I same rom
Julia Holter nytolkar eigne songar i eit platestudio.
Kunstpop
Julia Holter:
In The Same Room
Domino/Playground
Dei der ute som av uforståelege grunnar enno ikkje har teke seg tid til å oppdage den formidable Julia Holter, får ein god sjanse no, med In The Same Room, ei utgiving som både tener fint som ein introduksjon til artisten, og som ei oppsummering av framveksten av eit nytt, sentralt popkunstnarskap.
In The Same Room er første utgiving i Documents, ein ny serie frå plateselskapet Domino, der artistane deira framfører sine eigne songar live i løpet av ein dag eller to i eit platestudio, i dette tilfellet RAK Studios i London. Med seg har Holter, som sjølv sit bak tangentane, ensemblet sitt: Corey Fogel på trommer og vokal, Dina Maccabee på bratsj og vokal, og Devin Hoff på ståbass.
In The Same Room hentar tittel frå ein song frå Ekstasis (2012), eit studioalbum Holter ikkje framfører noko frå i opptaket vi no får tilgang til. Og den første plata, Tragedy (2011), som var inspirert av eit stykke av Euripides, er representert med berre eit spor, «So Lillies», som her står fram i ei radikal nytolking.
Markant utvida
repertoar
Holter har med andre ord plassert all vekt på dei to siste verka: Loud City Song (2013), som ho har henta tre songar frå, og Have You In My Wilderness (2015), som heile sju av desse elleve spora stammar frå. Ein grunn til det er sjølvsagt at dette opptaket er gjort nokre dagar etter at Holter spelte på Green Man-festivalen i Wales i fjor – turneen henta naturleg nok hovuddelen av repertoaret frå den ferskaste utgivinga.
Då Holter vitja både Oslo og Bergen i mai 2014 fekk eg med meg den fine, noko korte konserten i sistnemnte by. Opptaket på In The Same Room, gjort vel to år seinare, ber preg av eit allereie markant utvida repertoar, og eit både tettare og friare band.
Perfekt lyd
Dei tradisjonelle konsertplatene skal ofte dokumentere ein kommunikasjon mellom artist og publikum. Det er ikkje meininga med In The Same Room, som snarare dokumenterer Holter og bandet i fri utfalding innanfor det ein må kunne kalle kontrollerte rammer, snarare enn som del av eit tett festivalprogram, anten det no føregår innandørs eller under open himmel. Då eg høyrde henne ein sein Nattjazz-kveld i Bergen kunne det tidvis vere for mykje uro i rommet for denne typen musikk.
Her er lyden perfekt og presisjonen upåklageleg, og vi kjem tett på musikken idet han vert framført. I pianoballaderiet sender Holter uunngåeleg tankane til Kate Bush, som i gripande «Betsy on the Roof», og ho trivst elles godt der grensene mellom popen, jazzen og kunstmusikken vert utydelege, i likskap med andre artistar ho kan minne om, som John Cale og Laurie Anderson. Eg ser fram til neste prosjekt med store forventningar.
Øyvind Vågnes
Øyvind Vågnes er forfattar og fast musikkskribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kunstpop
Julia Holter:
In The Same Room
Domino/Playground
Dei der ute som av uforståelege grunnar enno ikkje har teke seg tid til å oppdage den formidable Julia Holter, får ein god sjanse no, med In The Same Room, ei utgiving som både tener fint som ein introduksjon til artisten, og som ei oppsummering av framveksten av eit nytt, sentralt popkunstnarskap.
In The Same Room er første utgiving i Documents, ein ny serie frå plateselskapet Domino, der artistane deira framfører sine eigne songar live i løpet av ein dag eller to i eit platestudio, i dette tilfellet RAK Studios i London. Med seg har Holter, som sjølv sit bak tangentane, ensemblet sitt: Corey Fogel på trommer og vokal, Dina Maccabee på bratsj og vokal, og Devin Hoff på ståbass.
In The Same Room hentar tittel frå ein song frå Ekstasis (2012), eit studioalbum Holter ikkje framfører noko frå i opptaket vi no får tilgang til. Og den første plata, Tragedy (2011), som var inspirert av eit stykke av Euripides, er representert med berre eit spor, «So Lillies», som her står fram i ei radikal nytolking.
Markant utvida
repertoar
Holter har med andre ord plassert all vekt på dei to siste verka: Loud City Song (2013), som ho har henta tre songar frå, og Have You In My Wilderness (2015), som heile sju av desse elleve spora stammar frå. Ein grunn til det er sjølvsagt at dette opptaket er gjort nokre dagar etter at Holter spelte på Green Man-festivalen i Wales i fjor – turneen henta naturleg nok hovuddelen av repertoaret frå den ferskaste utgivinga.
Då Holter vitja både Oslo og Bergen i mai 2014 fekk eg med meg den fine, noko korte konserten i sistnemnte by. Opptaket på In The Same Room, gjort vel to år seinare, ber preg av eit allereie markant utvida repertoar, og eit både tettare og friare band.
Perfekt lyd
Dei tradisjonelle konsertplatene skal ofte dokumentere ein kommunikasjon mellom artist og publikum. Det er ikkje meininga med In The Same Room, som snarare dokumenterer Holter og bandet i fri utfalding innanfor det ein må kunne kalle kontrollerte rammer, snarare enn som del av eit tett festivalprogram, anten det no føregår innandørs eller under open himmel. Då eg høyrde henne ein sein Nattjazz-kveld i Bergen kunne det tidvis vere for mykje uro i rommet for denne typen musikk.
Her er lyden perfekt og presisjonen upåklageleg, og vi kjem tett på musikken idet han vert framført. I pianoballaderiet sender Holter uunngåeleg tankane til Kate Bush, som i gripande «Betsy on the Roof», og ho trivst elles godt der grensene mellom popen, jazzen og kunstmusikken vert utydelege, i likskap med andre artistar ho kan minne om, som John Cale og Laurie Anderson. Eg ser fram til neste prosjekt med store forventningar.
Øyvind Vågnes
Øyvind Vågnes er forfattar og fast musikkskribent i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?