Mangfaldige Gard Nilssen
Supersonic Orchestra er eit vulkanutbrot av eit storband
Gard Nilssen er hovudmannen bak Supersonic Orchestra.
Foto: Anna Niedermeier
Jazz
Gard Nilssen’s Supersonic Orchestra:
Family
Signe Emmeluth, Kjetil Møster, André Roligheten, Per «Texas» Johansson, Maciej Obara, Mette Rasmussen og Eirik Hegdal, saksofonar, klarinettar og perkusjon; Thomas Johansson og Goran Kajfes, trompet og perkusjon; Erik Johannessen og Guro Kvåle, trombone og perkusjon; Petter Eldh, Ingebrigt Flaten og Ole Morten Vågan; bass og perkusjon; Hans Hulbækmo, Håkon Mjåset Johansen og Gard Nilssen, trommer og perkusjon. We Jazz Records
For fire år sidan var Gard Nilssen residerande musikar på Moldejazz. Den store sensasjonen var konserten med det 16 musikarar sterke Supersonic Orchestra. Konserten er å høyra på If You Listen Carefully The Music Is Yours (2020).
No er oppfølgjaren klar. Family er eit konsertopptak frå Haag i oktober i fjor. Besetninga er mest uforandra. Signe Emmeluth har erstatta Hanna Paulsberg, og Erik Johannesen har fått ein kollega i Guro Kvåle. Åtte nye låtar, komponerte og arrangerte av Roligheten og Nilssen, fungerer sjølvsagt som springbrett for sjenerøse, improviserte parti, men er òg spanande prov på utviklinga til Roligheten og Nilssen som komponist- og arrangørtandem.
Dei to utviklar ein heilskap av det improviserte og det komponerte/arrangerte som gjev Family ein fascinerande tilleggsdimensjon, der «Dolphin Disco» er eitt av fleire gode døme på nettopp dette. Dei sjonglerer med stilelementa og kan i den eine augneblinken skapa assosiasjonar til Chris McGregor Brotherhood of Breath eller Art Ensemble of Chicago for så å peika i meir tradisjonell retning til Kenny Clarcke-Francy Boland Big Band.
Kvaliteten på lydopptaket er framifrå, og gjennom miksinga har dei halde på konsertromkjensla utan at for mange detaljar forsvinn. Ein er rett og slett på konsert. Gard Nilssen skal ha all ære for at han maktar å halda liv i eit så stort og stjernespekka orkester. Det er å vona at dei rette kulturpolitiske styresmaktene kjenner vitjingstida si.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Gard Nilssen’s Supersonic Orchestra:
Family
Signe Emmeluth, Kjetil Møster, André Roligheten, Per «Texas» Johansson, Maciej Obara, Mette Rasmussen og Eirik Hegdal, saksofonar, klarinettar og perkusjon; Thomas Johansson og Goran Kajfes, trompet og perkusjon; Erik Johannessen og Guro Kvåle, trombone og perkusjon; Petter Eldh, Ingebrigt Flaten og Ole Morten Vågan; bass og perkusjon; Hans Hulbækmo, Håkon Mjåset Johansen og Gard Nilssen, trommer og perkusjon. We Jazz Records
For fire år sidan var Gard Nilssen residerande musikar på Moldejazz. Den store sensasjonen var konserten med det 16 musikarar sterke Supersonic Orchestra. Konserten er å høyra på If You Listen Carefully The Music Is Yours (2020).
No er oppfølgjaren klar. Family er eit konsertopptak frå Haag i oktober i fjor. Besetninga er mest uforandra. Signe Emmeluth har erstatta Hanna Paulsberg, og Erik Johannesen har fått ein kollega i Guro Kvåle. Åtte nye låtar, komponerte og arrangerte av Roligheten og Nilssen, fungerer sjølvsagt som springbrett for sjenerøse, improviserte parti, men er òg spanande prov på utviklinga til Roligheten og Nilssen som komponist- og arrangørtandem.
Dei to utviklar ein heilskap av det improviserte og det komponerte/arrangerte som gjev Family ein fascinerande tilleggsdimensjon, der «Dolphin Disco» er eitt av fleire gode døme på nettopp dette. Dei sjonglerer med stilelementa og kan i den eine augneblinken skapa assosiasjonar til Chris McGregor Brotherhood of Breath eller Art Ensemble of Chicago for så å peika i meir tradisjonell retning til Kenny Clarcke-Francy Boland Big Band.
Kvaliteten på lydopptaket er framifrå, og gjennom miksinga har dei halde på konsertromkjensla utan at for mange detaljar forsvinn. Ein er rett og slett på konsert. Gard Nilssen skal ha all ære for at han maktar å halda liv i eit så stort og stjernespekka orkester. Det er å vona at dei rette kulturpolitiske styresmaktene kjenner vitjingstida si.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.