Reiseskildring frå eit framandt univers?
Geir Uthaug gir ei særs innhaldsrik og utfordrande framstilling av eit romantisk kultur- og livssyn som mange, men ikkje forfattaren, trur er utdatert.
«Atalas begravelse» er tittelen på målarstykket til den franske kunstnaren Anne-Louis Girodet frå 1808.
Foto frå boka
Saksprosa
Geir Uthaug:
Romantikkens univers. Kunsten, naturen, mennesket.
Dreyer Forlag
Geir Uthaug er litteraturkritikar, poet og ein mykje feira gjendiktar av engelske romantiske poetar. Dessutan er han forfattar av to store, feira biografiar om to romantiske poetar, William Blake (2000) og Henrik Wergeland (2008). Dette gav han eit statsstipend i 2015, ei statleg investering som no har resultert i ei bok som samlar det meste av kompetansen hans. Den handlar sjølvsagt om romantisk poesi, men òg meir generelt om «kunsten, naturen, mennesket» i heile romantikken, som det står i undertittelen. Ifølge føreordet «er dette første gang romantikken får en egen presentasjon her i landet». Ikkje kronologisk som epoke, «men mer som en idé som ofte overskrider de rent historiske betingelsene.» Boka «rommer et kultursyn, kanskje også et livssyn». Tittelen er treffande: Her vert romantikken framstilt som eit separat univers, ulikt vårt.
Byrj med slutten!
Difor vil eg tilrå at lesaren byrjar med epilogen. Der får vi ei god skildring av korleis romantikken døyr, eller skil lag med universet vårt, og kvifor han no er så framand for oss, med unnatak av for slike som Uthaug, som sjølv tvillaust har dette kultur- og livssynet. Jau, oppløysing av føydalismen og den industrielle, kapitalistiske revolusjonen, med tilhøyrande klassesamfunn og – kan hende meir enn noko anna – den første verdskrigen, har skulda for at vi no «lever i en vanartet tid, som blindt etter vindingen løper», som Alf Larsen seier. Uthaugs von og prosjekt for denne boka er likevel at noko av romantikken kan importerast og integrerast i denne vanarta tida.
Rasjonalismereaksjon
Klokleg nok lager ikkje Uthaug ein enkel definisjon av romantikken. Til det er det for mykje sprik mellom romantikarane sjølve. I staden viser han oss ulike variantar gjennom tema og eksempel henta frå særleg Tyskland og Storbritannia. Men vi kjem ikkje unna eit felles historisk bakteppe som vert framstilt i Del I: Dersom 1600-talet er rasjonalismens hundreår, særleg i Frankrike, med strenge logiske deduksjonar både i dikting og naturvitskap, vert romantikken ein reaksjon der abstrakt individualisme vert konkret og emosjonelt oppsvulma. Descartes’ «Eg tenkjer» vert erstatta av Rousseaus «Eg føler», noko Del II handlar om.
I Del III får vi framstilt korleis dette gjev seg utslag i filosofi, poesi, kunst og arkitektur, der fantasi, som før berre var ein tenar for rasjonalismen, vert gjort til ein påstått genial og inspirert skapande herre som lagar sine eigne lover, like overstrøymande som naturen og Gud sjølv. Del IV handlar om korleis dette fører til ein noko høgspent psykologi med vekt på draum, kjærleik, lengt, melankoli og entusiasme. Og Del V om korleis det fører til konstruksjonar av nostalgisk kvasimellomaldersk mytologi, slik som hos Wagner.
Uthaug går òg gjennom korleis romantikken vert prega av ulike landskap og kulturar i Europa og Amerika, og alle dei typiske natursymbola som blå blomster og stjerner og hav, og ikkje minst dyrkinga av angst og mørke. Heile vegen brukar han særleg poetar som døme – hyppigast, ut frå kor ofte dei vert refererte til i registeret, William Blake, Lord Byron, Coleridge, Goethe (sjølv om han berre delvis er romantikar), Hölderlin, Keats, Novalis, Shelley, Wergeland og Wordsworth. Men òg målarar vert omtalte, og ikkje minst vist i dei mange flotte illustrasjonane, særleg Caspar David Friedrich, Turner og sjølvsagt William Blake. Dessutan ein god del tyske filosofar, som brørne Schlegel, Hegel og Schelling.
