Korleis ville du likt å ete eggedosis med friterte hanekammar og honningsøta moldvarpaspik med savoyardkjeks? Ville du valt den okkulte linja på ingeniørhøgskulen? Ville du søkt på stillinga som rådsherre for kultur, konsertar og lettvint underhaldning, eller ville du kanskje vore leiar i blyantspissarlauget? All interesse kring dette må i så fall rettast til forfattar Erik Fosnes Hansen. Det er han som har skapt dette merkverdige universet som utgjer romanen Langs landeveien mellom Cottbus og Berlin.