Orkesteret Storløkken
100 prosent sjølvgjort og 100 prosent velgjort.
Samtidsmusikk
Ståle Storløkken:
The Haze of Sleeplessness
Ståle Storløkken, synthesizerar, mellotron, Hammond orgel, Fender Rhodes, Eminent310 orgel, cymbalar, saron og vokal. Hubro HUBROCD2616
Ståle Storløkken er trollmannen med tangentane som ein sjeldan eller aldri finn i orkesterleiarrolla, men som alltid blir lagt merke til – ikkje fordi han tek så mykje plass, men fordi han alltid gjer dei rette tinga.
Her er det 100 prosent Storløkken. Han har komponert dei sju stykka som utgjer suiten The Haze of Sleeplessness. Han spelar alle instrumenta, og han har like godt produsert plata. Det siste gjorde han fordi mikseprosessen betyr mykje for det musikalske sluttproduktet, men også fordi dette var god trening.
Orkestralt
Få, om nokon, har kome nærare salige Joe Zawinul i å finna kjemien mellom dei ulike instrumenta i arsenalet av analoge synthesizerar enn nettopp Storløkken. Det handlar bokstaveleg tala om å trykka på dei rette knappane – til rett tid. Det er varemerket til Storløkken. Her gjer han det i ei utprega orkestral form. Han bind delane saman med klanglege verkemiddel, og det heile flyt saman til éi stor forteljing.
Destillert vemod
Det er heilskapen det handlar om. Delane går saumlaust over i kvarandre, men det er uråd å melda plata utan å nemna «Stranded at Red Ice Desert. Remember Your Loved Ones». Her syner Storløkken kva poetisk kraft som bur i dette instrumentariet. Destillert vemod, rett og slett!
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Samtidsmusikk
Ståle Storløkken:
The Haze of Sleeplessness
Ståle Storløkken, synthesizerar, mellotron, Hammond orgel, Fender Rhodes, Eminent310 orgel, cymbalar, saron og vokal. Hubro HUBROCD2616
Ståle Storløkken er trollmannen med tangentane som ein sjeldan eller aldri finn i orkesterleiarrolla, men som alltid blir lagt merke til – ikkje fordi han tek så mykje plass, men fordi han alltid gjer dei rette tinga.
Her er det 100 prosent Storløkken. Han har komponert dei sju stykka som utgjer suiten The Haze of Sleeplessness. Han spelar alle instrumenta, og han har like godt produsert plata. Det siste gjorde han fordi mikseprosessen betyr mykje for det musikalske sluttproduktet, men også fordi dette var god trening.
Orkestralt
Få, om nokon, har kome nærare salige Joe Zawinul i å finna kjemien mellom dei ulike instrumenta i arsenalet av analoge synthesizerar enn nettopp Storløkken. Det handlar bokstaveleg tala om å trykka på dei rette knappane – til rett tid. Det er varemerket til Storløkken. Her gjer han det i ei utprega orkestral form. Han bind delane saman med klanglege verkemiddel, og det heile flyt saman til éi stor forteljing.
Destillert vemod
Det er heilskapen det handlar om. Delane går saumlaust over i kvarandre, men det er uråd å melda plata utan å nemna «Stranded at Red Ice Desert. Remember Your Loved Ones». Her syner Storløkken kva poetisk kraft som bur i dette instrumentariet. Destillert vemod, rett og slett!
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Fiskemiddag: Ja, men pass på – det er ikkje berre paneringa som skjuler noko her.
Foto: Pxhere.com
Du skal aldri, aldri, aldri skode fisken på pakningen.
Foto: Agnete Brun
Med den monumentale boka Sjøfareren Erika Fatland gitt oss eit uvant, og skremmande, perspektiv på europeisk kolonialisme.
Kongsbonden Johan Jógvanson bur i den Instagram-venlege bygda Saksun. Men sjølv om han skjeller ut turistar, er det ikkje dei han er forbanna på. Det er politikarane inne i Tórshavn.
Alle foto: Hallgeir Opedal
Turistinvasjonen har gjort Johan Jógvanson til den sintaste bonden på Færøyane.
Finansminister Trygve Slagsvold Vedum (Sp) på pressekonferanse etter framlegginga av statsbudsjettet måndag. For dei som er opptekne av klima, var ikkje budsjettet godt nytt.
Foto: Fredrik Varfjell / NTB
Kapitulasjon i klimapolitikken
Regjeringa veit ikkje om statsbudsjettet bidreg til å redusere eller å auke klimagassutsleppa. Derimot er det klart at det nasjonale klimamålet for 2030 ikkje blir nådd.
Foto: Gyldendal
Erfaringar av tap og nytt liv
Debutdikta til Anngjerd Rustand eig omhug for omverda og er skrivne med klårleik og vent, sanseleg nærvær.
Papiravisa