Spanande klangunivers
I Like to Sleep har laga ei mangfaldig plate.
Nicolas Leirtrø, Øyvind Leite og Amund Storløkken Åse utgjer trioen med namnet I Like to Sleep.
Foto: Sigrid Erdal
Rock / jazz
I Like to Sleep:
Bedmonster’s Groove
Amund Storløkken Åse, vibrafon, mellotron, Oberheim OB8 og perkusjon; Nicolas Leirtrø, barytongitar, bass og perkusjon; Øyvind Leite, trommer. All Good Clean Records
Den trondheimsbaserte trioen har halde på i mest ti år, og Bedmonster’s Groove er det fjerde albumet deira. Dei sju låtane har dei laga i fellesskap. Materialet spenner frå den korte og stramt arrangerte låten med den presise tittelen «Sleepwalking» og den todelte «Oldschool», innleiingsvis med ein markant trommegroove sett opp mot eit saktmodig tema spelt på vibrafon, til dei meir samansette «Bedmonster’s Groove» med plenty rom for improvisasjon og den ganske så frie «Ode to Paralysis». Improvisasjon og utforsking av klangar står i sentrum i låten «Pillowscreamers».
Trioen har jobba repertoaret fram i mange og lange økter i øvingslokalet på Nyhavna. Klangpaletten er utvikla og utvida og blir brukt med solid formsans. Aksen mellom trommer og vibrafon er sentral i uttrykket til trioen, der Leirtrø syter for eit solid fundament for dialogen mellom Åse og Leite. Dette manifesterer seg til perfeksjon på platas absolutte høgdepunkt: «Our Neighbourhood».
Plata er innspelt i Øra studio av Kyrre Laastad. Han har også miksa. I Laastad har Noreg fått ein lydteknikar og produsent i internasjonal klasse. Her er han på sitt aller beste. Her blir trøkk og intensitet kombinert med eit krystallklart lydbilete. Det er heller ikkje feil at Helge Sten har mastra plata.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock / jazz
I Like to Sleep:
Bedmonster’s Groove
Amund Storløkken Åse, vibrafon, mellotron, Oberheim OB8 og perkusjon; Nicolas Leirtrø, barytongitar, bass og perkusjon; Øyvind Leite, trommer. All Good Clean Records
Den trondheimsbaserte trioen har halde på i mest ti år, og Bedmonster’s Groove er det fjerde albumet deira. Dei sju låtane har dei laga i fellesskap. Materialet spenner frå den korte og stramt arrangerte låten med den presise tittelen «Sleepwalking» og den todelte «Oldschool», innleiingsvis med ein markant trommegroove sett opp mot eit saktmodig tema spelt på vibrafon, til dei meir samansette «Bedmonster’s Groove» med plenty rom for improvisasjon og den ganske så frie «Ode to Paralysis». Improvisasjon og utforsking av klangar står i sentrum i låten «Pillowscreamers».
Trioen har jobba repertoaret fram i mange og lange økter i øvingslokalet på Nyhavna. Klangpaletten er utvikla og utvida og blir brukt med solid formsans. Aksen mellom trommer og vibrafon er sentral i uttrykket til trioen, der Leirtrø syter for eit solid fundament for dialogen mellom Åse og Leite. Dette manifesterer seg til perfeksjon på platas absolutte høgdepunkt: «Our Neighbourhood».
Plata er innspelt i Øra studio av Kyrre Laastad. Han har også miksa. I Laastad har Noreg fått ein lydteknikar og produsent i internasjonal klasse. Her er han på sitt aller beste. Her blir trøkk og intensitet kombinert med eit krystallklart lydbilete. Det er heller ikkje feil at Helge Sten har mastra plata.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?