Notat frå sjølvet
Det er ikkje alltid det vesle blir til det store.
Stig Aasvik legg hovudpersonen tett opp til seg sjølv.
Foto: Cappelen Damm
Roman
Stig Aasvik:
Lofotveggen
Cappelen Damm
Lofotveggen er Aasviks fjerde roman, og for han er det ikkje eit ukjent grep å leggje hovudpersonen tett opp til forfattaren sjølv. Sidan ein roman til sjuande og sist er fiksjon, kallar vi likevel hovudpersonen «Stig». Vi møter «Stig» på jobbsøkjarkurs hos NAV i Oslo, på gamle trakter i Lofoten, som faren kjem frå, i tilbakeblikk på ulike arbeidssituasjonar i tekstbransjen eller når han viser til dagens nyheitsbilde. Forma er assosiativ – alle tema glir over i kvarandre utan varsel om temaskifte. Denne stream of consciousness-metoden er det ingenting å seie på. Eg har større innvendingar mot at forma ikkje gjer frå eller til for innhaldet, som ikkje er vesentleg for meg.
Klisjear
Det har med klisjear å gjere. Romanen opnar med «sko» som bilde på korleis ein har tatt seg fram i livet, og byr fleire gonger seinare på denne slitne metaforen. «Stig» går i fotspora til faren i «altfor store sko». «Snubla jeg? I mine egne sko?» «Hvorfor trasker jeg rundt i gamle sko når jeg kan kjøpe nye?».
Andre døme: «Jeg trodde jeg skulle sitte i cockpiten på dette flyet, så satt jeg i passasjerkabinen», eller foreldra i konflikt, sittande i «båten som var dømt til forlis». Når Aasvik legg inn referansar til andre verk og forfattarar, tvilar eg på evna hans til å sjå kva element som høver saman. Er dette til dømes eit miljø der det gir meining å blande inn Olav H. Hauge: «legger igjen kredittkort jeg ikke har i barer jeg ikke visste um»?
Skrivefeil
Det har med skrivefeil å gjere. Nærare 30 skrivefeil gjer sitt til å forstyrre lesinga, og vitnar om at verken forfattar eller forlag har lagt all verda i siste finpussen. Ikkje alle feila kjem av reine gleppar heller: «skomper borti», «mamma sukket og åkket seg», «sånn balet det på seg». Og kvifor skrive Arnold Schoenberg på den engelske måten, og kven er no Gunnar Ormstunge?
Oppramsing
Det har med oppramsing å gjere. Filmskaparar, forfattarar, filosofar – eller kjendisar «Stig» ser på gata – blir ramsa opp, men ikkje brukte til å seie noko meir. Dermed står det mest att som namnestrøing: ikkje tilfeldig valde namn som forfattaren har ønskt å omgi «Stig» med.
Sekvensane som tek føre seg den tvungne karriererettleiinga på NAV, har derimot noko føre seg. Her syner Aasvik ei observasjonsevne som er både god og humoristisk, og eg tek meg i å ønskje at heile romanen handla om dette. Eg likar òg setninga: «Huden, dette hylsteret resten av meg befinner seg i.»
Men éi setning og eitt situasjonsspor gjer ingen sommar. For meg gir teksten mest inntrykk av at forfattaren har ønskt å samle eigne opplevingar, minne og observasjonar, sjå samanhengar, men gløymt å lage litteratur av det.
Ingvild Bræin
Ingvild Bræin er litteraturvitar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Stig Aasvik:
Lofotveggen
Cappelen Damm
Lofotveggen er Aasviks fjerde roman, og for han er det ikkje eit ukjent grep å leggje hovudpersonen tett opp til forfattaren sjølv. Sidan ein roman til sjuande og sist er fiksjon, kallar vi likevel hovudpersonen «Stig». Vi møter «Stig» på jobbsøkjarkurs hos NAV i Oslo, på gamle trakter i Lofoten, som faren kjem frå, i tilbakeblikk på ulike arbeidssituasjonar i tekstbransjen eller når han viser til dagens nyheitsbilde. Forma er assosiativ – alle tema glir over i kvarandre utan varsel om temaskifte. Denne stream of consciousness-metoden er det ingenting å seie på. Eg har større innvendingar mot at forma ikkje gjer frå eller til for innhaldet, som ikkje er vesentleg for meg.
Klisjear
Det har med klisjear å gjere. Romanen opnar med «sko» som bilde på korleis ein har tatt seg fram i livet, og byr fleire gonger seinare på denne slitne metaforen. «Stig» går i fotspora til faren i «altfor store sko». «Snubla jeg? I mine egne sko?» «Hvorfor trasker jeg rundt i gamle sko når jeg kan kjøpe nye?».
Andre døme: «Jeg trodde jeg skulle sitte i cockpiten på dette flyet, så satt jeg i passasjerkabinen», eller foreldra i konflikt, sittande i «båten som var dømt til forlis». Når Aasvik legg inn referansar til andre verk og forfattarar, tvilar eg på evna hans til å sjå kva element som høver saman. Er dette til dømes eit miljø der det gir meining å blande inn Olav H. Hauge: «legger igjen kredittkort jeg ikke har i barer jeg ikke visste um»?
Skrivefeil
Det har med skrivefeil å gjere. Nærare 30 skrivefeil gjer sitt til å forstyrre lesinga, og vitnar om at verken forfattar eller forlag har lagt all verda i siste finpussen. Ikkje alle feila kjem av reine gleppar heller: «skomper borti», «mamma sukket og åkket seg», «sånn balet det på seg». Og kvifor skrive Arnold Schoenberg på den engelske måten, og kven er no Gunnar Ormstunge?
Oppramsing
Det har med oppramsing å gjere. Filmskaparar, forfattarar, filosofar – eller kjendisar «Stig» ser på gata – blir ramsa opp, men ikkje brukte til å seie noko meir. Dermed står det mest att som namnestrøing: ikkje tilfeldig valde namn som forfattaren har ønskt å omgi «Stig» med.
Sekvensane som tek føre seg den tvungne karriererettleiinga på NAV, har derimot noko føre seg. Her syner Aasvik ei observasjonsevne som er både god og humoristisk, og eg tek meg i å ønskje at heile romanen handla om dette. Eg likar òg setninga: «Huden, dette hylsteret resten av meg befinner seg i.»
Men éi setning og eitt situasjonsspor gjer ingen sommar. For meg gir teksten mest inntrykk av at forfattaren har ønskt å samle eigne opplevingar, minne og observasjonar, sjå samanhengar, men gløymt å lage litteratur av det.
Ingvild Bræin
Ingvild Bræin er litteraturvitar og fast bokmeldar i Dag og Tid.
Ei setning og eitt situasjonsspor gjer ingen sommar.
Fleire artiklar
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.