Andronik, alias Ranik
Ranik Halle (1905-1987).
Om du har spela litt bridge, er det god sjanse for at du har kome borti «Halles 2 kløver». Det tyder at ein opnar med meldinga 2 kløver for å vise særs sterke kort. Om du no er eit spørjeteikn, ta det heilt med ro: Den fyrste gongen ein motspelar spurde meg om eg brukte Halles 2 kløver, var eg like blank. Halve kva, sa du?
Om Ranik Halle verkeleg var den fyrste som kom på å bruke 2 kløver såleis, er nok – som mykje anna i bridgesoga – innhylla i eit slør av sigarettrøyk og gløymsle. Men meldeprinsippet lever enno, også internasjonalt, om enn under anna namn.
Andronik Saradscheff heitte han eigentleg, fødd i 1905 i Baku i dagens Aserbajdsjan. Faren, ein av dei fyrste oljebrannsløkkjarane i verda, døydde i ein eksplosjon. Ein ven, den norske forretningsmannen Halfdan Halle, overtok kona og adopterte sonen, som såleis hamna i Noreg og fekk namnet Ranik. Han vart pressemann med mangfaldig karriere, svoren antikommunist og profilert Høgre-mann, men trekte seg til slutt frå partiet etter usemje med ein viss Kåre Willoch. Det faktum at Halle i 1933 lansere Hitler og Mussolini som kandidatar til Nobels fredspris, får ein sjå litt gjennom fingrane med, så god som han var i bridge. Han vann tevlingar og skreiv bridgebøker.
I Norsk biografisk leksikon kjem den saftigaste infoen heilt på tampen. Halle måtte leggje bort sigarettane av omsyn til lungene, men takk vera smugrøyking vart han kjend med hagen sin. Han likte ikkje frisk luft og var livredd for kvefs, som han kalla «verdas farlegaste rovdyr» i ein artikkel VG visstnok slo opp på framsida – denne har eg diverre ikkje greidd å finne. Mosjon avskydde han. Då han fekk ein sykkel i gåve, trilla han denne ned til kontoret og lét han stå der – heim att var det for mange bakkar.
Halle døydde av kreft i 1987. Noregs mest glamorøse bridgejournalistpris er kalla opp etter han.
Erlend Skjetne
Erlend Skjetne er tidlegare juniorlandslagsspelar i bridge.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Om du har spela litt bridge, er det god sjanse for at du har kome borti «Halles 2 kløver». Det tyder at ein opnar med meldinga 2 kløver for å vise særs sterke kort. Om du no er eit spørjeteikn, ta det heilt med ro: Den fyrste gongen ein motspelar spurde meg om eg brukte Halles 2 kløver, var eg like blank. Halve kva, sa du?
Om Ranik Halle verkeleg var den fyrste som kom på å bruke 2 kløver såleis, er nok – som mykje anna i bridgesoga – innhylla i eit slør av sigarettrøyk og gløymsle. Men meldeprinsippet lever enno, også internasjonalt, om enn under anna namn.
Andronik Saradscheff heitte han eigentleg, fødd i 1905 i Baku i dagens Aserbajdsjan. Faren, ein av dei fyrste oljebrannsløkkjarane i verda, døydde i ein eksplosjon. Ein ven, den norske forretningsmannen Halfdan Halle, overtok kona og adopterte sonen, som såleis hamna i Noreg og fekk namnet Ranik. Han vart pressemann med mangfaldig karriere, svoren antikommunist og profilert Høgre-mann, men trekte seg til slutt frå partiet etter usemje med ein viss Kåre Willoch. Det faktum at Halle i 1933 lansere Hitler og Mussolini som kandidatar til Nobels fredspris, får ein sjå litt gjennom fingrane med, så god som han var i bridge. Han vann tevlingar og skreiv bridgebøker.
I Norsk biografisk leksikon kjem den saftigaste infoen heilt på tampen. Halle måtte leggje bort sigarettane av omsyn til lungene, men takk vera smugrøyking vart han kjend med hagen sin. Han likte ikkje frisk luft og var livredd for kvefs, som han kalla «verdas farlegaste rovdyr» i ein artikkel VG visstnok slo opp på framsida – denne har eg diverre ikkje greidd å finne. Mosjon avskydde han. Då han fekk ein sykkel i gåve, trilla han denne ned til kontoret og lét han stå der – heim att var det for mange bakkar.
Halle døydde av kreft i 1987. Noregs mest glamorøse bridgejournalistpris er kalla opp etter han.
Erlend Skjetne
Erlend Skjetne er tidlegare juniorlandslagsspelar i bridge.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?