Foto: Håkon Mosvold Larsen / NTB scanpix
Lyng
Lyngen trives overalt her vest –
gror som bustet skjegg på kinnet til fjell og flyer
eller som fine øyenvipper rundt tjern og pytter
langt inne på heiene, hvor myrsnipen
sturer i starren som en gammel skolemester
i svart vest, og heiloen
spiller fløyte for danseglad mygg
på myrflatene –
Vinden lusker alltid gjennom lyngen –
tuter sin gamle ve i dens ører,
skryter om sin ferd over havet,
vil lokke den med seg dit eller dit.
Men lyngen blir.
For lyngen er uten uro og ferd.
Bare står som svaiende tårn
og dingler med sine små klokker
ut over heienes kirkebakker –
spe klemt
til sjelemesse for vind og menneskehjerter.
Lyng
Lyngen trives overalt her vest –
gror som bustet skjegg på kinnet til fjell og flyer
eller som fine øyenvipper rundt tjern og pytter
langt inne på heiene, hvor myrsnipen
sturer i starren som en gammel skolemester
i svart vest, og heiloen
spiller fløyte for danseglad mygg
på myrflatene –
Vinden lusker alltid gjennom lyngen –
tuter sin gamle ve i dens ører,
skryter om sin ferd over havet,
vil lokke den med seg dit eller dit.
Men lyngen blir.
For lyngen er uten uro og ferd.
Bare står som svaiende tårn
og dingler med sine små klokker
ut over heienes kirkebakker –
spe klemt
til sjelemesse for vind og menneskehjerter.
Lyrikaren Kolbein Falkeid (1933–) har sidan debuten i 1962 gjeve ut meir enn eit tjuetals diktbøker. I tillegg har han gjort verda større for oss gjennom ei lang rad gjendiktingar av store lyrikarar frå andre land og verdsdelar. I sine eigne dikt er den vidreiste og vidt lesande Falkeid i stendig samtale med diktarbrør frå heilt andre tider og stader. Me nyttar gjerne nemninga «intertekstualitet» om eit slikt litterært spel, og den intertekstuelle leiken kan vera meir eller mindre openberr.
«Lyng» vekkjer minningar om opningsdiktet i Arne Garborgs diktsamling Haugtussa. Samspelet med føregjengaren ligg her i at det er same slags landskap, same fugleliv og same slags vekster som vert skildra. Men den meininga dei to ser i det heile, er høgst ulik. Der Garborg opplever «Hei og bleike Myr» med «visne Lyng um Haug» som ein «Trollheim» med minningar om død og undergang, mot slutten berre motsagd av lerkesongen, ser Falkeid noko heilt anna. Rett nok kallar han heiene for «kirkebakker», men det er av di lyngen gjer dei heilage. Lyngen har livskraft, strilynde og styrke nok til å stå imot klagande og trulaus lokking frå ein kvilelaus vind. Når dei talrike små lyngblomane vert til klingande klokker, kallar dei i staden til ei sjelemesse som opnar menneskehjartet for ein stor fred. Kontrasten til Garborgs dikt er med andre ord stor.
Ei rad andre Falkeid-dikt har ein liknande (intertekstuell) bodskap. «Skisse vestfra» er eit av dei mange dikta han har skrive til Haugesund-gruppa Vamp. Her heiter det: «Vinden rir over jorden./ …/ Lyngen står sta og stritter mot./ Det har den alltid gjort./ … / Lyngen biter seg karrig fast –/ …/ forbitret, forsømt – og forblir!» Den kravlause lyngen gjev oss fred i gåve. Det veit òg alle fjellvandrarar. Og takk for det.
Vigdis Ystad
Kolbein Falkeid:
Frå Dissonans 1968
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Lyrikaren Kolbein Falkeid (1933–) har sidan debuten i 1962 gjeve ut meir enn eit tjuetals diktbøker. I tillegg har han gjort verda større for oss gjennom ei lang rad gjendiktingar av store lyrikarar frå andre land og verdsdelar. I sine eigne dikt er den vidreiste og vidt lesande Falkeid i stendig samtale med diktarbrør frå heilt andre tider og stader. Me nyttar gjerne nemninga «intertekstualitet» om eit slikt litterært spel, og den intertekstuelle leiken kan vera meir eller mindre openberr.
«Lyng» vekkjer minningar om opningsdiktet i Arne Garborgs diktsamling Haugtussa. Samspelet med føregjengaren ligg her i at det er same slags landskap, same fugleliv og same slags vekster som vert skildra. Men den meininga dei to ser i det heile, er høgst ulik. Der Garborg opplever «Hei og bleike Myr» med «visne Lyng um Haug» som ein «Trollheim» med minningar om død og undergang, mot slutten berre motsagd av lerkesongen, ser Falkeid noko heilt anna. Rett nok kallar han heiene for «kirkebakker», men det er av di lyngen gjer dei heilage. Lyngen har livskraft, strilynde og styrke nok til å stå imot klagande og trulaus lokking frå ein kvilelaus vind. Når dei talrike små lyngblomane vert til klingande klokker, kallar dei i staden til ei sjelemesse som opnar menneskehjartet for ein stor fred. Kontrasten til Garborgs dikt er med andre ord stor.
Ei rad andre Falkeid-dikt har ein liknande (intertekstuell) bodskap. «Skisse vestfra» er eit av dei mange dikta han har skrive til Haugesund-gruppa Vamp. Her heiter det: «Vinden rir over jorden./ …/ Lyngen står sta og stritter mot./ Det har den alltid gjort./ … / Lyngen biter seg karrig fast –/ …/ forbitret, forsømt – og forblir!» Den kravlause lyngen gjev oss fred i gåve. Det veit òg alle fjellvandrarar. Og takk for det.
Vigdis Ystad
Kolbein Falkeid:
Frå Dissonans 1968
Fleire artiklar
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.