunne føre til at symjarane svima av.
I 1991 sette Det internasjonale symjeforbundet foten ned, og no kan ein i krål berre delfinsparke fram til 15 meter frå kanten.
Det er mykje vi kan lære av dyr og fisk. Vi hugsar også haidrakta, som etterlikna haiskinn og gav mindre friksjon gjennom vatnet. No må vi gå for seglfisken, som faktisk er oppe i heile 110 km/t.
Maren Bø
Maren Bø er idrettspedagog og frilansskribent.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Fyrst litt om Flipper-merket, som du kunne vere så heldig å gjere deg tent til i symjetimen før i tida. Merket er enno til sals, men sist eg såg det utdelt, var på 1990-talet. Ulempa med graderinga var at alle ikkje klarte krava og måtte nøye seg med Sjøløve eller endå verre, den meir klumsete Selungen.
Delfinsparket som revolusjonerte konkurransesymjinga på starten av 1970-talet, var ikkje ein del av krava i Flipper-merket. For å forstå sparket kan du likevel sjå føre deg Flipper. Måten delfinen bølgjer seg fram, slik går det føre seg. Som menneske startar ein med å presse brystet ned, så hofta og føtene. Rørslene skjer etter start og vending, og gjev eit enormt driv.
Jesse Vassallo, krålaren som konkurrerte for USA, var ein av dei som sette det heile i gang. Etter start gjorde han eit par ekstra delfinspark, eigentleg for å unngå bølger frå motstandarane og for å stabilisere kroppen. Det gav han fordelar, ikkje så mykje i starten, men i 1988 tok det av.
Symjarar kunne bølgje seg fram under vatn i over 20 meter og knuse dei tradisjonelle symjarane. Dei var så lenge under at folk var redde det kunne føre til at symjarane svima av.
I 1991 sette Det internasjonale symjeforbundet foten ned, og no kan ein i krål berre delfinsparke fram til 15 meter frå kanten.
Det er mykje vi kan lære av dyr og fisk. Vi hugsar også haidrakta, som etterlikna haiskinn og gav mindre friksjon gjennom vatnet. No må vi gå for seglfisken, som faktisk er oppe i heile 110 km/t.
Maren Bø
Maren Bø er idrettspedagog og frilansskribent.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.