Om produsentane meinte alvor med å vilje lage ein sunnare prim, kunne dei lage ein med mindre sukker.
Blabøa
Kvifor er born glade i prim? Av di det er søtt. Kvifor er det mange som ikkje vil gje borna sine prim? Sjølvsagt òg av di det er søtt.
Det ligg genetisk vilkårsbunde i oss å like søte smakar. Legg du ein bitter smak på tunga til ein nyfødd baby, vil tunga automatisk krølle seg nedover. Gjer du det same med ein søt smak, til dømes ein prikk prim, krøller tunga seg oppover – og inn, i munnen, der spyttet løyser opp den mjuke, brune, karamelliserte mjølka og spreier ho utover i munnhola, bakover mot ganen og ned i fordøyingssystemet.
Vi har nok ete prim i Noreg så lenge vi har ysta. Han vert koka på mysa, restane som er att etter at kvitosten er teken ut: mykje laktose (mjølkesukker), feitt, litt myseprotein og ein heil del vitamin og mineral. Prim kjem både fyrst ved at ein har prim etter om lag halve koketida av brunost. Men Prim kom òg ofte sist, gjennom at tørre, harde brunostskalkar gjerne vart koka opp i litt mjølk og smelta – til prim.
Søtt i seg sjølv
Slik kan du lage prim sjølv om du vil, til dømes ved å leggje dei irriterande skalkane som brunosthøvlen ikkje greier å høvle, i frysen, og koke dei opp når samlinga har vorte høveleg stor. Då treng du ikkje setje til så mykje som eit gram sukker. Men har du ikkje, eller vil du ikkje ha, høve til det, finst det elles fleire variantar å velje mellom i butikken.
For prim er altså temmeleg søtt i seg sjølv. Likevel set både Synnøve Finden og Tine til ekstra sukker i alle primvariantane sine. Dei har to kvar: Synnøve Finden lagar Original og Herkules, Tine Original og Mager.
Tine gjev opp innhaldet av tilsett sukker i sine to – 9 prosent. Det gjer ikkje Synnøve, men ser vi på karbohydratinnhaldet i næringsinnhaldet, nyttar dei nok meir: 54 prosent sukkerarter mot Tines 42.
Herkules er tydeleg retta inn mot born: Her er det både blå superheltar og rosa flygande hestar på pakningen. Skal ein så skryte over at dei i det minste ikkje tvingar foreldra til å kjøpe ein pakke for kvart born, eller kjefte på dei for 1) å drive marknadsføring mot born (per definisjon ulovleg) og 2) å leggje seg flat for kjønnsstereotypiar?
Magre manglar
Eg lèt det vere opp til dykk. Det som derimot er verdt å merke seg med Herkules, er at han er ein mager variant. 5,5 prosent feitt er litt meir enn Tines magre utgåve. Slik prøver produsentane å gjere primen sunnare. Men er det mindre feitt born treng? Eller er det mindre sukker? Fleire vitamin er feittløyselege, og det er dobbelt så mykje vitamin A i Original som Mager prim.
Ein annan konsekvens vi kan lese ut av innhaldslistene, er at det er i feittet smaken sit: Mager prim treng tilsett aroma for å smake nok prim, medan Tine ved alle høve ikkje treng det i originalutgåva si. Når Synnøve vel å setje til aroma òg i fullfeittutgåva si, er han kanskje ikkje så original lenger?
Så, titusenkronersspørsmålet: Bør born ete prim? Er det for søtt? Det er om lag like mykje sukker i prim som i skulebollar. Men så er det òg ganske mange sunne ting – som kalsium og jern og jod og slikt. Og så heng primen ofte fast på ei skive. Det tyder for det fyrste at det ikkje er så mykje av han per kalori borna et – og for det andre heng han, altså, fast. I motsetning til ei skive brunost, til dømes, er det vanskelegare å ete primen av skiva.
Kanskje handlar det, som så ofte elles, om mengder. Det finst sunnare pålegg enn prim, men det finst verre òg. Til dømes mager prim. Gje borna feitt før colaen, sjokoladen og skulebollane tek dei.
Kjøper eg Herkules prim frå Synnøve? Nei takk, eg feitar opp småfolket med Original prim frå Tine.