Derimot har Uthaug bevisst valt å ikkje koma så mykje inn på romantikkens musikk. Alt kan jo ikkje koma med, og musikk kan ikkje visast i ei bok slik som poesi og målarstykke. Likevel saknar eg fleire referansar til korleis musikken, frå Beethoven, gjennom Schubert, Schumann, Wagner, Mahler og Schönberg, på etterskot speglar romantikkens utvikling.
Poesiens prosa
Uthaug, som gjennom boka maktar å halda styr på eit heilt livs kunnskap og kjærleik til emnet, er likevel òg i stand til å sjå romantikken frå eit realistisk perspektiv. Mot slutten av boka har han eit tiltrengt avsnitt om kva romantikarane levde av. For luft og kjærleik var ikkje nok. Poesien er til slutt avhengig av prosaen. Rett nok var mange av dei rike, eller vart rike: Oehlensläger, Victor Hugo, Lord Byron og Walter Scott. Og Goethe var minister og fekk ein staseleg bustad i Weimar av fyrsten sin. Men mange var lønsslavar med oppgåver langt utanfor romantikkens univers: Coleridge som journalist og sekretær, Wordsworth som postmeister, Robert Burns som tollar og Wergeland som riksarkivar. Mest konsistent var det å døy ung, av tuberkulose eller for eiga hand.
Så i kva mon har dette kultur- og livssynet, som romantikken ifølgje Uthaug er, uavhengig av tid og epoke, nokon plass i universet vårt? Mange meiner ingen. Det estetisk korrekte er at romantikkens venleiksideal no må erstattast av modernismens dyrking av det realistisk stygge: Poetar skal ikkje skrive med enderim. Komponistar skal ikkje laga melodiar, og målarar skal ikkje måla hender. Romantikk er reaksjonært kitsch.
Likevel: Det dukkar stadig opp nyromantikarar, like mykje no som på Hamsuns tid: I dag har vi ei gruppe som kallar seg retrogardistane: Marcus Paus innan musikk, Ulrik Farestad innan poesi og Christopher Robin Rådlund innan målarkunst. For slike må denne boka verta pensumlesing. Vi andre kan gleda oss over ei bok full av innsikt og forteljingar og mykje poesi, for det meste omsett av Uthaug sjølv. Men at kvantefysikken, med si manglande visse, stør ein renessanse for romantikken, slik Uthaug – med referanse til Capras «The Turning Point» – trur, er eg derimot tvilande til.
Arild Pedersen
Arild Pedersen er professor emeritus og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Saksprosa
Geir Uthaug:
Romantikkens univers. Kunsten, naturen, mennesket.
Dreyer Forlag
Geir Uthaug er litteraturkritikar, poet og ein mykje feira gjendiktar av engelske romantiske poetar. Dessutan er han forfattar av to store, feira biografiar om to romantiske poetar, William Blake (2000) og Henrik Wergeland (2008). Dette gav han eit statsstipend i 2015, ei statleg investering som no har resultert i ei bok som samlar det meste av kompetansen hans. Den handlar sjølvsagt om romantisk poesi, men òg meir generelt om «kunsten, naturen, mennesket» i heile romantikken, som det står i undertittelen. Ifølge føreordet «er dette første gang romantikken får en egen presentasjon her i landet». Ikkje kronologisk som epoke, «men mer som en idé som ofte overskrider de rent historiske betingelsene.» Boka «rommer et kultursyn, kanskje også et livssyn». Tittelen er treffande: Her vert romantikken framstilt som eit separat univers, ulikt vårt.
Byrj med slutten!
Difor vil eg tilrå at lesaren byrjar med epilogen. Der får vi ei god skildring av korleis romantikken døyr, eller skil lag med universet vårt, og kvifor han no er så framand for oss, med unnatak av for slike som Uthaug, som sjølv tvillaust har dette kultur- og livssynet. Jau, oppløysing av føydalismen og den industrielle, kapitalistiske revolusjonen, med tilhøyrande klassesamfunn og – kan hende meir enn noko anna – den første verdskrigen, har skulda for at vi no «lever i en vanartet tid, som blindt etter vindingen løper», som Alf Larsen seier. Uthaugs von og prosjekt for denne boka er likevel at noko av romantikken kan importerast og integrerast i denne vanarta tida.
