Til rett tid
Ensemble il capriccio syner oss kunsten å døy godt.
Den tyske kontratenoren Franz Witzthum.
Foto: Maria Davidoff
CD
Johann Christoph Bach, Johann Sebastian Bach:
Die Kunst des Sterbens – Ars moriendi
Franz Witzthum, kontratenor; Ensemble il capriccio. Genuin Classics 2022.
Omgrepet ars moriendi tyder «kunsten å døy». Det går attende til ei seinmellomaldersk form for oppbyggingslitteratur, som tematiserer den kristelege førebuinga til den «gode» måten å døy på, altså den «gode døden» til rett tid. Omgrepet får meg til å tenkja på ein tekststad i Andre Kongebok som fleire barokkomponistar har tonesett, nemleg der Jesaja vitjar kong Hiskia på sottesenga og uttalar: «Så seier Herren: Få orden på ditt hus, for du skal døy og ikkje leva lenger.»
To bachar
Det å leva med døden i kvardagen, å alltid vera førebudd på han, er tema for Ensemble il capriccios album med musikk av to medlemer av Bach-slekta: Johann Sebastian (1685–1750) og grandonkelen hans Johann Christoph (1642–1703). Repertoaret er delvis originalt, med kantateariar og resitativ, og delvis ensemblets eigne arrangement av koralar og fugar frå J.S. Bachs syklus Die Kunst der Fuge («Fuge-kunsten»).
Det at ensemblet flettar inn desse fugane i programmet, er eit vellukka grep. Bach nytta sine siste livsår på å finpussa syklusen. Han ville prova kva han gjennom livet hadde oppnådd innan kunsten å skriva fugar, altså komplisert kontrapunktiske verk med eitt eller fleire tema. Slik sett var det ei fullending av livsverket hans – og ei førebuing på avsluttinga av det.
Finpussa
Døden fylgde J.S. Bach gjennom livet. Som niåring miste han mor si og eitt år seinare faren. Han opplevde døden til alle syskena sine og elleve av barna, og då han i Köthen kom attende frå ei reise, var kona hans alt gravlagd – utan at meldinga om dødsfallet hadde nådd han. Som kantor i Leipzig spesialiserte han seg på forseggjord gravferdsmusikk.
Med dette i bakhovudet blir lyttinga til Ensemble il capriccios vakre album endå rikare. Solisten, den tyske kontratenoren (falsettsongaren) Franz Witzthum, er mellom dei internasjonalt beste i sitt stemmefag. Her høyrer me ikkje noko av den nasale klangen somme kontratenorar har, og den sparsame vibratobruken gir ein sylkvass, nærast instrumental intonasjon. Og så er det det ensembletekniske: I samspelet mellom instrumentalistar og vokalist er kvar fraseringsmessige detalj på plass. Lurer du på kva eg meiner, så lytt til dømes til spor 8: koralen «Du, o schönes Weltgebäude» frå kantate 56, Ich will den Kreuzstab gerne tragen, der samklangen er pussa med det finaste sandpapir.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
CD
Johann Christoph Bach, Johann Sebastian Bach:
Die Kunst des Sterbens – Ars moriendi
Franz Witzthum, kontratenor; Ensemble il capriccio. Genuin Classics 2022.
Omgrepet ars moriendi tyder «kunsten å døy». Det går attende til ei seinmellomaldersk form for oppbyggingslitteratur, som tematiserer den kristelege førebuinga til den «gode» måten å døy på, altså den «gode døden» til rett tid. Omgrepet får meg til å tenkja på ein tekststad i Andre Kongebok som fleire barokkomponistar har tonesett, nemleg der Jesaja vitjar kong Hiskia på sottesenga og uttalar: «Så seier Herren: Få orden på ditt hus, for du skal døy og ikkje leva lenger.»
To bachar
Det å leva med døden i kvardagen, å alltid vera førebudd på han, er tema for Ensemble il capriccios album med musikk av to medlemer av Bach-slekta: Johann Sebastian (1685–1750) og grandonkelen hans Johann Christoph (1642–1703). Repertoaret er delvis originalt, med kantateariar og resitativ, og delvis ensemblets eigne arrangement av koralar og fugar frå J.S. Bachs syklus Die Kunst der Fuge («Fuge-kunsten»).
Det at ensemblet flettar inn desse fugane i programmet, er eit vellukka grep. Bach nytta sine siste livsår på å finpussa syklusen. Han ville prova kva han gjennom livet hadde oppnådd innan kunsten å skriva fugar, altså komplisert kontrapunktiske verk med eitt eller fleire tema. Slik sett var det ei fullending av livsverket hans – og ei førebuing på avsluttinga av det.
Finpussa
Døden fylgde J.S. Bach gjennom livet. Som niåring miste han mor si og eitt år seinare faren. Han opplevde døden til alle syskena sine og elleve av barna, og då han i Köthen kom attende frå ei reise, var kona hans alt gravlagd – utan at meldinga om dødsfallet hadde nådd han. Som kantor i Leipzig spesialiserte han seg på forseggjord gravferdsmusikk.
Med dette i bakhovudet blir lyttinga til Ensemble il capriccios vakre album endå rikare. Solisten, den tyske kontratenoren (falsettsongaren) Franz Witzthum, er mellom dei internasjonalt beste i sitt stemmefag. Her høyrer me ikkje noko av den nasale klangen somme kontratenorar har, og den sparsame vibratobruken gir ein sylkvass, nærast instrumental intonasjon. Og så er det det ensembletekniske: I samspelet mellom instrumentalistar og vokalist er kvar fraseringsmessige detalj på plass. Lurer du på kva eg meiner, så lytt til dømes til spor 8: koralen «Du, o schönes Weltgebäude» frå kantate 56, Ich will den Kreuzstab gerne tragen, der samklangen er pussa med det finaste sandpapir.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Judith Butler er filosof og ein frontfigur innanfor kjønnsteori.
Foto: Elliott Verdier / The New York Times / NTB
Ein endrar ikkje naturen med talemåtar
Dombås Hotell brenn 19. mai 2007.
Foto: Kari Anette Austvik / NTB
Frå bridgeverda: Svidd utgang
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.