Nye politikontor
Regjeringa har i tråd med lovnadene dei gav før valet, vedteke å etablera nye politikontor etter at den førre regjeringa la ned fleire kontor. Tidlegare i år fekk fleire stader sommaropne politikontor, blant anna Engerdal, Mortensrud i Oslo, Salangen, Sigdal og Meråker.
Denne veka vart det kjent at Sørumsand, Rakkestad, Karlsøy, Kvinesdal, Levanger, Nesodden, Sør-Odal, Vaksdal, Åseral og Hemsedal er dei heldige som skal få nye heilårskontor.
Men skal ein tru oppslag i fleire nettaviser, er det heile berre tull. I kjend tabloid stil hadde Nettavisen tittelen «Slaktes etter politinyhet – elendig». Aftenposten har tittelen «Åpner ti nye tjenestesteder for politiet. – Arrogant, sier Politiets Fellesforbund». NRK-nett skriv «Polititopper hardt ut mot regjeringen».
Visepolitimeister i Vest politidistrikt Arne Johannessen fylgjer opp og fortel til NRK at han heller vil styrkja digitale løysingar, og kallar opprettinga av dei nye kontora for ei symbolpolitisk handling. «Et kontor med et politiskilt på veggen gir ingen polititjeneste», seier Johannessen.
Det siste er sjølvsagt rett, men Johannessen har langt ifrå støtte blant alle i politietaten. Politistasjonssjef på Voss Ivar Hellene feira etableringa av det nye politikontoret med kake og meinte det var ein dag å gleda seg over. Til avisa Hordaland fortel han at responstida no vil gå kraftig ned i Vaksdal kommune.
Nettopp – det er poenget. Folk må kjenna seg trygge. Politi i nærområdet bidreg til det og gjev større sjansar for førebygging. Dei digitale løysingane til Johannessen er vel og bra, men hjelper ikkje mykje når det er alvor og det hastar med å nå fram. No må regjeringa fylgja opp med fleire stillingar til politiet.
Johannessen burde for sin del roa seg etter at regjeringa har gjort vedtaket. Klare synspunkt må han sjølvsagt kunna koma med før avgjersla, men etterpå kan ikkje politiembetsmenn stå fram som politiske aktørar. Dei syner manglande forståing for kva for lojalitetsplikt politiembetsmenn har andsynes regjeringa.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Regjeringa har i tråd med lovnadene dei gav før valet, vedteke å etablera nye politikontor etter at den førre regjeringa la ned fleire kontor. Tidlegare i år fekk fleire stader sommaropne politikontor, blant anna Engerdal, Mortensrud i Oslo, Salangen, Sigdal og Meråker.
Denne veka vart det kjent at Sørumsand, Rakkestad, Karlsøy, Kvinesdal, Levanger, Nesodden, Sør-Odal, Vaksdal, Åseral og Hemsedal er dei heldige som skal få nye heilårskontor.
Men skal ein tru oppslag i fleire nettaviser, er det heile berre tull. I kjend tabloid stil hadde Nettavisen tittelen «Slaktes etter politinyhet – elendig». Aftenposten har tittelen «Åpner ti nye tjenestesteder for politiet. – Arrogant, sier Politiets Fellesforbund». NRK-nett skriv «Polititopper hardt ut mot regjeringen».
Visepolitimeister i Vest politidistrikt Arne Johannessen fylgjer opp og fortel til NRK at han heller vil styrkja digitale løysingar, og kallar opprettinga av dei nye kontora for ei symbolpolitisk handling. «Et kontor med et politiskilt på veggen gir ingen polititjeneste», seier Johannessen.
Det siste er sjølvsagt rett, men Johannessen har langt ifrå støtte blant alle i politietaten. Politistasjonssjef på Voss Ivar Hellene feira etableringa av det nye politikontoret med kake og meinte det var ein dag å gleda seg over. Til avisa Hordaland fortel han at responstida no vil gå kraftig ned i Vaksdal kommune.
Nettopp – det er poenget. Folk må kjenna seg trygge. Politi i nærområdet bidreg til det og gjev større sjansar for førebygging. Dei digitale løysingane til Johannessen er vel og bra, men hjelper ikkje mykje når det er alvor og det hastar med å nå fram. No må regjeringa fylgja opp med fleire stillingar til politiet.
Johannessen burde for sin del roa seg etter at regjeringa har gjort vedtaket. Klare synspunkt må han sjølvsagt kunna koma med før avgjersla, men etterpå kan ikkje politiembetsmenn stå fram som politiske aktørar. Dei syner manglande forståing for kva for lojalitetsplikt politiembetsmenn har andsynes regjeringa.
Svein Gjerdåker
Fleire artiklar
Ein kraftig eksplosjon ramma eit bustadområde utanfor Uppsala 28. september. Ei kvinne vart drepen.
Foto: Anders Wiklund / TT / NTB
Den dyrebare fridomen frå vald
Samferdselsminister Jon-Ivar Nygård (Ap) fekk ei klar tilråing om å droppe Nord-Noregbanen i ei ny utgreiing frå Jernbanedirektoratet. Her saman med Anders Kirsebom, konserndirektør for regionale lufthamner, Sven Martin Tønnesen, avdelingsdirektør i Kystverket, Knut Sletta, jernbanedirektør, og vegdirektør Ingrid Dahl Hovland.
Foto: Fritz Hansen / Fremover / NTB
Nord-Noregbanen vert for dyr
Fleire artiklar
Ein kraftig eksplosjon ramma eit bustadområde utanfor Uppsala 28. september. Ei kvinne vart drepen.
Foto: Anders Wiklund / TT / NTB
Den dyrebare fridomen frå vald
Samferdselsminister Jon-Ivar Nygård (Ap) fekk ei klar tilråing om å droppe Nord-Noregbanen i ei ny utgreiing frå Jernbanedirektoratet. Her saman med Anders Kirsebom, konserndirektør for regionale lufthamner, Sven Martin Tønnesen, avdelingsdirektør i Kystverket, Knut Sletta, jernbanedirektør, og vegdirektør Ingrid Dahl Hovland.
Foto: Fritz Hansen / Fremover / NTB