Foto: Lokalhistoriewiki.no
Ein draum i Guds hjarte
Å var eg i duldo for evigt
og aldri i dagen kom fram –
lik fræet i frostsvevnen bunde
inn under den kalde ham.
Ja var eg lukkeleg ufødd,
igjenom ævone drøymd,
ja berre som skire draum i Guds hjarte,
djupt i hans skaparsjel gøymd.
Eg vøre som draumen mot dagen
som sloknar i morgonljos
og andar ut imot sola,
lik floden, han finn sin os,
eg døyr som ein sukk i havet,
i stilla so ævestor
eg sloknar inn, so den reine samljod
andar ut mine spor.
Tore Ørjasæter
Frå Skiringsgangen. Eit draumkvede 1925
Ein draum i Guds hjarte
Å var eg i duldo for evigt
og aldri i dagen kom fram –
lik fræet i frostsvevnen bunde
inn under den kalde ham.
Ja var eg lukkeleg ufødd,
igjenom ævone drøymd,
ja berre som skire draum i Guds hjarte,
djupt i hans skaparsjel gøymd.
Eg vøre som draumen mot dagen
som sloknar i morgonljos
og andar ut imot sola,
lik floden, han finn sin os,
eg døyr som ein sukk i havet,
i stilla so ævestor
eg sloknar inn, so den reine samljod
andar ut mine spor.
Tore Ørjasæter
Frå Skiringsgangen. Eit draumkvede 1925
Hjå Tore Ørjasæter (1886–1968) kjem striden mellom vilje og lagnad knapt sterkare til uttrykk enn i samlinga Skiringsgangen. Boka skildrar ein mann kuva av depresjon, ufridom og angest, på vandring gjennom eit draumelikt landskap der han møter villdyr og andre mørke makter. Han går over islagde vatn og trengjer gjennom helheim og dødsrike, før han med viljens hjelp sigrar over lagnaden og når fram til «livsens sol og fridom».
Ein slik allegori vekkjer minningar om visjonsdiktinga frå mellomalderen, der levande menneske fortel om opplevingar frå ei anna røynd. Undertittelen «Eit draumkvæde» peikar i same leia. Ørjasæter opnar med at han vil fortelja «draumane mine, / so mange / og lange», slik mellomalderdiktet «Draumkvædet» tek til med at Olav Åsteson vaknar og «tel’e sine draume». I storverket Divina Commedia frå år 1300 skildrar Dante korleis ein vandrar etter å ha gått gjenom helvetet og skiringselden til sist når eit himmelsk tilvære der han møter guddommen i form av eit blendande ljos. Det norrøne «Solarljod» frå 1200-talet kan vel òg kallast eit visjonsdikt, sjølv om hovudpersonen her er ein død mann som fortel sonen sin om ferda gjennom dødsriket, der frelsa heng saman med opplevinga «Sol eg såg».
Samlinga til Ørjasæter opnar for eit langt litteraturhistorisk attersyn. Men sjølv har han sagt at det var teosofiens verdsbilete som låg han nærast i tankane då han gav boka form. Uttrykket «den reine samljod» peikar kan henda mot denne læra, som seier at universet har opphavet sitt i ei urkraft, eit udifferensiert kosmisk stoff og ein levande intelligens som all materie og alt liv er uttrykk for og uløyseleg bunde saman med. Fortidskonjunktiven «vøre» (det vil seia ville gjerne ha vore) er uttrykk for ein lengt etter aldri å ha vore noko anna enn restlaus del av ein slik heilskap.
Vigdis Ystad
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Hjå Tore Ørjasæter (1886–1968) kjem striden mellom vilje og lagnad knapt sterkare til uttrykk enn i samlinga Skiringsgangen. Boka skildrar ein mann kuva av depresjon, ufridom og angest, på vandring gjennom eit draumelikt landskap der han møter villdyr og andre mørke makter. Han går over islagde vatn og trengjer gjennom helheim og dødsrike, før han med viljens hjelp sigrar over lagnaden og når fram til «livsens sol og fridom».
Ein slik allegori vekkjer minningar om visjonsdiktinga frå mellomalderen, der levande menneske fortel om opplevingar frå ei anna røynd. Undertittelen «Eit draumkvæde» peikar i same leia. Ørjasæter opnar med at han vil fortelja «draumane mine, / so mange / og lange», slik mellomalderdiktet «Draumkvædet» tek til med at Olav Åsteson vaknar og «tel’e sine draume». I storverket Divina Commedia frå år 1300 skildrar Dante korleis ein vandrar etter å ha gått gjenom helvetet og skiringselden til sist når eit himmelsk tilvære der han møter guddommen i form av eit blendande ljos. Det norrøne «Solarljod» frå 1200-talet kan vel òg kallast eit visjonsdikt, sjølv om hovudpersonen her er ein død mann som fortel sonen sin om ferda gjennom dødsriket, der frelsa heng saman med opplevinga «Sol eg såg».
Samlinga til Ørjasæter opnar for eit langt litteraturhistorisk attersyn. Men sjølv har han sagt at det var teosofiens verdsbilete som låg han nærast i tankane då han gav boka form. Uttrykket «den reine samljod» peikar kan henda mot denne læra, som seier at universet har opphavet sitt i ei urkraft, eit udifferensiert kosmisk stoff og ein levande intelligens som all materie og alt liv er uttrykk for og uløyseleg bunde saman med. Fortidskonjunktiven «vøre» (det vil seia ville gjerne ha vore) er uttrykk for ein lengt etter aldri å ha vore noko anna enn restlaus del av ein slik heilskap.
Vigdis Ystad
Fleire artiklar
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.