Varehusmuzak i ny kontekst
Ypparleg samling japansk atmosfæremusikk frå 80-åra.
Ambient
Ymse
artistar
Kankyo Ongaku: Japanese Ambient, Environmental & New Age Music 1980–1990
Light In The Attic Records
Sjeldan har lyden av tung sporvogn over jernbaneskinneskøytar stått fram som så fredsæl som på Hideki Matsusakes Nemureru Yoru (Karaoke Version) frå 1983, som utgjer tredjesporet på samleskiva Kankyo Ongaku: Japanese Ambient, Environmental & New Age Music 1980–1990.
Kankyo Ongaku tyder noko i retning av miljø- eller atmosfæremusikk, og denne samlinga har blitt sett saman av Spencer Doran. Doran utgjer til vanleg halvparten av Visible Cloaks, ein amerikansk duo som sjølv lagar framifrå elektroniske lydlandskap, men er òg durkdriven på å setje i hop fredsæle samlingar av ambient og annan stemningsmusikk. Fleire av hans mixtapes, til dømes Music Interiors-serien, er å finne på nettstaden Soundcloud.
Ei handfull av spora på Kankyo Ongaku er forkorta (sjå etter «abridged» etter verkstittelen), truleg av omsyn til den totale plassen på dei to CD-ane eller tre vinylplatene. Det gjeld ikkje for «Original BGM», bidraget til den vidgjetne produsenten og musikaren som særleg er kjend frå Yellow Magic Orchestra, Harumi Hosono. BGM står for bakgrunnsmusikk, og sporet tek deg med på ei flytande, nesten 16 minutt lang reise, laga i 1984 som bestillingsverk for den japanske hushaldsvarehuskjeda Muji. Slik vert samlinga avslutta – med mindre du får slått kloa i vinylversjonen, som inneheld to ekstra spor – ved å demonstrere korleis kjøpesentermuzak kan nyttast og nytast på nye vis, 35 år seinare og flytta ut or sin originale kontekst.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ambient
Ymse
artistar
Kankyo Ongaku: Japanese Ambient, Environmental & New Age Music 1980–1990
Light In The Attic Records
Sjeldan har lyden av tung sporvogn over jernbaneskinneskøytar stått fram som så fredsæl som på Hideki Matsusakes Nemureru Yoru (Karaoke Version) frå 1983, som utgjer tredjesporet på samleskiva Kankyo Ongaku: Japanese Ambient, Environmental & New Age Music 1980–1990.
Kankyo Ongaku tyder noko i retning av miljø- eller atmosfæremusikk, og denne samlinga har blitt sett saman av Spencer Doran. Doran utgjer til vanleg halvparten av Visible Cloaks, ein amerikansk duo som sjølv lagar framifrå elektroniske lydlandskap, men er òg durkdriven på å setje i hop fredsæle samlingar av ambient og annan stemningsmusikk. Fleire av hans mixtapes, til dømes Music Interiors-serien, er å finne på nettstaden Soundcloud.
Ei handfull av spora på Kankyo Ongaku er forkorta (sjå etter «abridged» etter verkstittelen), truleg av omsyn til den totale plassen på dei to CD-ane eller tre vinylplatene. Det gjeld ikkje for «Original BGM», bidraget til den vidgjetne produsenten og musikaren som særleg er kjend frå Yellow Magic Orchestra, Harumi Hosono. BGM står for bakgrunnsmusikk, og sporet tek deg med på ei flytande, nesten 16 minutt lang reise, laga i 1984 som bestillingsverk for den japanske hushaldsvarehuskjeda Muji. Slik vert samlinga avslutta – med mindre du får slått kloa i vinylversjonen, som inneheld to ekstra spor – ved å demonstrere korleis kjøpesentermuzak kan nyttast og nytast på nye vis, 35 år seinare og flytta ut or sin originale kontekst.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?