Er det ein thriller? Ein dystopi? Ein allegori? Nei, det er Supermann.
Roman
Didrik Morits
Hallstrøm:
Lysår
Cappelen Damm
Ingen kan skulde Didrik Morits Hallstrøm for å gjenta seg sjølv. Han har skrive tre romanar, alle fundamentalt ulike kvarandre: Du er ikke død før jeg slutter å elske deg er ein mørk kjærleiksroman frå Oslo. Krø er ein gotisk grøssar frå ei forblåst øy på Vestlandet. Årets roman, Lysår, er ein science fiction-roman frå romskipet Vita.
Smertefulle minne
Solstormane på jorda har auka og ete opp ozonlaget. Planeten er ueigna for busetnad. Vi møter hovudpersonen «Norge», som er ein av dei utvalde til å reise med romskipet Vita for å redde menneska. Det tar 319 år å kome til neste planet der folk kan bu, og kvar av passasjerane (England, Tyskland, Sverige, Ukraina etc.) har vakt i eitt år, åleine, før dei går tilbake til kryosvevnen. Norge har seks veker att av vakta då han kjem over noko som endrar tilværet hans fundamentalt. Mannskapet har nemleg vore gjennom ein «selektiv minnedestruksjon», dette fordi det vil vere for smertefullt for dei å hugse for mykje frå tida på jorda. Norge får ureglementert tilgang på minnet sitt, og herifrå får òg lesaren innblikk i tida på jorda då Norge hadde eit namn, eit hus, ei dotter og ei historie, medan solstormane gjorde det jamt vanskelegare for dei å overleve.
Hud eller havregrøt
Det er ei urovekkande historie. Ikkje berre fordi det er grunn til å vere engsteleg om planeten vår blir ei einaste stor fråflyttingsgrend. Historia vekker uro ved å framheve det vi kanskje er mest redd for: å vere åleine, isolerte. Det er fint å vere med på å redde menneskeætta, men korleis klarer ein å halde motivasjonen oppe gjennom eit år, når dei andre i nærleiken berre søv? Det er klart at det hjelper å stenge av minnet. Men ingen autoritet eller teknologi kan stenge av for lengten: «Jeg presser en uåpnet pose med varm havregrøt mot pannen. Tenker at posen ikke er en frokostrasjon, men noens hud.»
Noko liknande skjer på jorda: Ettersom tilhøva blir verre, blir menneska meir isolerte og meir vaktande over ressursane som er deira. Til sist rår berre tunellsyn; ei farleg einsemd.
Trådane kutta
Lysår er ein pussig roman i si blanding av sjangertruskap (til sci-fi-klisjear) og originalitet, men samstundes ber han på mykje overføringsverdi. Ein kan lese boka som ein dystopi eller ein thriller, men ein kan òg feste seg ved kva denne avsondringa kan peike mot. Å ikkje vere i kontakt med sitt eige minne. Å kjenne at det sosiale livet glepp meir og meir, flyt unna. Eg skal ikkje overtolke, men det lar seg faktisk gjere å lese romanen som ei forteljing om depresjon, om alzheimer, om andre tilstander der tilknytinga til omverda gradvis blir kutta. Særleg når dei to verdene mot slutten blir vovne saman for hovudpersonen, og det blir uklårt for han kva som er kva.
Eg ser ikkje poenget med å bestemme meg for kva romanen «handlar om». Eg likar at eg etter enda lesing går og grunnar over kva han seier meg, og så kjem på fleire ting. Og at eg ikkje sluttar å tenkje over dette på fleire dagar.
Ingvild Bræin
Ingvild Bræin er litteraturvitar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Didrik Morits
Hallstrøm:
Lysår
Cappelen Damm
Ingen kan skulde Didrik Morits Hallstrøm for å gjenta seg sjølv. Han har skrive tre romanar, alle fundamentalt ulike kvarandre: Du er ikke død før jeg slutter å elske deg er ein mørk kjærleiksroman frå Oslo. Krø er ein gotisk grøssar frå ei forblåst øy på Vestlandet. Årets roman, Lysår, er ein science fiction-roman frå romskipet Vita.
Smertefulle minne
Solstormane på jorda har auka og ete opp ozonlaget. Planeten er ueigna for busetnad. Vi møter hovudpersonen «Norge», som er ein av dei utvalde til å reise med romskipet Vita for å redde menneska. Det tar 319 år å kome til neste planet der folk kan bu, og kvar av passasjerane (England, Tyskland, Sverige, Ukraina etc.) har vakt i eitt år, åleine, før dei går tilbake til kryosvevnen. Norge har seks veker att av vakta då han kjem over noko som endrar tilværet hans fundamentalt. Mannskapet har nemleg vore gjennom ein «selektiv minnedestruksjon», dette fordi det vil vere for smertefullt for dei å hugse for mykje frå tida på jorda. Norge får ureglementert tilgang på minnet sitt, og herifrå får òg lesaren innblikk i tida på jorda då Norge hadde eit namn, eit hus, ei dotter og ei historie, medan solstormane gjorde det jamt vanskelegare for dei å overleve.
Hud eller havregrøt
Det er ei urovekkande historie. Ikkje berre fordi det er grunn til å vere engsteleg om planeten vår blir ei einaste stor fråflyttingsgrend. Historia vekker uro ved å framheve det vi kanskje er mest redd for: å vere åleine, isolerte. Det er fint å vere med på å redde menneskeætta, men korleis klarer ein å halde motivasjonen oppe gjennom eit år, når dei andre i nærleiken berre søv? Det er klart at det hjelper å stenge av minnet. Men ingen autoritet eller teknologi kan stenge av for lengten: «Jeg presser en uåpnet pose med varm havregrøt mot pannen. Tenker at posen ikke er en frokostrasjon, men noens hud.»
Noko liknande skjer på jorda: Ettersom tilhøva blir verre, blir menneska meir isolerte og meir vaktande over ressursane som er deira. Til sist rår berre tunellsyn; ei farleg einsemd.
Trådane kutta
Lysår er ein pussig roman i si blanding av sjangertruskap (til sci-fi-klisjear) og originalitet, men samstundes ber han på mykje overføringsverdi. Ein kan lese boka som ein dystopi eller ein thriller, men ein kan òg feste seg ved kva denne avsondringa kan peike mot. Å ikkje vere i kontakt med sitt eige minne. Å kjenne at det sosiale livet glepp meir og meir, flyt unna. Eg skal ikkje overtolke, men det lar seg faktisk gjere å lese romanen som ei forteljing om depresjon, om alzheimer, om andre tilstander der tilknytinga til omverda gradvis blir kutta. Særleg når dei to verdene mot slutten blir vovne saman for hovudpersonen, og det blir uklårt for han kva som er kva.
Eg ser ikkje poenget med å bestemme meg for kva romanen «handlar om». Eg likar at eg etter enda lesing går og grunnar over kva han seier meg, og så kjem på fleire ting. Og at eg ikkje sluttar å tenkje over dette på fleire dagar.
Ingvild Bræin
Ingvild Bræin er litteraturvitar og fast bokmeldar i Dag og Tid.
Lysår er ein pussig roman i si blanding av sjangertruskap og originalitet, men samstundes ber han på mykje overføringsverdi.
Fleire artiklar
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.