Rektorar bør veljast
Curt Rice, noverande rektor ved OsloMet – det såkalla Storbyuniversitetet – er tilsett som ny rektor ved den gamle landbrukshøgskulen på Ås, no Noregs miljø- og biovitskaplege universitet (NMBU). Rice er sikkert ein god leiar, dette går ikkje på han som person, men tilsetjinga er likevel problematisk på fleire måtar.
For det fyrste er han altså tilsett og ikkje vald. Diverre har fleire universitet og høgskular no gått bort frå at rektoren skal veljast av dei tilsette etter ein open valkamp der det kjem tydeleg fram kva dei ulike kandidatane står for. Å gå bort frå denne ordninga er ei svekking av sjølvstyretradisjonen ved universiteta våre, og det står i strid med synet vårt på kva eit universitet skal vera.
I tillegg har styret ved NMBU utelate Rice frå den offentlege søkjarlista. Det er endå eit døme på den stadige uskikken med hemmeleghald ved tilsetjing av folk i viktige offentlege stillingar. Sjå berre på tilsetjinga av den noverande forsvarsministeren Frank-Bakke Jensen som ny fiskeridirektør.
I tilsetjinga av ny rektor ved NMBU har ein altså både kutta den gamle valprosessen, der dei tilsette avgjorde, og halde kandidaten hemmeleg.
Rice har ingen bakgrunn frå dei mange fagmiljøa ved NMBU. Rice er lingvist og har fagleg bakgrunn som forskar på generativ grammatikk og fonologi. Medan Noregs miljø- og biovitskaplege universitet driv med fag som veterinærkunnskap, fornybar energi, kjemi, husdyrlære, folkehelsevitskap, økonomi m.m.
NMBU og alle andre vitskaplege lærestader bør ha ein rektor som kjem frå same fagkrinsen som institusjonen forskar på og underviser i. Slik kan ein best dyrka og halda oppe eigenarten ved universiteta våre.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Curt Rice, noverande rektor ved OsloMet – det såkalla Storbyuniversitetet – er tilsett som ny rektor ved den gamle landbrukshøgskulen på Ås, no Noregs miljø- og biovitskaplege universitet (NMBU). Rice er sikkert ein god leiar, dette går ikkje på han som person, men tilsetjinga er likevel problematisk på fleire måtar.
For det fyrste er han altså tilsett og ikkje vald. Diverre har fleire universitet og høgskular no gått bort frå at rektoren skal veljast av dei tilsette etter ein open valkamp der det kjem tydeleg fram kva dei ulike kandidatane står for. Å gå bort frå denne ordninga er ei svekking av sjølvstyretradisjonen ved universiteta våre, og det står i strid med synet vårt på kva eit universitet skal vera.
I tillegg har styret ved NMBU utelate Rice frå den offentlege søkjarlista. Det er endå eit døme på den stadige uskikken med hemmeleghald ved tilsetjing av folk i viktige offentlege stillingar. Sjå berre på tilsetjinga av den noverande forsvarsministeren Frank-Bakke Jensen som ny fiskeridirektør.
I tilsetjinga av ny rektor ved NMBU har ein altså både kutta den gamle valprosessen, der dei tilsette avgjorde, og halde kandidaten hemmeleg.
Rice har ingen bakgrunn frå dei mange fagmiljøa ved NMBU. Rice er lingvist og har fagleg bakgrunn som forskar på generativ grammatikk og fonologi. Medan Noregs miljø- og biovitskaplege universitet driv med fag som veterinærkunnskap, fornybar energi, kjemi, husdyrlære, folkehelsevitskap, økonomi m.m.
NMBU og alle andre vitskaplege lærestader bør ha ein rektor som kjem frå same fagkrinsen som institusjonen forskar på og underviser i. Slik kan ein best dyrka og halda oppe eigenarten ved universiteta våre.
Svein Gjerdåker
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?