Regn
Eg stod på attlega og atterleta på om glaset var attlate då eg forlèt huset. Regnet hadde halde meg med selskap heile ferien, og gjesten viste ingen teikn til å vilje bryte opp. Difor uroa eg meg over dette glaset som kan hende stod ope.
Då eg tok sjansen på å gå ein tur i skogen, var det nemleg opplett, men det var visst for mykje forlangt at det skulle vare meir enn eit par timar, for no kom det kastande på meg att, dette regnet.
At det kan vere surt og kaldt, grått og vått i juli er inga overrasking for ein sunnmøring på heimebane. Men at det skulle vere så gjennomført vått som i sommar, gjekk ut over humøret til dei fleste, ikkje minst jordbærbønder og andre bønder som risikerte å måtte ta opp tonnevis med gulrøter med handemakt, sidan åkrane vart for blaute for tunge maskiner.
Regnet kom i alle variantar: duskregn og yr, silregn og byer. Vi fekk til og med servert noko som likna stygt på ein hauststorm: ausregn og vind som sende dropane vassrett inn i glasa.
Då eg søkte ly under takskjegget på ei vêrsliten utløe i utkanten av attlega, vart eg ståande og studere dropane som følgde nevra på taket før dei måtte gje slepp og hamna i graset. Det fekk meg til å tenkje på Sigbjørn Obstfelders dikt som eg likte så godt som barn, eit dikt som kan få ein til å bli glad i regnet, ikkje minst på grunn av drypande driv, rytme og rim:
Regn
(Impromptu)
En er en, og to er to –
vi hopper i vand,
vi triller i sand.
Zik zak,
vi drypper på tag,
tik tak,
det regner idag.
Regn, regn, regn, regn,
øsende regn,
pøsende regn,
regn, regn, regn, regn,
deilig og vådt,
deilig og råt!
En er en, og to er to –
vi hopper i vand,
vi triller i sand.
Zik zak,
vi drypper på tak,
tik tak,
det regner idag.
Glaset var ope. Eg trong ikkje vatne blomane.
Tiriltunga
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eg stod på attlega og atterleta på om glaset var attlate då eg forlèt huset. Regnet hadde halde meg med selskap heile ferien, og gjesten viste ingen teikn til å vilje bryte opp. Difor uroa eg meg over dette glaset som kan hende stod ope.
Då eg tok sjansen på å gå ein tur i skogen, var det nemleg opplett, men det var visst for mykje forlangt at det skulle vare meir enn eit par timar, for no kom det kastande på meg att, dette regnet.
At det kan vere surt og kaldt, grått og vått i juli er inga overrasking for ein sunnmøring på heimebane. Men at det skulle vere så gjennomført vått som i sommar, gjekk ut over humøret til dei fleste, ikkje minst jordbærbønder og andre bønder som risikerte å måtte ta opp tonnevis med gulrøter med handemakt, sidan åkrane vart for blaute for tunge maskiner.
Regnet kom i alle variantar: duskregn og yr, silregn og byer. Vi fekk til og med servert noko som likna stygt på ein hauststorm: ausregn og vind som sende dropane vassrett inn i glasa.
Då eg søkte ly under takskjegget på ei vêrsliten utløe i utkanten av attlega, vart eg ståande og studere dropane som følgde nevra på taket før dei måtte gje slepp og hamna i graset. Det fekk meg til å tenkje på Sigbjørn Obstfelders dikt som eg likte så godt som barn, eit dikt som kan få ein til å bli glad i regnet, ikkje minst på grunn av drypande driv, rytme og rim:
Regn
(Impromptu)
En er en, og to er to –
vi hopper i vand,
vi triller i sand.
Zik zak,
vi drypper på tag,
tik tak,
det regner idag.
Regn, regn, regn, regn,
øsende regn,
pøsende regn,
regn, regn, regn, regn,
deilig og vådt,
deilig og råt!
En er en, og to er to –
vi hopper i vand,
vi triller i sand.
Zik zak,
vi drypper på tak,
tik tak,
det regner idag.
Glaset var ope. Eg trong ikkje vatne blomane.
Tiriltunga
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.