David Tørre Asprusten (f. 1996) har vore quizmeister i Dag og Tid sidan 2019. Sjølv har han gode plasseringar frå både NM og VM i quiz. Han er oppteken av læringsglede og at quiz er kunnskapsformidling. Alle tilbakemeldingar er velkomne til davidasprusten@gmail.com.

David er ein kristen, kaffidrikkande, konversasjonsglad kvardagsmosjonist frå Kviteseid i Telemark, utdanna lærar og bibliotekar. Han har vore aktiv i Norges Quizforbund sidan 2013, mellom anna som NM-arrangør og landslagstrenar. I 2019 tok han eit djupdykk i distriktet der han vart fødd og voks opp dei første åra. Det resulterte i debutboka Grenlandsquiz for alle. David er ikkje overraskande ein ivrig leksikonlesar og har mellom anna skrive Store norske leksikons artikkel om quiz.

Merittar i quizsport: Den mestvinnande junioren i NM (13 gull), med 4. plass som beste individuelle resultat. Den einaste nordmannen med pallplass samanlagt i quiz-VM viss me tek med alle aldersklassar. Nokre enkeltsigrar i noregscupen.