Kjærleikens traktorreiser
Odel, frustrasjon og attrå er ingrediensar i finfine God’s Own Country.
Bondeguten Johnny (O’Connor) får meir enn arbeidshjelp i den rumenske drengen Georghe (Secareanu).
Foto: Another World Entertainment Norway AS
Drama
Regi: Francis Lee
God’s Own Country
Med: Josh O’Connor, Alec Secareanu, Gemma Jones, Ian Hart
På ein nedsliten gard i Yorkshire slit Johnny (O’Connor) med å balansera det harde arbeidet heime med konfliktar med faren (Hart) og bestemora (Jones). Når rumenske Georghe (Secareanu) kjem for å hjelpa til med lemminga, vert det ikkje mindre turbulent i sjelelivet til Johnny.
To flotte, unge karar høgt til fjells for å passa på buskapen medan dei mest av alt har lyst å ha seg med kvarandre – det er klart ein må samanlikna med meisterverket til Ang Lee, Brokeback Mountain (2005). Og jamføringa tolest godt, heldigvis. Berre at God’s Own Country er hakket meir upolert og gjev eit klarare bilete av dagens situasjon. Der Brokeback Mountain måtte lena seg på retrospektet for ikkje å verta for røyndomsnær for ømfintlege amerikanarar, går den britiske sosialrealismen rett på sak. Også problemstillingane er nyanserte – skam og fordommar finst overalt, men sjølv på landsbygda er ikkje homofili eit ukjent fenomen lenger. Odelsplikt og sauehald er langt viktigare for å overleva enn kven ein vel å overleva med.
Verdien på eit menneske har ikkje noko med legning eller nasjonalitet å gjera. Det skulle seia seg sjølv, men er langt frå sjølvsagt enno. Det kjennest opplyftande at bodskapen i filmen går meir på at me alle må oppføra oss for å gjera oss fortente til å bli elska, meir enn at samfunnet ikkje tillèt kjærleiken. Me har iallfall heldigvis kome lenger enn Brokeback Mountain. Tenk at det kan visast så vakkert og så tydeleg som i God’s Own Country.
Brit Aksnes
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Francis Lee
God’s Own Country
Med: Josh O’Connor, Alec Secareanu, Gemma Jones, Ian Hart
På ein nedsliten gard i Yorkshire slit Johnny (O’Connor) med å balansera det harde arbeidet heime med konfliktar med faren (Hart) og bestemora (Jones). Når rumenske Georghe (Secareanu) kjem for å hjelpa til med lemminga, vert det ikkje mindre turbulent i sjelelivet til Johnny.
To flotte, unge karar høgt til fjells for å passa på buskapen medan dei mest av alt har lyst å ha seg med kvarandre – det er klart ein må samanlikna med meisterverket til Ang Lee, Brokeback Mountain (2005). Og jamføringa tolest godt, heldigvis. Berre at God’s Own Country er hakket meir upolert og gjev eit klarare bilete av dagens situasjon. Der Brokeback Mountain måtte lena seg på retrospektet for ikkje å verta for røyndomsnær for ømfintlege amerikanarar, går den britiske sosialrealismen rett på sak. Også problemstillingane er nyanserte – skam og fordommar finst overalt, men sjølv på landsbygda er ikkje homofili eit ukjent fenomen lenger. Odelsplikt og sauehald er langt viktigare for å overleva enn kven ein vel å overleva med.
Verdien på eit menneske har ikkje noko med legning eller nasjonalitet å gjera. Det skulle seia seg sjølv, men er langt frå sjølvsagt enno. Det kjennest opplyftande at bodskapen i filmen går meir på at me alle må oppføra oss for å gjera oss fortente til å bli elska, meir enn at samfunnet ikkje tillèt kjærleiken. Me har iallfall heldigvis kome lenger enn Brokeback Mountain. Tenk at det kan visast så vakkert og så tydeleg som i God’s Own Country.
Brit Aksnes
Fleire artiklar
New York-politiet storma 30. april Hamilton Hall ved Columbia University for å kaste ut Gaza-aktivistane som okkuperte bygningen.
Foto: Caitlin Ochs / Reuters / NTB
Guds vreide over Columbia
Fleire tusen amerikanske studentar er blitt arresterte for å demonstrere mot Israel. USAs normalt så sterke ytringsvern blir utfordra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.