Rasjonalismereaksjon
Klokleg nok lager ikkje Uthaug ein enkel definisjon av romantikken. Til det er det for mykje sprik mellom romantikarane sjølve. I staden viser han oss ulike variantar gjennom tema og eksempel henta frå særleg Tyskland og Storbritannia. Men vi kjem ikkje unna eit felles historisk bakteppe som vert framstilt i Del I: Dersom 1600-talet er rasjonalismens hundreår, særleg i Frankrike, med strenge logiske deduksjonar både i dikting og naturvitskap, vert romantikken ein reaksjon der abstrakt individualisme vert konkret og emosjonelt oppsvulma. Descartes’ «Eg tenkjer» vert erstatta av Rousseaus «Eg føler», noko Del II handlar om.
I Del III får vi framstilt korleis dette gjev seg utslag i filosofi, poesi, kunst og arkitektur, der fantasi, som før berre var ein tenar for rasjonalismen, vert gjort til ein påstått genial og inspirert skapande herre som lagar sine eigne lover, like overstrøymande som naturen og Gud sjølv. Del IV handlar om korleis dette fører til ein noko høgspent psykologi med vekt på draum, kjærleik, lengt, melankoli og entusiasme. Og Del V om korleis det fører til konstruksjonar av nostalgisk kvasimellomaldersk mytologi, slik som hos Wagner.
Uthaug går òg gjennom korleis romantikken vert prega av ulike landskap og kulturar i Europa og Amerika, og alle dei typiske natursymbola som blå blomster og stjerner og hav, og ikkje minst dyrkinga av angst og mørke. Heile vegen brukar han særleg poetar som døme – hyppigast, ut frå kor ofte dei vert refererte til i registeret, William Blake, Lord Byron, Coleridge, Goethe (sjølv om han berre delvis er romantikar), Hölderlin, Keats, Novalis, Shelley, Wergeland og Wordsworth. Men òg målarar vert omtalte, og ikkje minst vist i dei mange flotte illustrasjonane, særleg Caspar David Friedrich, Turner og sjølvsagt William Blake. Dessutan ein god del tyske filosofar, som brørne Schlegel, Hegel og Schelling.
Derimot har Uthaug bevisst valt å ikkje koma så mykje inn på romantikkens musikk. Alt kan jo ikkje koma med, og musikk kan ikkje visast i ei bok slik som poesi og målarstykke. Likevel saknar eg fleire referansar til korleis musikken, frå Beethoven, gjennom Schubert, Schumann, Wagner, Mahler og Schönberg, på etterskot speglar romantikkens utvikling.
Poesiens prosa
Uthaug, som gjennom boka maktar å halda styr på eit heilt livs kunnskap og kjærleik til emnet, er likevel òg i stand til å sjå romantikken frå eit realistisk perspektiv. Mot slutten av boka har han eit tiltrengt avsnitt om kva romantikarane levde av. For luft og kjærleik var ikkje nok. Poesien er til slutt avhengig av prosaen. Rett nok var mange av dei rike, eller vart rike: Oehlensläger, Victor Hugo, Lord Byron og Walter Scott. Og Goethe var minister og fekk ein staseleg bustad i Weimar av fyrsten sin. Men mange var lønsslavar med oppgåver langt utanfor romantikkens univers: Coleridge som journalist og sekretær, Wordsworth som postmeister, Robert Burns som tollar og Wergeland som riksarkivar. Mest konsistent var det å døy ung, av tuberkulose eller for eiga hand.
Så i kva mon har dette kultur- og livssynet, som romantikken ifølgje Uthaug er, uavhengig av tid og epoke, nokon plass i universet vårt? Mange meiner ingen. Det estetisk korrekte er at romantikkens venleiksideal no må erstattast av modernismens dyrking av det realistisk stygge: Poetar skal ikkje skrive med enderim. Komponistar skal ikkje laga melodiar, og målarar skal ikkje måla hender. Romantikk er reaksjonært kitsch.
Likevel: Det dukkar stadig opp nyromantikarar, like mykje no som på Hamsuns tid: I dag har vi ei gruppe som kallar seg retrogardistane: Marcus Paus innan musikk, Ulrik Farestad innan poesi og Christopher Robin Rådlund innan målarkunst. For slike må denne boka verta pensumlesing. Vi andre kan gleda oss over ei bok full av innsikt og forteljingar og mykje poesi, for det meste omsett av Uthaug sjølv. Men at kvantefysikken, med si manglande visse, stør ein renessanse for romantikken, slik Uthaug – med referanse til Capras «The Turning Point» – trur, er eg derimot tvilande til.
Arild Pedersen
Arild Pedersen er professor emeritus og fast skribent i Dag og Tid.
Vi kan gleda oss over ei bok full av innsikt og forteljingar og mykje poesi.
Fleire artiklar
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.