jazz

Roberto Bonati/Bje:

nor sea

nor land nor salty waves

Parma frontiere PF-CD003

Dette er resultatet av eit samarbeid mellom jazzstudia ved konservatoria i Parma og Stav?anger. Musikken er tinga av Bjergsted Jazz Ensemble (BJE), og komponisten er den italienske bassisten og pedagogen Roberto Bonati.

BJE blei etablert for nokre år sidan som eit regulært storband. Seinare har bandet blitt omdanna til eit prosjektorkester med skiftande besetning. Bandet har jobba med fleire kjende solistar som til dømes John Surman, John Scofield, Bugge Wesseltoft og Elin Rosseland. I fjor var dei med på Rolf Lislevands plate Tourdion. Også på denne plata viser dei at dei er eit studentorkester godt over gjennomsnittet.

Bonati har late seg inspirera av Den eldre Edda og knytt titlane til komposisjonane til «Voluspå» Det er ikkje lett å få auga på samanhengen mellom spådomen til volva og Bonatis musikk, men skriv fint, gjer den godaste Bonati. Han kombinerer på elegant vis amerikansk storbandtradisjon med europeisk kunstmusikk av ulikt opphav. Til tider kan det vera ei Gil Evan’sk nerve i musikken. Andre sekvensar skaper assosiasjonar til europeisk teatermusikk frå mellomkrigstida. Det er noko lagnadstungt mollstemt over musikken. Dei rytmiske sekvensane går i ballade eller medium tempo med unnatak av «Wolfs Age And Bloody End».

Orkesterklangen er rik og stort sett presisa til endå det er nøgda av dei i første del av tittelkuttet. Vokalist Signe Irene Stangborli Time er ein sentral musikar i prosjektet. Heile hennar register blir utfordra, og ho leverer ein imponerande innsats. Dette er ei plate for fleire enn patriotiske siddisar.

Lars Mossefinn

Lars Mossefinn er frilans kultur?arbeidar og fast jazzmeldar i Dag og Tid.