For mykje av det vo nde
Ein solid, vellaga og viktig film blir ikkje nødvendigvis ein spennande film.
Filmen tek for seg dei fem dagane med valdeleg opprør i Detroit i 1967.
Foto: Francois Duhamel / SF Studios
Actiondrama
Regi: Kathryn Bigelow
Detroit
Med: John Boyega, Will Poulter, Algee Smith
Over fem dagar vart Detroit i 1967 utsett for nokre av dei største og mest valdelege opprøra i USA si historie. Av dei mange sjokkerande episodane der eit meir eller mindre hundre prosent kvitt politikorps var involvert, dreiar handlinga i Kathryn Bigelows film seg om aksjonen mot Algiers Motel, der tre unge menn vart drepne.
Alvorstyngde
Det er ei stund sidan regissør Kathryn Bigelow leverte publikumssuksessen Point Break (1991), og heller ikkje Detroit er popkornunderhaldning på nokon måte. Så har vel Bigelow dei siste åra vist at nett det ikkje har hatt høg prioritet. Ho har i stor grad gått i djupna på USAs involvering i Midtausten med filmar som Oscar-vinnaren Hurt Locker (2008) og Zero Dark Thirty (2012). Det er nok ein gong tung materie, og resultatet vitnar som alltid om ei grundig tilnærming til stoffet og stort fokus på detaljar. Nettopp detaljrikdommen kan verta i meste laget. Nattetimane som vert skildra, er baserte på vitneforklaringar, så eg stiller ikkje tvil ved framstillinga. Eg berre kjenner eg vert noko utolmodig av all utmålinga og dvelinga.
Typegalleri
Trass i alle detaljane kjem me ikkje nærare innpå enkeltpersonane, anna enn å få presentert eit persongalleri som gjev gode, om enn noko opplagde tidsbilete. Her er den unge soulmannen Larry (Smith) som berre vil ha platekontrakt med det kjende Detroit-baserte Motown-selskapet. Like god og uskuldig er Dismukes (Boyega), vektaren og industriarbeidaren som prøver å roa gemyttane. Tilsvarande kjip og usympatisk er jyplingpolitimannen Krauss (Poulter). Det blir litt svartkvitt, om de kan orsaka ordspelet. Ikkje at Krauss nødvendigvis fortener noko betre ettermæle, men reint filmatisk vert det i overkant typete. Og som den tilhengaren eg er av sannkrim (ja, lat oss finna eit norsk ord for true crime), hadde eg sett pris på endå meir forhøyrsdrama.
Verd å tru
Kvifor plyndra folk i nabolaget sine eigne butikkar? Det beste med Detroit er den enkle og effektive måten han viser psyken til dei som tok del i opprøra. På slutten av sekstitalet var det skeive tilhøvet mellom svarte og kvite gått så langt at lovløyse nesten verka greitt. Opptil fleire av skodespelarane er britiske, noko som faktisk har fått amerikanarar til å hissa seg opp – har dei verkeleg ikkje nok svarte skodespelarar i USA til å dekka roller om amerikanske borgarrettar? Uansett svaret her, så gjer alle særs gode innsatsar, og Bigelow skal ha skryt for å satsa på unge, lovande i staden for gamle travarar til rollene som naive, livsglade, men opprørte menneske. Sjølv den mest avbalanserte, lovlydige måtte sjå mykje mellom fingrane for ikkje å få med seg mangelen på rettferd. Innrykking av det militære og statspolitiet i tillegg til eigne politistyrkar, kan berre ha forsterka kjensla av «dei eller oss». At det kulminerte i scener lik den på Algiers Motel, er diverre til å tru.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Actiondrama
Regi: Kathryn Bigelow
Detroit
Med: John Boyega, Will Poulter, Algee Smith
Over fem dagar vart Detroit i 1967 utsett for nokre av dei største og mest valdelege opprøra i USA si historie. Av dei mange sjokkerande episodane der eit meir eller mindre hundre prosent kvitt politikorps var involvert, dreiar handlinga i Kathryn Bigelows film seg om aksjonen mot Algiers Motel, der tre unge menn vart drepne.
Alvorstyngde
Det er ei stund sidan regissør Kathryn Bigelow leverte publikumssuksessen Point Break (1991), og heller ikkje Detroit er popkornunderhaldning på nokon måte. Så har vel Bigelow dei siste åra vist at nett det ikkje har hatt høg prioritet. Ho har i stor grad gått i djupna på USAs involvering i Midtausten med filmar som Oscar-vinnaren Hurt Locker (2008) og Zero Dark Thirty (2012). Det er nok ein gong tung materie, og resultatet vitnar som alltid om ei grundig tilnærming til stoffet og stort fokus på detaljar. Nettopp detaljrikdommen kan verta i meste laget. Nattetimane som vert skildra, er baserte på vitneforklaringar, så eg stiller ikkje tvil ved framstillinga. Eg berre kjenner eg vert noko utolmodig av all utmålinga og dvelinga.
Typegalleri
Trass i alle detaljane kjem me ikkje nærare innpå enkeltpersonane, anna enn å få presentert eit persongalleri som gjev gode, om enn noko opplagde tidsbilete. Her er den unge soulmannen Larry (Smith) som berre vil ha platekontrakt med det kjende Detroit-baserte Motown-selskapet. Like god og uskuldig er Dismukes (Boyega), vektaren og industriarbeidaren som prøver å roa gemyttane. Tilsvarande kjip og usympatisk er jyplingpolitimannen Krauss (Poulter). Det blir litt svartkvitt, om de kan orsaka ordspelet. Ikkje at Krauss nødvendigvis fortener noko betre ettermæle, men reint filmatisk vert det i overkant typete. Og som den tilhengaren eg er av sannkrim (ja, lat oss finna eit norsk ord for true crime), hadde eg sett pris på endå meir forhøyrsdrama.
Verd å tru
Kvifor plyndra folk i nabolaget sine eigne butikkar? Det beste med Detroit er den enkle og effektive måten han viser psyken til dei som tok del i opprøra. På slutten av sekstitalet var det skeive tilhøvet mellom svarte og kvite gått så langt at lovløyse nesten verka greitt. Opptil fleire av skodespelarane er britiske, noko som faktisk har fått amerikanarar til å hissa seg opp – har dei verkeleg ikkje nok svarte skodespelarar i USA til å dekka roller om amerikanske borgarrettar? Uansett svaret her, så gjer alle særs gode innsatsar, og Bigelow skal ha skryt for å satsa på unge, lovande i staden for gamle travarar til rollene som naive, livsglade, men opprørte menneske. Sjølv den mest avbalanserte, lovlydige måtte sjå mykje mellom fingrane for ikkje å få med seg mangelen på rettferd. Innrykking av det militære og statspolitiet i tillegg til eigne politistyrkar, kan berre ha forsterka kjensla av «dei eller oss». At det kulminerte i scener lik den på Algiers Motel, er diverre til å tru.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Bigelow skal ha skryt for å satsa på unge, lovande i staden for gamle
travarar.
Fleire artiklar
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.