KrF må snakka sant
KrF-leiar Knut Arild Hareide møter pressa før han skal i samarbeidssamtalar med regjeringspartia og Venstre.
Foto: Heiko Junge / NTB scanpix
KRF
Kristeleg Folkeparti vil ha aktivt jordbruk over heile landet. Dette skreiv stortingsrepresentant Olaug Bollestad i avisene tidleg i vår. Det var ikkje sant. Ikkje då. Partiet garanterte at Høgre og Frp fekk føra sin politikk i fire år, som dermed var KrF sin jordbrukspolitikk. Den var motsett.
Men no kan det bli sant. Partileiar Hareide seier KrF vil føra sin eigen politikk i Stortinget utan å binda seg til nokon kant. Det skulle vel berre mangla. Slik Stortinget no blir samansett, sit KrF i ønskeposisjon. Partiet kan få gjennom viktige saker det nokså lett kan få fleirtal for, ikkje berre jordbrukspolitikk. Og KrF kan få stoppa mykje av det partiet er imot. Ein slik posisjon har KrF aldri vore i før. Og det kan trengast.
Før stortingsvalet var KrF i den leie stoda SV, Sp og dei sjølv har vore i før. Etter å ha gjort teneste for andre parti ved å gje frå seg eigen politikk og mykje av seg sjølv gjennom fire eller åtte år, har dei kvar sin gong tapt så mykje at dei har nærma seg sperregrensa. Ikkje av at dei har gjort kompromiss, men av å gje andre fullmakt til å føra annan, motsett politikk. At Ap og Høgre tek imot makt dei på denne måten får opp i hendene, kan ein vel ikkje undrast på. Store fleirtalsparti med 45-55 prosent er dei svært langt frå å vera. Med 25-30 prosent av veljarane er dei ikkje anna enn mellomstore.
Det er i strid med det parlamentariske styringssystemet når parti med så liten tilslutnad sit heile periodar og fører sin politikk mot det fleirtalet og den politikken veljarane har sett inn på Stortinget. Det som aldri blir sagt, er at i dette er det svik mot veljarar. Dette sviket tek mange tungt , og er ferdige med partiet for alltid. Det bør partia ta tyngre enn dei har gjort. For ved å svika veljarane på denne måten, svik partia seg sjølv og blir verande små.
Senterpartiet skal vera lukkelege som no, med framgang som kan bli større, ikkje skal til og føra politikk mot seg sjølv og snart møta veggen. Kristeleg Folkeparti kan ta vare på den gylne sjansen partiet har fått. Når Frp lokkar med klimapolitikk, seier det sitt om kor mykje det partiet meiner å tena på å binda KrF til seg.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
KRF
Kristeleg Folkeparti vil ha aktivt jordbruk over heile landet. Dette skreiv stortingsrepresentant Olaug Bollestad i avisene tidleg i vår. Det var ikkje sant. Ikkje då. Partiet garanterte at Høgre og Frp fekk føra sin politikk i fire år, som dermed var KrF sin jordbrukspolitikk. Den var motsett.
Men no kan det bli sant. Partileiar Hareide seier KrF vil føra sin eigen politikk i Stortinget utan å binda seg til nokon kant. Det skulle vel berre mangla. Slik Stortinget no blir samansett, sit KrF i ønskeposisjon. Partiet kan få gjennom viktige saker det nokså lett kan få fleirtal for, ikkje berre jordbrukspolitikk. Og KrF kan få stoppa mykje av det partiet er imot. Ein slik posisjon har KrF aldri vore i før. Og det kan trengast.
Før stortingsvalet var KrF i den leie stoda SV, Sp og dei sjølv har vore i før. Etter å ha gjort teneste for andre parti ved å gje frå seg eigen politikk og mykje av seg sjølv gjennom fire eller åtte år, har dei kvar sin gong tapt så mykje at dei har nærma seg sperregrensa. Ikkje av at dei har gjort kompromiss, men av å gje andre fullmakt til å føra annan, motsett politikk. At Ap og Høgre tek imot makt dei på denne måten får opp i hendene, kan ein vel ikkje undrast på. Store fleirtalsparti med 45-55 prosent er dei svært langt frå å vera. Med 25-30 prosent av veljarane er dei ikkje anna enn mellomstore.
Det er i strid med det parlamentariske styringssystemet når parti med så liten tilslutnad sit heile periodar og fører sin politikk mot det fleirtalet og den politikken veljarane har sett inn på Stortinget. Det som aldri blir sagt, er at i dette er det svik mot veljarar. Dette sviket tek mange tungt , og er ferdige med partiet for alltid. Det bør partia ta tyngre enn dei har gjort. For ved å svika veljarane på denne måten, svik partia seg sjølv og blir verande små.
Senterpartiet skal vera lukkelege som no, med framgang som kan bli større, ikkje skal til og føra politikk mot seg sjølv og snart møta veggen. Kristeleg Folkeparti kan ta vare på den gylne sjansen partiet har fått. Når Frp lokkar med klimapolitikk, seier det sitt om kor mykje det partiet meiner å tena på å binda KrF til seg.
Fleire artiklar
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.
Papiravisa