Siri Helle
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kvifor er born glade i prim? Av di det er søtt. Kvifor er det mange som ikkje vil gje borna sine prim? Sjølvsagt òg av di det er søtt.
Det ligg genetisk vilkårsbunde i oss å like søte smakar. Legg du ein bitter smak på tunga til ein nyfødd baby, vil tunga automatisk krølle seg nedover. Gjer du det same med ein søt smak, til dømes ein prikk prim, krøller tunga seg oppover – og inn, i munnen, der spyttet løyser opp den mjuke, brune, karamelliserte mjølka og spreier ho utover i munnhola, bakover mot ganen og ned i fordøyingssystemet.
Vi har nok ete prim i Noreg så lenge vi har ysta. Han vert koka på mysa, restane som er att etter at kvitosten er teken ut: mykje laktose (mjølkesukker), feitt, litt myseprotein og ein heil del vitamin og mineral. Prim kjem både fyrst ved at ein har prim etter om lag halve koketida av brunost. Men Prim kom òg ofte sist, gjennom at tørre, harde brunostskalkar gjerne vart koka opp i litt mjølk og smelta – til prim.
Søtt i seg sjølv
Slik kan du lage prim sjølv om du vil, til dømes ved å leggje dei irriterande skalkane som brunosthøvlen ikkje greier å høvle, i frysen, og koke dei opp når samlinga har vorte høveleg stor. Då treng du ikkje setje til så mykje som eit gram sukker. Men har du ikkje, eller vil du ikkje ha, høve til det, finst det elles fleire variantar å velje mellom i butikken.
For prim er altså temmeleg søtt i seg sjølv. Likevel set både Synnøve Finden og Tine til ekstra sukker i alle primvariantane sine. Dei har to kvar: Synnøve Finden lagar Original og Herkules, Tine Original og Mager.
Tine gjev opp innhaldet av tilsett sukker i sine to – 9 prosent. Det gjer ikkje Synnøve, men ser vi på karbohydratinnhaldet i næringsinnhaldet, nyttar dei nok meir: 54 prosent sukkerarter mot Tines 42.
Herkules er tydeleg retta inn mot born: Her er det både blå superheltar og rosa flygande hestar på pakningen. Skal ein så skryte over at dei i det minste ikkje tvingar foreldra til å kjøpe ein pakke for kvart born, eller kjefte på dei for 1) å drive marknadsføring mot born (per definisjon ulovleg) og 2) å leggje seg flat for kjønnsstereotypiar?
Magre manglar
Eg lèt det vere opp til dykk. Det som derimot er verdt å merke seg med Herkules, er at han er ein mager variant. 5,5 prosent feitt er litt meir enn Tines magre utgåve. Slik prøver produsentane å gjere primen sunnare. Men er det mindre feitt born treng? Eller er det mindre sukker? Fleire vitamin er feittløyselege, og det er dobbelt så mykje vitamin A i Original som Mager prim.
Ein annan konsekvens vi kan lese ut av innhaldslistene, er at det er i feittet smaken sit: Mager prim treng tilsett aroma for å smake nok prim, medan Tine ved alle høve ikkje treng det i originalutgåva si. Når Synnøve vel å setje til aroma òg i fullfeittutgåva si, er han kanskje ikkje så original lenger?
Så, titusenkronersspørsmålet: Bør born ete prim? Er det for søtt? Det er om lag like mykje sukker i prim som i skulebollar. Men så er det òg ganske mange sunne ting – som kalsium og jern og jod og slikt. Og så heng primen ofte fast på ei skive. Det tyder for det fyrste at det ikkje er så mykje av han per kalori borna et – og for det andre heng han, altså, fast. I motsetning til ei skive brunost, til dømes, er det vanskelegare å ete primen av skiva.
Kanskje handlar det, som så ofte elles, om mengder. Det finst sunnare pålegg enn prim, men det finst verre òg. Til dømes mager prim. Gje borna feitt før colaen, sjokoladen og skulebollane tek dei.
Kjøper eg Herkules prim frå Synnøve? Nei takk, eg feitar opp småfolket med Original prim frå Tine.
Siri Helle
Det er i feittet
smaken sit.
Fleire artiklar
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.