Provinsielt
statusjag
Høgskolen i Oslo og Akershus vil kalla seg OsloMet – Storbyuniversitetet, og Oslo Metropolitan University på engelsk. Eit merkeleg påhitt. Mange i styret likte ikkje namnet, men makta – utruleg nok – ikkje å koma med eit anna framlegg.
Vonleg vil kunnskapsministeren stansa framlegget. Forkortinga «Met» høver bra for kunstmuseet Metropolitan Museum of Art der det ligg på Fifth Avenue på Manhattan i New York. Men mykje av Høgskolen i Oslo og Akershus ligg langs gamle Pilestredet i Oslo – i Noreg. Då må ein ha eit norsk namn som ikkje er i strid med norsk rettskriving, og som forklarar kva institusjonen skal driva med.
Bakgrunnen til namnet er sjølvsagt ikkje fantasiløyse, men ein sterk iver etter meir akademisering og internasjonalisering av høgskulen. Såleis skal alle stillingar no lysast ut internasjonalt, der det berre i spesielle tilfelle vert stilt krav til gode norskkunnskapar. Norsk skal utanlandske forskarar og førelesarane læra seg innan tre år. Fram til då kan dei førelesa på engelsk. Rektor og pådrivar for det heile, Curt Rice, ser ingen problem med det.
Men å undervisa og inspirera studentar krev ikkje berre middels språkleg kunnskap, ein bør kunna språket inngåande. Ein god førelesar må briljera språkleg – med anekdotar, sitat og historier der språket krydrar og levandegjer stoffet. Og om temaet er norsk og norsk røyndom, må førelesaren ha god teoretisk – og praktisk – innsikt i norsk samfunnsliv og kunne ausa av gode døme og samanlikningar.
Det finst sjølvsagt unntak, men alt dette er det få som lærer på tre år – trass i ein god doktorgrad i bakhand. Like lite som dei aller fleste nordmenn kan framføra gode førelesingar på engelsk.
Ved grunnutdanningane ved norske universitet, og særleg ein lærestad som i hovudsak driv med utdanning av profesjonsyrke som førskulelærarar, lærarar og helsearbeidarar, er difor ei overdriven vektlegging av internasjonalisering lite tenleg.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Høgskolen i Oslo og Akershus vil kalla seg OsloMet – Storbyuniversitetet, og Oslo Metropolitan University på engelsk. Eit merkeleg påhitt. Mange i styret likte ikkje namnet, men makta – utruleg nok – ikkje å koma med eit anna framlegg.
Vonleg vil kunnskapsministeren stansa framlegget. Forkortinga «Met» høver bra for kunstmuseet Metropolitan Museum of Art der det ligg på Fifth Avenue på Manhattan i New York. Men mykje av Høgskolen i Oslo og Akershus ligg langs gamle Pilestredet i Oslo – i Noreg. Då må ein ha eit norsk namn som ikkje er i strid med norsk rettskriving, og som forklarar kva institusjonen skal driva med.
Bakgrunnen til namnet er sjølvsagt ikkje fantasiløyse, men ein sterk iver etter meir akademisering og internasjonalisering av høgskulen. Såleis skal alle stillingar no lysast ut internasjonalt, der det berre i spesielle tilfelle vert stilt krav til gode norskkunnskapar. Norsk skal utanlandske forskarar og førelesarane læra seg innan tre år. Fram til då kan dei førelesa på engelsk. Rektor og pådrivar for det heile, Curt Rice, ser ingen problem med det.
Men å undervisa og inspirera studentar krev ikkje berre middels språkleg kunnskap, ein bør kunna språket inngåande. Ein god førelesar må briljera språkleg – med anekdotar, sitat og historier der språket krydrar og levandegjer stoffet. Og om temaet er norsk og norsk røyndom, må førelesaren ha god teoretisk – og praktisk – innsikt i norsk samfunnsliv og kunne ausa av gode døme og samanlikningar.
Det finst sjølvsagt unntak, men alt dette er det få som lærer på tre år – trass i ein god doktorgrad i bakhand. Like lite som dei aller fleste nordmenn kan framføra gode førelesingar på engelsk.
Ved grunnutdanningane ved norske universitet, og særleg ein lærestad som i hovudsak driv med utdanning av profesjonsyrke som førskulelærarar, lærarar og helsearbeidarar, er difor ei overdriven vektlegging av internasjonalisering lite tenleg.
Svein Gjerdåker
Fleire artiklar
New York-politiet storma 30. april Hamilton Hall ved Columbia University for å kaste ut Gaza-aktivistane som okkuperte bygningen.
Foto: Caitlin Ochs / Reuters / NTB
Guds vreide over Columbia
Fleire tusen amerikanske studentar er blitt arresterte for å demonstrere mot Israel. USAs normalt så sterke ytringsvern blir utfordra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.