Haden møter Mehldau
Opptaket dokumenterer eit av fleire vellukka duosamarbeid.
Jazz
Charlie Haden / Brad Mehldau:
Long Ago And Far Away
Brad Mehldau, piano;
Charlie Haden, bass.
Impulse
Fleirtalet av platene Charlie Haden har gjeve ut i eige namn, er enten duo- eller trioinnspelingar, og duoformatet utgjer brorparten av desse to. Slik sett er ikkje dette eit overraskande tilskot til Haden-diskografien. Utgjevinga understrekar likevel kor naturleg dette formatet var for denne basspioneren.
Samarbeidet mellom Haden og Mehldau går attende til 1993. I 1997 kom plata Alone Together med altsaksofonisten Lee Konitz som tredje mann på laget. I 2011 hadde trioen blitt kvartett, med Paul Motian på trommer. Live at Birdland utgjeven på ECM blei lagt merke til.
Elleve år etter
Long Ago And Far Away kom ut i november i fjor, om lag elleve år etter at opptaket var gjort, og gode fire år etter at Haden gjekk bort.
Opptaka er henta frå ein konsert i Christuskirche i Mannheim under Enjoy Jazz-festivalen, og repertoaret er utan unnatak frå standardrepertoaret med bopklassikaren «Au Privave» som det mest atypiske nummeret.
Det må likevel seiast at duoen aldri er i nærleiken av ei konvensjonell boptolking. Tankane går meir i retning av Lennie Tristano og Paul Bley. Resten av repertoaret ligg innanfor balladetempo med «Everything Happens to Me» som eit tolv minuttar langt avsluttande høgdepunkt der Mehldau serverer ein majestetisk koda og siterer «Ida Lupino» undervegs.
Jamføring
Haden- og Jarrett-fans veit at opptaka til Jasmin og Last Dance også blei gjorde i 2007. Det er såleis interessant å jamføra desse med Long Ago And Far Away. Long Ago And Far Away er kanskje ikkje prega av same magi og saumlause samspel, men på sitt beste er det veldig nært.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Charlie Haden / Brad Mehldau:
Long Ago And Far Away
Brad Mehldau, piano;
Charlie Haden, bass.
Impulse
Fleirtalet av platene Charlie Haden har gjeve ut i eige namn, er enten duo- eller trioinnspelingar, og duoformatet utgjer brorparten av desse to. Slik sett er ikkje dette eit overraskande tilskot til Haden-diskografien. Utgjevinga understrekar likevel kor naturleg dette formatet var for denne basspioneren.
Samarbeidet mellom Haden og Mehldau går attende til 1993. I 1997 kom plata Alone Together med altsaksofonisten Lee Konitz som tredje mann på laget. I 2011 hadde trioen blitt kvartett, med Paul Motian på trommer. Live at Birdland utgjeven på ECM blei lagt merke til.
Elleve år etter
Long Ago And Far Away kom ut i november i fjor, om lag elleve år etter at opptaket var gjort, og gode fire år etter at Haden gjekk bort.
Opptaka er henta frå ein konsert i Christuskirche i Mannheim under Enjoy Jazz-festivalen, og repertoaret er utan unnatak frå standardrepertoaret med bopklassikaren «Au Privave» som det mest atypiske nummeret.
Det må likevel seiast at duoen aldri er i nærleiken av ei konvensjonell boptolking. Tankane går meir i retning av Lennie Tristano og Paul Bley. Resten av repertoaret ligg innanfor balladetempo med «Everything Happens to Me» som eit tolv minuttar langt avsluttande høgdepunkt der Mehldau serverer ein majestetisk koda og siterer «Ida Lupino» undervegs.
Jamføring
Haden- og Jarrett-fans veit at opptaka til Jasmin og Last Dance også blei gjorde i 2007. Det er såleis interessant å jamføra desse med Long Ago And Far Away. Long Ago And Far Away er kanskje ikkje prega av same magi og saumlause samspel, men på sitt beste er det veldig nært.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Butikkvindauge i Worth Avenue i Palm Beach i Florida.
Alle foto: Håvard Rem
Det blonde reservatet
PALM BEACH: Krig og folkevandring verkar inn på alle vestlege val. Eit amerikansk presidentval kan verka andre vegen òg.
Lewis Lapham på Lapham’s Quarterly-kontoret ved Union Square på Manhattan.
Ein lang marsj mot idiotveldet
NEW YORK: Sett frå minnestunda for Lewis Lapham ser den politiske dagsordenen i USA mindre ny ut.
VINNAREN: På søndag vart Herbert Kickls Fridomsparti (FPÖ) for første gongen største parti i det austerrikske parlamentsvalet. Får partiet makt, vil dei jobbe for å oppheve sanksjonar mot Russland.
Foto: Lisa Leutner / Reuters/ NTB
Politikk i grenseland
Austerrikarane ser på seg sjølv som ein fredsnasjon. Likevel røystar ein tredel på prorussiske høgrepopulistar.
Eldspåsetting og steinkasting i Ramels veg i Rosengård i Malmö. Ivar Hippe har intervjua innbyggarar i utsette bydelar i Vest-Sverige.
Foto: Johan Nilsson / TT / AP / NTB
– Det kjem til å bli stygt
Ivar Hippe fekk lyst til å sjå nærmare på dei svenske tilstandane. Etter tre års arbeid er Sverige 2024: Beretninger om et land i krise her. Staten må ta styring, seier han.
Yrka med det høgste sjukefråværet er kvinnedominerte med relasjonelt arbeid og høge emosjonelle krav, skriv Lill Sverresdatter Larsen.
Foto: Gorm Kallestad / NTB
Langvarig overbelastning gir rekordhøyt sykefravær
«Vi har lenge drevet en dugnad for å holde skuta flytende.»
Papiravisa