Treng du ein god sjekkereplikk til fellesferien? Her har du eit utval produserte (eller stolne) av Alma Ørabiti (51) i Sunnfjord Sjekkemannslag, som tok 49 kroner per stykk:

­– Du er så søt at eg får tannverk.

­– Er du tidsreisande? Eg ser deg i framtida mi.

­– Hei, du kjenner ikkje meg, men det bør vi få retta på.

­– Er du tryllekunstnar? Når eg ser på deg, forsvinn alt anna.

­– Kjenner eg deg …? Beklagar, du liknar på den kommande kjærasten min.

­– Kunne eg fått ein avleggar, så eg kan plante deg heime og få massevis av deg?

­– Viss eg ber om ein date, vil du svare det same som du svarer på dette spørsmålet?

­– Er det ein flyplass i nærleiken, eller var det hjartet mitt som tok av fordi eg såg deg?

­– Du blenda meg. Eg må få namn og telefonnummer, med tanke på forsikringssaka.

­– Trur du på kjærleik ved første blikk? Eller skal eg gå forbi deg éin gong til?

­– Gidd du å ta ein kikk på auga mine? Eg klarer ikkje å få dei bort frå deg.

­– Kan eg ta eit bilde av deg, så eg får vist folk kva eg ønsker meg?

­– Ikkje at du må falle for meg, men kan du snuble litt?

­– Er du kjend her? Eg ser etter vegen til hjartet ditt.

­– Eg har mista jomfrudommen. Kunne eg ha fått din?

­– Har du plaster? Eg fekk sår på knea no når eg fall for deg.

­– Hjelp, kan du hjarte- og lungeredning? Du tok nettopp pusten frå meg.

­– Du er så pen at eg får jernteppe og ikkje kjem på ein einaste sjekkereplikk.

Sjølv prøvde eg ut desse på Tons of Rock no i juni, og dei funka, for eg fekk med meg minst éin mann heim kvar kveld.