Personleg maskefjes
Fever Rays andre album er tvitydig fengjande.
Elektronika
Fever Ray:
Plunge
Rabid/Mute
Fever Ray er soloprosjektet til den svenske artisten Karin Dreijer Andersson, òg kjend som den eine halvdelen av The Knife, der ho og broren spelar eksperimentell synthpop bak teatralske masker. Anderssons unike stemme kombinerer Björks raspete vokalakrobatikk med Grimes’ og Yolandi Vissers (frå det sørafrikanske Die Antwoord) frenetiske jenteaktige skrik, og snirklar seg rett som det er gjennom uvanlege, men fengjande melodiske krumspring. Stemmebruken er dynamisk – stundom mjuk, stundom skarp – ofte lagt lagvis i fleire spor og modifisert med elektroniske effektar som kler det elles så elektroniske lydbiletet godt.
Oppstemd
Mange vil kjenne igjen songen «If I Had A Heart» frå debutplata Fever Ray (2009) frå opningssekvensen til TV-serien Vikings: ein mystisk og dunkel, men avslappande og meditativ elektronikalåt med folkemusikkaktige, sjamanistiske barduntonar. Medan hovudvekta på førstealbumet låg på den tilbakehaldne og dystre sida, er førstesingelen på Plunge, «To The Moon And Back Again», ein heller oppstemd affære.
Ambivalent
Men når ein ser musikkvideoen, der menneskekloningseksperiment som ikkje passar inn i binære kjønnskategoriar vraltar rundt og gossar seg med muffins, te, blomar og andre sanselege utskeiingar, blir stemninga i den nærast maniske synthmelodien med eitt meir ambivalent. Og det tvitydige pregar heile plata, der personleg, privat og intim musikk blir framført av ein artist som stadig skjuler seg bak mengder av masker, sminke og ansiktsmåling.
Rasmus Hungnes
Rasmus Hungnes er musikar og fast platemeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronika
Fever Ray:
Plunge
Rabid/Mute
Fever Ray er soloprosjektet til den svenske artisten Karin Dreijer Andersson, òg kjend som den eine halvdelen av The Knife, der ho og broren spelar eksperimentell synthpop bak teatralske masker. Anderssons unike stemme kombinerer Björks raspete vokalakrobatikk med Grimes’ og Yolandi Vissers (frå det sørafrikanske Die Antwoord) frenetiske jenteaktige skrik, og snirklar seg rett som det er gjennom uvanlege, men fengjande melodiske krumspring. Stemmebruken er dynamisk – stundom mjuk, stundom skarp – ofte lagt lagvis i fleire spor og modifisert med elektroniske effektar som kler det elles så elektroniske lydbiletet godt.
Oppstemd
Mange vil kjenne igjen songen «If I Had A Heart» frå debutplata Fever Ray (2009) frå opningssekvensen til TV-serien Vikings: ein mystisk og dunkel, men avslappande og meditativ elektronikalåt med folkemusikkaktige, sjamanistiske barduntonar. Medan hovudvekta på førstealbumet låg på den tilbakehaldne og dystre sida, er førstesingelen på Plunge, «To The Moon And Back Again», ein heller oppstemd affære.
Ambivalent
Men når ein ser musikkvideoen, der menneskekloningseksperiment som ikkje passar inn i binære kjønnskategoriar vraltar rundt og gossar seg med muffins, te, blomar og andre sanselege utskeiingar, blir stemninga i den nærast maniske synthmelodien med eitt meir ambivalent. Og det tvitydige pregar heile plata, der personleg, privat og intim musikk blir framført av ein artist som stadig skjuler seg bak mengder av masker, sminke og ansiktsmåling.
Rasmus Hungnes
Rasmus Hungnes er musikar og fast platemeldar i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?