Nye perspektiv på Baudelaire
Susanna arbeider seg djupare inn i materien.
Samtidsmusikk
Susanna:
Elevation
Susanna, synthar, vokal, piano og mellotron; Stina Stjern, kassettband og opptakar (1, 3, 5, 8, 11 og 12); Delphine Dora, piano, orgel, vokal og feltopptak (2, 4, 6, 7 og 10).
Susanna Sonata
I 2020 gav Susanna (Wallumrød) ut plata Baudelaire & piano med tekstar frå Charles Baudelaires diktsamling Les fleurs du mal. Diktsamlinga vekte oppsikt og forarging då ho kom ut første gong i 1857. Den dag i dag fascinerer diktsamlinga stadig nye lesarar. I 2014 kom ei ny utgåve av Haakon Dahlens fine norske omsetjing av verket, Det vondes blomar.
I 2020 nytta Susanna Anthony Mortimers omsetjingar til engelsk. Nokre av desse finst også på Elevation, men Dora framfører også nokre tekstar på originalspråket. Teikningar av den amerikanske multikunstnaren Cameron (Marjorie Cameron Parsons Kimmel) pryder omslag og innleggshefte på båe platene.
Elevation er sett saman av innspelingar av tre instrumentalar med Susanna og Stjern, låtar med originaltekst gjorde av Susanna og Dora og nokre låtar med engelsk tekst med Susanna åleine. Ho innleier med «Alchemy of Suffering» og avsluttar med «Destruction» – dermed er ringen slutta i både form og uttrykk.
Den minimalistiske «Rose-Pale Dawn» og dei støyinspirerte «Light Up Your Eyes» og «In Shared Ecstasy» er nydelege miniatyrar i seg sjølv, men gjev også eit tilleggsperspektiv til dei påfølgjande låtane. Delphine Doras framføring av tekstane på fransk minner om bøneresitasjon i ei katolsk messe – om ein ser vekk frå meiningsinnhaldet i orda.
Med Elevation kjem Susanna tettare på Baudelaire enn ho gjorde åleine med pianoet i 2020. Med god hjelp frå Dora og Stjern byr ho på nye perspektiv på delar av eit verk som er aktuelt 165 år etter.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Samtidsmusikk
Susanna:
Elevation
Susanna, synthar, vokal, piano og mellotron; Stina Stjern, kassettband og opptakar (1, 3, 5, 8, 11 og 12); Delphine Dora, piano, orgel, vokal og feltopptak (2, 4, 6, 7 og 10).
Susanna Sonata
I 2020 gav Susanna (Wallumrød) ut plata Baudelaire & piano med tekstar frå Charles Baudelaires diktsamling Les fleurs du mal. Diktsamlinga vekte oppsikt og forarging då ho kom ut første gong i 1857. Den dag i dag fascinerer diktsamlinga stadig nye lesarar. I 2014 kom ei ny utgåve av Haakon Dahlens fine norske omsetjing av verket, Det vondes blomar.
I 2020 nytta Susanna Anthony Mortimers omsetjingar til engelsk. Nokre av desse finst også på Elevation, men Dora framfører også nokre tekstar på originalspråket. Teikningar av den amerikanske multikunstnaren Cameron (Marjorie Cameron Parsons Kimmel) pryder omslag og innleggshefte på båe platene.
Elevation er sett saman av innspelingar av tre instrumentalar med Susanna og Stjern, låtar med originaltekst gjorde av Susanna og Dora og nokre låtar med engelsk tekst med Susanna åleine. Ho innleier med «Alchemy of Suffering» og avsluttar med «Destruction» – dermed er ringen slutta i både form og uttrykk.
Den minimalistiske «Rose-Pale Dawn» og dei støyinspirerte «Light Up Your Eyes» og «In Shared Ecstasy» er nydelege miniatyrar i seg sjølv, men gjev også eit tilleggsperspektiv til dei påfølgjande låtane. Delphine Doras framføring av tekstane på fransk minner om bøneresitasjon i ei katolsk messe – om ein ser vekk frå meiningsinnhaldet i orda.
Med Elevation kjem Susanna tettare på Baudelaire enn ho gjorde åleine med pianoet i 2020. Med god hjelp frå Dora og Stjern byr ho på nye perspektiv på delar av eit verk som er aktuelt 165 år etter.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Penélope Cruz i rolla som mor til Adriana eller Andrea, spelt av Luana Giuliani.
Foto: Wildside
Roma – ein lukka by
Filmmelding: Italiensk oppvekstdrama sveipt i 70-talet skildrar tronge kjønnsnormer og fridomstrong.
Studentar på Universitetsbiblioteket på Blindern i Oslo.
Foto: Håkon Mosvold Larsen / NTB
Ja til skule, nei til studentfabrikk
Diverre er samarbeidet mellom skulen og høgre utdanningsinstitusjonar ofte dårleg.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.