USAs feilgrep
For jødane er Jerusalem Israels evige og udelelege hovudstad. I Bibelen vart Jerusalem gjort til hovudstad alt for 3400 år sidan av kong David, gjetarguten som vart sjølve idealskapnaden i jødedomen. Og i Jerusalem ligg Klagemuren – den viktigaste og heilagaste staden for jødane.
Problemet er at palestinarane og muslimane meiner like sterkt at Jerusalem har ein særeigen plass i trua deira. Al-Aqsa-moskeen på tempelhøgda i byen er den viktigaste heilagdomen for muslimane, etter Kaba og Muhammeds grav.
Ein kan lika eller mislika at religion spelar ei sterk rolle for politikk og synet på verda, men slik er no ein gong realiteten i Midtausten og Jerusalem. Det er difor klokt å ta omsyn til dette i praktisk politikk.
I tillegg må det faktumet at Israel har okkupert og annektert Aust-Jerusalem, påverka korleis det internasjonale samfunnet utformar politikken i området. Annekteringa av Aust-Jerusalem er uakseptabel, i strid med folkeretten og fordømd av verdssamfunnet.
Ein kan skjøna at Israel vil ha Jerusalem som hovudstad, på same måte som palestinarane vil ha Jerusalem som hovudstad i ein eventuell framtidig palestinsk stat. Men i dag er ikkje dette mogeleg å få til.
Det er difor svært uheldig at USA flyttar ambassaden til Jerusalem og samstundes godkjenner at Jerusalem er Israels hovudstad. Truleg vil det at USA bryt med internasjonal praksis, berre forsterka konflikten og gjera det endå vanskelegare å lukkast med å skapa varig fred mellom palestinarane og israelarane.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
For jødane er Jerusalem Israels evige og udelelege hovudstad. I Bibelen vart Jerusalem gjort til hovudstad alt for 3400 år sidan av kong David, gjetarguten som vart sjølve idealskapnaden i jødedomen. Og i Jerusalem ligg Klagemuren – den viktigaste og heilagaste staden for jødane.
Problemet er at palestinarane og muslimane meiner like sterkt at Jerusalem har ein særeigen plass i trua deira. Al-Aqsa-moskeen på tempelhøgda i byen er den viktigaste heilagdomen for muslimane, etter Kaba og Muhammeds grav.
Ein kan lika eller mislika at religion spelar ei sterk rolle for politikk og synet på verda, men slik er no ein gong realiteten i Midtausten og Jerusalem. Det er difor klokt å ta omsyn til dette i praktisk politikk.
I tillegg må det faktumet at Israel har okkupert og annektert Aust-Jerusalem, påverka korleis det internasjonale samfunnet utformar politikken i området. Annekteringa av Aust-Jerusalem er uakseptabel, i strid med folkeretten og fordømd av verdssamfunnet.
Ein kan skjøna at Israel vil ha Jerusalem som hovudstad, på same måte som palestinarane vil ha Jerusalem som hovudstad i ein eventuell framtidig palestinsk stat. Men i dag er ikkje dette mogeleg å få til.
Det er difor svært uheldig at USA flyttar ambassaden til Jerusalem og samstundes godkjenner at Jerusalem er Israels hovudstad. Truleg vil det at USA bryt med internasjonal praksis, berre forsterka konflikten og gjera det endå vanskelegare å lukkast med å skapa varig fred mellom palestinarane og israelarane.
Svein Gjerdåker
Fleire artiklar
New York-politiet storma 30. april Hamilton Hall ved Columbia University for å kaste ut Gaza-aktivistane som okkuperte bygningen.
Foto: Caitlin Ochs / Reuters / NTB
Guds vreide over Columbia
Fleire tusen amerikanske studentar er blitt arresterte for å demonstrere mot Israel. USAs normalt så sterke ytringsvern blir utfordra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.